මැණික් අලංකාරයට වඩා වැඩි යමක් ලෙස ඔබගේ ශක්තිය වැඩි දියුණු කිරීමට, ඔබේ දුර්වලතා සමතුලිත කිරීමට සහ අසුබ ග්‍රහ බලපෑම් අවම කිරීමට මෙන්ම ධනාත්මක ශක්ති කම්පන රැගෙන ඒමට උපකාරී වෙයි.

ඔබගේ ලග්නාධිපතියා අනුව ඔබට ගැළපෙන මැණික් ගල් විවිධය. නිවැරදි මැණික පැලදීමෙන් පැහැදිලි මනස, විශ්වාසය, සන්සුන් භාවය හා සමෘද්ධිය ලබා ගත හැකි වන අතර අපලවලින් මිදීමට ද යහපත්ය.

මේෂ – රතු කොරල් (Red coral)

කුජ ග්‍රහයා විසින් පාලනය කරන මේෂ ලග්න හිමියන්ට රතු කොරල්වලින් ප්‍රතිලාභ ලැබෙයි. එමඟින් ධෛර්යය, විශ්වාසය සහ ජීව ශක්තිය වැඩි කරන බවට සැලකේ. එමඟින් ආවේගශීලී හැසිරීම් සන්සුන් කරන අතර තීරණ ගැනීමට ද සහාය වේ.

වෘෂභ – මරකත / පච්චරාග (Emerald)

සිකුරුගෙන් පාලනවන වෘෂභ ලග්නයට ආදරය, සුන්දරත්වය සහ චිත්තවේගීය සුවය ලබා එමරල්ඩ් ජීවිතයේ බොහෝ පැතිකඩ සමතුලිත කර ගැනීමට උපකාර වන බව වැඩි දෙනාගේ විශ්වාසයයි. එය සන්නිවේදනය සහ සබඳතා වැඩි දියුණු කරන අතරම සන්සුන් භාවය සහ ස්ථාවරත්වය ගෙන එයි.

මිථුන – මරකත / පච්චරාග (Emerald) හෝ දියතරිප්පු (Aquamarine)

බුධ ග්‍රහයා විසින් පාලනය කරනු ලබන මිථුන ලග්නයට මේ මාණික්‍යවලින් වාසි රැසක් සැලසෙයි. පැහැදිලි චින්තනය, චිත්තවේගීය සමතුලිතතාවය සහ සන්නිවේදනයේ පහසුව මේවා මඟින් ප්‍රවර්ධනය කරයි. මානසිකව ක්‍රියාශීලී මිථුන ලග්න හිමියන්ට මෙය ඉතා යහපත්ය.

කටක – මුතු (pearl) හෝ චන්ද්‍ර කාන්ති (Moonstone)

චන්ද්‍රයා විසින් පාලනය කරනු ලබන කටක ලග්න හිමියන්ට මේ මැණික් මඟින් මානසික සාමය ලැබෙන බව විශ්වාස කරයි. මේ මැණික් ගල් පැලඳීම මඟින් සන්සුන් භාවය, බුද්ධිය සහ චිත්තවේගීය සුවය දිරිමත් කරනු ඇත.

සිංහ – පද්මරාග (Ruby)

සූර්යයා විසින් සිංහ ලග්නය පාලනය කරන අතර, මෙය සිංහ ලග්න හිමි ඔබට විශ්වාසය, නායකත්වය සහ උනන්දුව වැඩි කරයි. එය හදවත පදනම් කරගත් තීරණ ගැනීම සහ අභ්‍යන්තර ශක්තියට ද සහාය වේ.

කන්‍යා – එමරල්ඩ් (Emarald)

කන්‍යා ලග්නය බුධ විසින් පාලනය කරනු ලබයි. එමරල්ඩ් මඟින් කාංසාව අඩු කිරීමට, අවධානය වැඩි දියුණු කිරීමට සහ චිත්තවේගීය පැහැදිලි බවක් ගෙන ඒමට උපකාරී වේ.

