අතීතයේදී මෙන් නොව වර්තමානයේ ඇස් රෝගවලින් පීඩා විඳින ජන සංඛ්‍යාව ඉතා ඉහළය. එයට හේතුව නම්, පරිගණක, රූපවාහිනිය, ස්මාට් ජංගම දුරකතන වැනි විද්‍යුත් උපකරණ වැඩිපුර භාවිතය, මත්ද්‍රව්‍ය භාවිතය,  ක්ෂණික ආහාර පාන වැඩිපුර ගැනීම, රාත්‍රී නින්ද අඩුකම යන කරුණුය.

මෙලෙස නේත්‍ර රෝග ඇතිවීමට අයහපත් සෞඛ්‍යය පුරුදු හේතු වනවාසේම, ඡ්‍යොතිෂමය දෘෂ්ටි කෝණයකින් ඒ පිළිබඳව කරුණු විමසා බලන කල ජන්මියෙකුගේ උපන් ලග්න කේන්දරයෙහි පිහිටි යම් යම් අයහපත් ග්‍රහ  පිහිටීම්ද ඇස් පෙනීම අඩු වීමට හෝ අන්ධ භාවයට ඇතිවීමට හේතුවන බව ඉතා පැහැදිලිව අවබෝධ වෙයි.

ඒ අනුව ලග්න කේන්දරයක දෘෂ්ටිය පිළිබඳව කරුණු හෙළිදරව් කෙරෙන භාව දෙකක් වන දෙවැන්න සහ 12 වැන්නත් එහි අධිපතියනුත්, පුරුෂයන්ගේ දකුණු ඇසටද, ස්ත්‍රීන්ගේ වම් ඇසට කාරක වන රවිත්, ස්ත්‍රීන්ගේ  දකුණු ඇසට පුරුෂයින්ගේ වම් ඇසට කාරක වන සඳු ග්‍රහයත් ලග්න කේන්දරයකට අශුභ ඵල ගෙන දෙන 6, 8, 12 යන දුෂ්ට භාවාධිපතියන්ගෙන් හෝ පාපීන් වන රවි, කුජ, ශනි, රාහු, කේතු යන ග්‍රහයන් වැඩි දෙනෙකුගේ  දෘෂ්ටියෙන් හෝ සංයෝගයෙන් පීඩා වූ කල එවන් ග්‍රහ පිහිටීමක් ඇති ජන්මීන්ට ඇස් පෙනීම අඩුවීම හෝ  අන්ධ භාවය ඇති වන්නේ ය.

නේත්‍ර රෝග පිළිබඳව කරුණු අවබෝධකර ගැනීමට පෞරාණික නිමිති ග්‍රන්ථවල සඳහන් කරුණුද වැදගත් වන හෙයින් එවැනි ඡ්‍යොතිෂ ග්‍රන්ථවල නේත්‍ර රෝග පිළිබඳව සඳහන්ව ඇති කරුණු කිහිපයක් මෙසේ ඉදිරිපත් කරමි.

ඒ අනුව සාරාවලිය නම් පැරණි ඡ්‍යොතිෂය ග්‍රන්ථයෙහි 10 වැනි අදියරයේ 57 වෙනි පරිච්ඡේදයෙහි සිට නේත්‍ර  රෝග පිළිබඳව මෙසේ දැක්වෙයි.

අඟහරු සහ සෙනසුරු12 වැන්නෙහි සිටියදී ඇස් අන්ධ වේ. සෙනසුරා දකුණු ඇසද අඟහරුවා වම් ඇසද කණ  කරයි.

58. පරිච්ඡේදයේ සඳු හිරු 12 වැන්නෙහි සිටීමෙන්ද පාපයන් 6, 8, 12 යන රැසෙක සිටීමෙන්ද අන්ධ වේ.

59. හිරු 12 හි බුධ දකුණු ඇසද සඳු 12 වුව වම්ඇසද කණ කෙරේ.

60. රාහු ලග්නයෙහිද හිරු 7 වැන්නෙහිද සිටි කල නිසැකවම අන්ධ වේ.

