ඉතා ළඟදීම සෙනසුරු මාරුවක් වන බව දන්නා බොහෝ දෙනා ඒ පිළිබඳ කනස්සල්ලෙන් සිටිනු පෙනේ. ඒ ග්‍රහ  අපල ඇතිවෙතැයි බියෙනි. සෙනසුරුගෙන් උදාවන්නා වූ ග්‍රහ අපල සඳහා පහත සඳහන් වත්පිළිවෙත්  ඉටුකිරීමෙන් එම ග්‍රහ අපල තත්ත්වයෙන් බොහෝ දුරට අත්මිදීමේ හැකියාව ඔබට උදාවනු ඇත.

අපායේ හෝ ස්වර්ගයේ යතුර ඇත්තේ සෙනසුරු අතය. ඒ ශනි ග්‍රහයා පිළිබඳව ජනපි‍්‍රය කියමනකි. මේ යතුරු දෙකෙන් ලබාගත යුතු යතුර තීරණය කළ යුත්තේ ඔබ විසිනි. මන්දයත් යහපත් වූ ධාර්මික ක්‍රියාවල අප යෙදුණු කල සෙනසුරු අපට නොපැකිළව ස්වර්ගයේ යතුර ලබා දෙනු ඇත. එහෙත් පාප ක්‍රියාවල යෙදෙමින් අධාර්මික  ජීවිතයක් ගත කරන කල අනිවාර්යයෙන්ම අපායේ යතුර අප වෙත ලැබෙනු නොඅනුමානයි. එය යථාර්ථය හා  පරම සත්‍යය ලෙස අප වටහාගත යුතුය.

ඔබ බෞද්ධයකු නම්, පුර පක්ෂයේ දින 09ක බෝධි පූජාවක් පැවැත්වීමත් තමාගේ උසට මල් මාලාවක් අමුණා  ඊට තමාගේ වයසට අදාළව නිල්මල් එකතු කිරීමත් බෙහෙත් ඖෂධ වර්ග 09ක් පූජා කිරීමත් කිරිකොළ 09 ක  තබාඑළඟිතෙල් පහන්09ක් දැල්වීමෙන් සෙනසුරු හෙවත් ශනි ග්‍රහයාගේ අපල තත්ත්ව දුරු කර ගැනීමේ  හැකියාව  ඇත.

සෙනසුරු වෙනුවෙන් සකස් කරන ලද නවග්‍රහ මංජුසාවක් අදාළ දින09ක කාලයක් පිළිවෙත් කොට සෙනසුරාදා දිනක ශනි හෝරාවෙන් දියෙහි පා කර හැරීම ඉතාම සුබදායක වනු ඇත.

සෙනසුරු ඒරාෂ්ටක ශනි මහදශා හා අතුරු දශා අපල පවතින විට සෙනසුරු ග්‍රහයාට අයත් වෘක්ෂය වන නුග වෘක්ෂයට සාත්තු කිරීම, මෛත්‍රී භාවනාව වැඩීම සුබදායක වේ.

සෙනසුරාදා (ශනිදා) දිනවල උදේ 6-7ත් අතර එළඟිතෙල් මිශ්‍ර කිරිබත් ගුළි8ක් තම හිස වටා කරකවා කපුටන්ට  කෑමට දෙන්න. (වතුර බේසමක්ද තබන්න අමතක නොකරන්න)

දුගී මගී අත් පා නැති ඇස් අන්ධ හා ආබාධිත අසරණ අයට උදව් උපකාර කරන්න(ආහාර, ඇඳුම් පැලඳුම් හා මුදල් ආදියෙන්)

හැකි සෑම විටෙකම තමා කන බත්පතෙන් මිටක් ඉගිළී යන සතෙකුට කෑමට දෙන්න.

හිරවී සිටින කුරුල්ලන් ජෝඩු වශයෙන් බේරාගෙන නිදහස් කරන්න.

ගලා යන ජලයේ ජීවත්වන මාළුන්ට වී පොරි ස්පර්ශ කර කෑමට දෙන්න.

දරුවන් ලැබූ හා ලැබෙන්න ඉන්නා වූ අයට ඇප උපස්ථාන කරන්න.

අමාවක පොහොය දිනවල තමාගේ වයසට අදාළව බෝධියක් අබියස එළඟිතෙල් පහන් දල්වන්න.

ගිලන්ව සිටිනා සිල්වත් භික්ෂුවකට බෙහෙත් ඖෂධ පූජා කරන්න.

මහලු වැඩිහිටියන් වාසය කරන නිවාසයකට උදෑසන කොළකැඳ පානයක් දන් දෙන්න.

විෂ්ණු දේව රාජෝත්තමයන්වහන්සේ වෙනුවෙන් භාරහාර වීම, පූජා පැවැත්වීම, පිහිට අයැද සිටීම සෙත්කවි  කියවීම ඉතා සුබදායකය.

අතපය වාරු නැති අය හට මෙන්ම යාචකයන්ට සෙනසුරාදා දිනවල රතු කැකුළු බත්, එළවළු ව්‍යංජන සහිතව  දන්දීම සුබදායක වනු ඇත.

නීල මණ්ඩල යන්ත්‍රය, ශනි මෘතුංජය, විෂ්ණු අඝෝර යන්තරය යන යන්තර නිසියාකාරව බල පිහිටුවා පැලඳීම

සෙනසුරාදා දිනවල නිර්මාංශ වීම

කළුතල, අංජන කැට, වී පොරි, සතකුප්ප, බැවිල, සුවඳ කොට්ටං, දේවදාර, කලාඳුරු අල යන ඖෂධ සමව ගෙන  තම්බා නිවා ස්නානය කිරීම.

කිරි අම්මාවරුන්ට දානයක් දීම

නුගකොළ මිශ්‍ර වතුර ස්නානය කිරීම

නිල්පාට මල් වැඩිපුර පූජා කිරීම

සෙනසුරු ප්‍රධාන නවග්‍රහ මණ්ඩලයේ ඒ ඒ ග්‍රහයන්ට අදාළ දෙවිවරු සිටිනා අතර, ඒ අතරින් සෙනසුරු හෙවත්  ශනි ග්‍රහයාට අදාළ අධිපති දෙවියන් වහන්සේ වන්නේ ග්‍රහ මණ්ඩලයේ ප්‍රධාන දෙවියන් වන ශ්‍රී විෂ්ණුූ දේවතාවන් වහන්සේය. එම නිසා සෙනුසරුගෙන් වන පීඩා හා ග්‍රහ අපල වළක්වා ගැනීමට ශ්‍රී විෂ්ණු දේවතාවන්වහන්සේ  උදෙසා පුද පූජා හා ග්‍රහ ශාන්තිකර්ම පැවැත්වීම ඉතාම සුබදායක වනු ඇත.