වෙනදාට වඩා විනෝදයෙන් කටයුතු කරන සතියක් වන අතර මේ සතියේ සඳු ග්‍රහයා 12,1, 2 යන භාවයන් මතින් ගමන් කරයි.

ගෘහ ජීවිතය

පවුලේ බැඳීම් වැඩි කරන අන්දමේ කටයුතු කීපයක් යෙදෙන සතියකි. ගෘහ ජීවිතයේ පැවැති අවහිර බාධා කීපයක් මඟහැරී යයි. වෙනදාට වඩා විනෝදයෙන් කටයුතු සිදු කරන බවක් පෙනේ. ළඟම හිතවතකුගේ උපකාරයක් හිමිවීමට ඉඩ ඇත.

රැකියාව

ජලාශි‍්‍රත කටයුතු සම්බන්ධ රැකියා මාර්ගවලට හිමිකම් ඇති සතියකි. වෙනදාට වඩා උත්සාහයෙන් උනන්දුවෙන් රැකියාවේ කටයුතු කරගෙන යන බවක් පෙන්නුම් කරයි. තනතුරු අපේක්ෂාවෙන් සිටින අයට සුබදායක කාලයකි.

අධ්‍යාපනය

අමතර දේ ඉගෙනීමට වෙහෙසක් දරන බවක් පෙනේ. කණ්ඩායම් වැඩසටහන්වල මූලිකත්වයක් ගන්නා කාලයකි. තරග විභාගයක් වෙනුවෙන් වෙහෙසීම් ඇති කරන බවක් පෙනේ. විදෙස් අධ්‍යාපනයකට සැලසුමක් ඇතිකර ගන්නා කාලයකි.

සෞඛ්‍යය

වරින්වර ඇති කරන උගුර හෝ වකුගඩු ආශි‍්‍රත ආබාධයක් හේතුවෙන් පීඩාකාරි බවක් ඇති කරයි. රුධිරගත සීනි මට්ටම කෙරෙහි ද සැලකිලිමත් විය යුතු සතියකි.

අය 07 වැය 05

ජය අංකය - 09

ජය වර්ණය - කොළ

සුබ දවස - බදාදා

විශ්වාසවන්ත බැඳීමකට කරුණු සැලසෙමින් පවතින සතියක් වන අතර, මේ සතියේ සඳු ග්‍රහයා 9, 10, 11 යන භාවයන් මතින් ගමන් කරයි.

ගෘහ ජීවිතය

අන් අය සමඟ සුහදව කටයුතු කිරීමට අවස්ථාව උදා කරයි. එමෙන්ම බාහිර අලංකාරයට විනෝදයට කැමැති කාලයකි. තම මතයටම කටයුතු සිදු කරයි. අන් අයගේ අදහස්වලට ගරු නොකරන බවක් පෙන්නුම් කරයි. සමාජයේ ප්‍රසිද්ධියට පත්වන කාලයකි.

රැකියාව

බොහෝ දෙනා සම්බන්ධ කරගෙන කරන රැකියා මාර්ගයකට ඉඩකඩ ඇති කරයි. වෙළෙඳ ව්‍යාපාරයකට ද සම්බන්ධවිමට අවස්ථාව උදා කරයි. සේවක පක්ෂයේ ප්‍රසාදයට පත්වන සතියකි.

අධ්‍යාපනය

තරමක බාධක යෙදුණත් ඉගෙනීමේ කටයුතු සාර්ථක ලෙස කරගෙන යෑමට කටයුතු උදා කරයි. විශේෂයෙන් කලා අංශයේ කටයුතුවලට වැඩි කැමැත්තක් දක්වන කාලයකි.

සෞඛ්‍යය

දතක අමාරුවකට ප්‍රතිකාර ලබා ගැනීමට සිදුවෙයි. බෝ නොවන රෝගයක් හේතුවෙන් පීඩාකාරී බවක් ඇති කරයි. යටිබඩ ආශි‍්‍රත ඇතිවන ආබාධයකට ප්‍රතිකාර ලබා ගැනීම සිදුවන බවක් පෙනේ.

අය 06 වැය 03

ජය අංකය - 02

ජය වර්ණය - කහ

සුබ දවස - සිකුරාදා

වෙනදාට වඩා උත්සාහයෙන් කටයුතු සිදු කරන සතියක් වන අතර මේ සතියේ සඳු ග්‍රහයා 2,3,4,5 යන භාවයන් මතින් ගමන් කරයි.

ගෘහ ජීවිතය

විදෙස් ගත සැලසුමකට අත ගසන සතියකි. අතමිට මුදල් ගැවසුනත් වැය පස අධික වන බවක් පෙනේ. ප්‍රමාද වූ කටයුතු කීපයක් සාර්ථක කර ගැනීමට අවස්ථාව උදාකරයි. දරුවකු පිළිබඳ සතුටට පත්විය හැකි සතියකි. පවුලේ උත්සව අවස්ථාවකට සැලසුමක් ඇතිකර ගන්නා බවක් පෙනේ.

රැකියාව

රැකියාවේ කටයුතුවලට විවිධ බාධා මතුවිය හැකි කාලයකි. අමතර ව්‍යාපාර කටයුතුවලින් වාසි සැලසෙන බවක පෙනේ. එමෙන්ම රැකියාවේ කටයුතු සඳහා දුර පළාතකට යාමට සිදුවන කාලයකි.