එමෙන්ම සර්වාර්ථ චින්තාමනි නම් පෞරාණික ඡ්‍යොතිෂ ග්‍රන්ථයෙහි දෙවැනි භාවය සම්බන්ධ කරුණු  විග්‍රහයේදී නේත්‍ර රෝග පිළිබඳව මෙසේ සඳහන් කොට ඇත.2වැන්නාධිපති සිකුරු, සඳු සමඟ නම් ජන්මියා රාත්‍රී අන්ධයකු වේ. කෙසේ වුවද දෙවැන්නාධිපති ශුභයෙක් සමඟ හෝ ඔහුගේ උච්ච රාශියෙහි හෝ සිටිනම් රෑ අන්ධබව ඇති නොවේ.

2 වැන්නාධිපති රවි හා සිකුරු සමඟ 6, 8 හෝ 12 හි සිටීනම් ජන්මියා ජනිත වී ඇත්තේ අන්ධවය.

සිංහ ලග්නයෙන් ජන්ම ලාභය ලබා ලග්නයේ සිටින රවි, සඳු, කුජ ශනි ගේ දෘෂ්ටියට ලක්වේද ඔහුගේ ඇය ගේ  ඇසට හානි වේ. මෙහිදී රවි සඳුට දෘෂ්ටිය විහිදුවන කුජ, ශනි සහජ ශුභයන් සමඟ නම් අන්ධ බව ඇති නොවේ.  ලග්නාධිපති සෙනසුරු බැල්ම ලබා බොහෝ පාපින් සමඟ ලග්නයෙහි වේද ජන්මියාගේ ඇස්වල රෝග පවතියි.

දෙවැන්නෙහි පාප ග්‍රහයෙකු සිටියදී දෙවැන්නාධිපති ශුභ බැල්ම ලබා සිටින ජන්මියාගේ ඇස් පියවී අති අයුරින්  අඩවන් වී පවතී.

දෙවැන්නෙහි ග්‍රහයන් සිටීම හෝ දෙවැන්නාධිපතිගේ බැල්ම ලැබ සිටී නම් ජන්මියකුට මනාව ඇස් පෙනීමක් ඇත.

දැන් අපි ඉහත විග්‍රහ කළ කරුණු පිළිබඳව පැහැදිලි අවබෝධයක් ලබා ගැනීමට උදාහරණ කේන්දරයක්  අධ්‍යයනය කරමු.

ඉහත උදාහරණ කේන්දරය අයත් වන්නේ ඇස් පෙනීම අඩු නිසා උපැස් යුවලක් ආධාරයෙන් පරිගණක  ක්ෂේත්‍රයේ රැකියාවක් කළ පුද්ගලයකුටය. ඔහුට දැනට කුම්භයේ ගෝචරවන සෙනසුරු ග්‍රහයා කේන්ද්‍ර  කොටගෙන ලග්න සහ චන්ද්‍ර අෂ්ටම ඒරාෂ්ටක දෙකක් එකවර යෙදුණු අතර, ඒ අනුව ලග්න ඒරාෂ්ටක අපලයේදී ඉහත කේන්දරයට අනුව දකුණු ඇස නිවේදනය කෙරෙන එමෙන්ම දෘෂ්ටිය ගැන කරුණු හෙළිදරවු කරන  භාවයක් වන දෙවැන්නෙහි සෙනසුරු ගෝචරය වීමත් වම් ඇසට කාරක ග්‍රහයෙන් වන සඳුගෙන් 8 වැන්නෙහි  සෙනසුරු ගෝචරය වෙමින් උදා කළ චන්ද්‍ර අෂ්ටම ඒරාෂ්ඨක අපලයත් හේතු කොට ගෙන 2023 - 09.26 සිට 2024.07.26 දක්වා පැවති සඳු මහ දශාවේ සඳු අතුරු දශාවේදී ඔහුට ඔහුගේ රැකියා කටයුතු කරගෙන යෑම  නොහැකිවන පරිදි ඇස් පෙනීම දුර්වල විය. එලෙස ඔහුගේ පෙනීම මෙහි විග්‍රහ කළ පරිදි සෙනසුරු ඒරාෂ්ටක  අපල කාල සීමාවේදී ඉතා දුර්වල වූයේ උත්පත්ති කේන්දරයේ පෙනීම සම්බන්ධ භාවාධිපතියන් පෙනීමට කාරක වන රවි, සඳු සහ ග්‍රහයන් දුර්වලව පාප පීඩිතව සිටීම නිසාය. ඒ අනුව ඒ පිළිබඳව කරුණු පැහැදිලි කළ හොත්  දකුණු ඇස නිවේදනය කෙරෙන ශනි රෝග ස්ථානය වන 6 වැන්නෙහි නීච කේතු සමඟ යෝගව 64වෙනි  නවාංශකාධිපති බුධගේ සහ ශනිට සතුරු රවි, රාහු යන ග්‍රහයන්ගේ සම සප්තම දෘෂ්ටියෙන් පීඩා කරයි. එය  දකුණු ඇසට කාරක රවි ග්‍රහයාගේ බලය අතිශයින්ම දුර්වල කෙරෙන භාවයක් වන12 වැන්නාධිපති රාහු, කේතු, ශනි සහජ පාපින් හෙබී සහ 64 වැනි නවාංශකාධිපති බුධගෙන් පීඩා වෙයි. එනිසා වම් ඇස නිවේදන කෙරෙන 12 වැන්නාධිපති ගුරු ග්‍රහයා22 වැනි දෙර්කාණාධිපති මෙන්46 වෙනි නවාංශකාධිපතිට ලග්නයෙහි පතිතව  දුෂ්ට ස්ථානවල(6,12) පතිත කේතු, ශනි, රාහු, රවි යන සහජ පාපින්ගෙන් සහ64 වැනි නවාංශකාධිපති බුධ යන ග්‍රහයන්ගෙන් පාප කර්තරීතවීම, වම් ඇසට කාරක වන සඳු7 වැන්නේ ස්වක්ෂේත්‍රව කුලීර නම් යෝගය උදා  කරමින් බලවත්ව සිටියත් කේතු, ශනි, රවි, රාහු යන සහජ පාපීන්ගෙන් සහ64 වැනි නවාංශකාධිපති බුධගෙන් පාප කර්තරිත යෝගයකට මැදිව ලග්නයේ සිට නීච භංගයෝගය උදා කර ඇති මුත්64 වැනි සහ46 වැනි  නවාංශකාධිපති ගුරුගේ සප්තම දෘෂ්ටියට ලක්වීමෙන් පාප පීඩිත වීම නිසා ඔහුට පසු කලෙකදී දෛනික  කටයුතු කර ගැනීමට අපහසු වන පරිදි ඇස් පෙනීම ඉතා දුර්වලවිය.