තුලා – දියමන්ති (Diamond) හෝ අග්නිමාණික්‍ය (Opal)

සිකුරු අධිපති තුලා රාශිය සමඟ මේ මැණික් ගැළපෙන අතර එමඟින් අභ්‍යන්තර නොසන්සුන්තාවය සමනය කරයි. එමෙන්ම නිර්මාණශීලිත්වය, ක්‍රියාශීලිත්වය වැඩිය. තවද පුද්ගලයන් අතර සබඳතා, සමගිය වැඩි දියුණු කරයි.

වෘශ්චික – රතු කොරල් (Red corel) හෝ රබහ (Garnet)

මේ ලග්නය අඟහරු විසින් පාලනය කරනු ලබයි. වෘශ්චික ලග්න හිමියන්ට මෙමඟින් ප්‍රතිලාභ ලැබේ. මේවා කැමැත්ත, ආශාව සහ වැඩ කිරීමේ උනන්දුව වැඩි කරන අතරම සෘණාත්මක බවෙන් ආරක්ෂාව සපයනු ඇත.

ධනු – පුෂ්පරාග (Yellow sapphire)

බ්‍රහස්පති පාලනය කරන ධනු රාශිය පුෂ්පරාග මඟින් අනුනාද වන අතර එය ප්‍රඥාව, වාසනාව, ශුභවාදී බව සහ අධ්‍යාත්මික සංවර්ධනයට සහාය වේ.

මකර – නිල්මැණික් (Blue sapphire)

සෙනසුරු විසින් පාලනය කරනු ලබන මකර ලග්නය නිල් මැණික්වලින් ශක්තිමත් වේ. මේ බලගතු මාණික්‍යය විනය, අවධානය සහ දිගුකාලීන සාර්ථකත්වය ගෙන එනු ඇත. එහෙත් එය පැළඳීය යුත්තේ ඡ්‍යොතිෂ උපදෙස්වලින් පසුව පමණි.

කුම්භ – අඹතේස්ත(Amethyst)හෝ නිල්මැණික් (Blue sapphire)

සෙනසුරු විසින් පාලනය කරනු ලබන කුම්භ ලග්න පුද්ගලයන් තුළ සමතුලිතතාවය , පැහැදිලි බව, තීක්ෂණ බුද්ධිය සහ අධ්‍යාත්මික දැනුවත්භාවය ප්‍රවර්ධනය කිරීමට ඉහත මැණික් හේතු වෙයි.

මීන – පුෂ්පරාග (Yellow sapphire) හෝ අඹතේස්ත (Amethyst)

මීන රාශිය බ්‍රහස්පති සහ නෙප්චූන් විසින් පාලනය කරනු ලබයි. එම ලග්න හිමියන්ගේ ශුභවාදී බව සහ අධ්‍යාත්මික ශක්තිය එමෙන්ම චිත්තවේගීය සන්සුන් භාවය ඉහත මාණික්‍ය සමඟ ගැඹුරින් සම්බන්ධ වේ.

ඔබගේ ලග්න වලට ගැළපෙන මැණික් ගලක් පැළඳීම විලාසිතා වලට එහා ගිය වටිනා කාරණාවකි. එය ඔබේ චිත්තවේගීය, මානසික සහ අධ්‍යාත්මික යහපැවැත්මට බොහෝ සෙයින් සහාය විය හැකිය. සුබවාදී බලපෑමක් ලබා ගැනීම සඳහා මැණික් ගල් ප්‍රවේශමෙන් තෝරාගත යුතුය. ඉතා මැනවින් ඔබේ සම්පූර්ණ ජන්ම පත්‍රය මත පදනම්ව හෝ ඡ්‍යොතිෂ ශාස්ත්‍රඥයෙකුගේ මඟ පෙන්වීම යටතේ මේ මැණික් භාවිත කිරීමට වග බලාගන්න.