අධ්‍යාපනය

අමතර භාෂාවක් ඉගෙනීමට වෙහෙසක් දරන කාලයකි. සාහිත්‍ය හා කලා අංශයේ කටයුතුවලට වැඩි නැඹුරුතාවයක් දක්වයි. සහජ දක්ෂතා ඉස්මතු වන අන්දමේ කරුණු කීපයක් යෙදේ.

සෞඛ්‍යය

නින්දට බාධාවන අන්දමේ සෙම් රෝගයක් හේතුවෙන් පීඩාගෙන දෙන බවක් පෙනේ. පපුව, පෙණහලු, සම්බන්ධ ආබාධයක්ද වරින්වර මතුවීමට ඉඩ ඇති ශරීර සෞඛ්‍යය පිළිබඳ සැලකිලිමත් වන්න.

අය 06 වැය 04

ජය අංකය - 05

ජය වර්ණය - කොළ

සුබ දවස - බ්‍රහස්පතින්දා

විශේෂ සැලසුමක අතගැසීමට කටයුතු උදා කරන සතියක් වන අතර මේ සතියේ සඳු ග්‍රහයා 11,12, 1,2 යන භාවයන් මතින් ගමන් කරයි.

ගෘහ ජීවිතය

වෙනදාට වඩා උත්සාහයෙන්, උනන්දුවෙන් කටයුතු සිදු කරයි. දරුවකුගේ විශේෂ ජයග්‍රහණයක් වෙනුවෙන් සතුටට පත්වීමට කරුණු උදා කරයි. හදිස්සියේ සිදුවන වාහන ගනුදෙනුවකින් වාසි අත්කරයි. වෙනදාට වඩා විනෝදයෙන් කටයුතු සිදු කරන සතියකි.

රැකියාව

රැකියාවේ කටයුතු සම්බන්ධ අවිවේකී බවක් ඇති කරයි. එමෙන්ම ගත සිත වෙහෙසා කරන රැකියා මාර්ගවලට ඉඩකඩ ඇති බවක් පෙනේ. වෙළෙඳ ව්‍යාපාර කටයුතුවල නියැළී සිටින අයට විශේෂ වාසි උදාකරන කාලයකි.

අධ්‍යාපනය

නිතර පොතපත කියවීමට උනන්දුවක් දක්වන කාලයකි. විශේෂ පාඨමාලාවක් හැදෑරීමට වෙහෙසෙන බවක් පෙනේ. සාහිත්‍යමය කටයුතුවලින් තමාට ජයග්‍රහණ අත්කරන සතියකි.

සෞඛ්‍යය

ශාරීරික වෙහෙස ගෙන දෙන කටයුතු කීපයක් යෙදේ. වරින්වර ඇතිවන තුනටිය ආශි‍්‍රත ආබාධයකට ප්‍රතිකාර ලබා ගැනීමට සිදු වෙයි. හදිසි වෛද්‍ය ප්‍රතිකාර පතන බවක් පෙනේ.

අය 06 වැය 05

ජය අංකය - 02

ජය වර්ණය - දම්

සුබ දවස - සිකුරාදා

පවුලේ කටයුතු සම්බන්ධ විශේෂ වෙහෙසීම් ඇති කරමින් සතිය ආරම්භ කරන තුලා ලග්න හිමි ඔබගේ සඳු ග්‍රහයා මේ සතියේ 8,9,10,11 යන භාවයන් මතින් ගමන් කරයි.

ගෘහ ජීවිතය

උත්සාහයේ තරමට ප්‍රතිඵල අත් නොකරයි. නිතර නිවෙසට යන එන කෙනකු පිළිබඳ සැලකිලිමත් වන්න. හදිසි ගනුදෙනුවක් සිදුකර ගන්නා සතියකි. අලුත් දේ මිලයට ගැනීමට කටයුතු උදා කරයි.

රැකියාව

රැකියාවේ තනතුරු, මාරුවක් සිදුවන අන්දමේ කටයුතු කීපයක් සිදු කරයි. අමතර ලැබීම් හිමි කරන රැකියා මාර්ගවලට ද හිමිකම් ඇති කරයි. රැකියාවේ කටයුතුවලින් කැපී පෙනෙන අන්දමේ කටයුතු කීපයක් සිදු වීමට ඉඩ ඇත.

අධ්‍යාපනය

අලුත් දේ ඉගෙනීමට කටයුතු සැලසෙන සතියකි. උසස් අධ්‍යාපන කටයුතුවලින් විශේෂ ජයග්‍රහණ බලාපොරොත්තු විය හැකි බවක් පෙනේ. හදිසි පොත්පත් මිලදී ගැනීමකට කටයුතු උදා කරන සතියකි.

සෞඛ්‍යය

පැවැති අසනීපයකින් සුවය හිමි කරයි. එහෙත් රුධිරගත සීනි මට්ටම, රුධිර පීඩනය, වැනි රෝගාබාධ කෙරෙහි සැලකිලිමත්වීම වැදගත් වේ. කෑම බීම ගැනීමේදී සැලකිලිමත්වීම වැදගත් වේ.

අය 07 වැය 05

ජය අංකය – 04

ජය වර්ණය – රතු

සුබ දවස – බදාදා

• ඔබට වඩාත් මේ පිළිබඳව සහ ඔබගේ ජන්මපත්‍රය පිළිබඳව දැනගැනීමට අවශ්‍යද? ලංකාවේ ප්‍රවීන ජ්‍යෝතිෂවේදීයෙකුගෙන් ඒ සම්බන්දව විමසන්න. Link : https://subha.lk/astrologers