මෙහිදී ජීවිතයේ මුල් භාගයේ දී මකර ලග්නයට සහ අර්ධ යෝග කාරකත්වයක් උසුලන බුධ ග්‍රහයා, චන්ද්‍රාධි  යෝගයකට සම්බන්ධතාවයත් රුවක නම් පංචමහා පුරුෂ යෝගය උදාකළ අඟහරුගේ නවාංශකයක සහ  ලග්නයෙහි චෙෂ්ටා බලය ලබමින් පරිනතව සිටින මකර ලග්නයට ප්‍රබල යෝගකාරක සිකුරු ග්‍රහයාගේ  නැකැතක නැන්පත්වීමත් නිසා වයස අවුරුදු14 දක්වා පැවැති බුධ මහ දශාවද ඉන්පසු චෙස්ටා බලය ලැබූ  සිකුරුගේ නැකැතක පිහිටි අවුරුදු21 දක්වා9වැනි කේතු මහ දශාව ඉන්පසු අවුරුදු21 සිට41 දක්වා ලග්නයේ  බලවත්ව පිහිටියාවූ සිකුරු මහ දශාවද ඉන්පසු අවුරුදු47 දක්වා පැවතියා වූ සිකුරුගේ නැකැතක පිහිටියා වූ රවි මහ දශාවද ඔහුට පෙනීමේ දුර්වලතාවයක් තිබුණ නමුත් උපැස් යුවලක් ආධාරයෙන් දෛනික කටයුතු කරගෙන යෑමට හැකි විය. එහෙත් අවුරුදු46 දී යෙදුණු සඳු මහ දශාවේදී සඳු64 වැනි නවාංශකයාධිපති බුධගේ නැකතක  සහ46 වැනි සහ22 වැනි දෙර්කාණාධිපති ගුරුගේ නවාංශකයක පතිතව දුර්වලවීම නිසා සඳු ග්‍රහයාගේ මහ  දශාවේ සඳු අතුරු දශාවේ එකවර ලැබූ ලග්න සහ චන්ද්‍ර අෂ්ටම ඒරාෂ්ටක අපල කාලයෙදී උපැස් යුවලක්  ආධාරයෙන් වුවද දෛනික කටයුතු කර ගැනීමට නොහැකිවන ආකාරයට ඇස් පෙනීම ඉතා දුර්වල විය.