අවුරුද්දේ අනෙකුත් මාස වලට සාපේක්ෂව ආදරය සම්බන්ධව වැඩිපුර කතා බහට ලක්වන මාසය වන්නේ  පෙබරවාරි මාසයයි.

එයට හේතුව පෙබරවාරි 14 ආදරවන්තයින්ගේ දිනය හෙවත් වැලන්ටයින් දිනය වීමය. එහෙයින් මෙම  ආදරවන්තයින්ගේ මාසයේ ෆෙන්ෂුයි සමඟ ආදරය ආකර්ෂණය කර ගැනීමට හැකි සරල ආකාර කිහිපයක්  පහත පරිදි වේ.

1) තමාගේ ඇඳ වටා ඉඩක් සකසා ගන්න. එමඟින් ගම්‍ය වන්නේ වෙනත් කෙනෙකුට තම කාමරයේ මෙන්ම  ඇඳෙහි ඉඩක් තිබේ යැයි යන හැඟීම විශ්වයට ඉදිරිපත් කිරීමය.

2) කාමරය තුළ ඇති භාණ්ඩ විවිධත්වයෙන් යුතුවීම. එමඟින් නැවුම් සබඳතාවක් පැවැත්වීමට හා ඒකාකාරි බවින්මිදීමට එය වැදගත්වෙයි.

3) ෆෙන්ෂුයිහි ආදරයේ වර්ණ රතු හා රෝස වේ. එම වර්ණ නිදන කාමරය තුළදී විවිධ අයුරින් භාවිත කිරීම මඟින්ඔබට ප්‍රේමයේ ශක්තිය ළඟාකර ගැනීමට හැකි වේ.

4) ජීවිතයේ සමබරතාවක් ඇති කිරීමට උපකාරී වන සියලු දේ යුගල් වශයෙන් නිවෙස තුළ ප්‍රදර්ශනය කළ යුතුය.

5) ඇඳුම් භාවිත කිරීමේදී ආකර්ෂණීය වර්ණ භාවිත කළ යුතුය. කාන්තාවන්ට රෝස පැහැය මෙන්ම පිරිමින්ට  සැහැල්ලු වර්ණ ඇඳුම් භාවිත කිරීම ෆෙන්ෂුයිවල ප්‍රසිද්ධ කාරණාවකි.

6) ඇඳට මුහුණලා ඇති කැඩපත් ඉවත් කිරීම වැදගත්ය. තෙවැනි පාර්ශ්වයක ශක්තිය එමඟින් ගෙන එන බවට ෆෙන්ෂුයි විශ්වාස කරයි. ආදරය සොයන අයට එතරම් උචිත නොවේ.

7) මල් සෑම විටම මනෝභාවයන් ප්‍රබෝධමත් කරයි. ජනේලයක් ඇති පැත්තෙන් මල් තබා ගැනීමට හැකිනම්  ඔබට වෙත ආදරය ආකර්ෂණය වනු ඇත.

8) සුවඳ විලවුන් භාවිතය මඟින් ප්‍රේම සම්බන්ධතාවක් ඇතිකර ගැනීමට හැකි ආකාරයට ධනාත්මක ශක්තියක් තමා තුළින් මතු වේ. එමඟින් සිතේ විශ්වාසයක් ද ඇති කරයි.

9) ඇඳුම් නිර්මාණය කුමක් වුවත් කුමන විලාසිතාවක් වුවද ඉරුණු ඇඳුම් ඇඳීමෙන් සෘණාත්මක බව ආකර්ෂණය වේ. ෆෙන්ෂුයි දී මෙය නොකළ යුත්තකි.

10) ආදරයේ සුන්දරත්වයන් ඔබට විටින් විට මතක් කරවනසුලු රූප හා භාණ්ඩ කාමරයේ ඇඳට පෙනෙන  මානයේ තැබීම සිදු කළ යුතුය.

11) සෑම විටම පිරිසුදුව සිටීමට වගබලා ගන්න.

12)දුක්බරබව, තනිකම නිරූපණය වන රූප නිදනකාමරයෙන් ඉවත් කරන්න.

13)ආදරය නිරූපණය වන විවිධ සංකේතාත්මක භාණ්ඩ ගෙය පුරාම තබන්න.

14) ඔබගේ වැඩ මේසය හෝ පරිගණකය නිදන කාමරයේ නොතබන්න.

15)ධනාත්මක බවින් හා සිනාමුසු මුවින් නිරන්තරයෙන් සිටීමට උත්සහ ගන්න. මේ සරල ෆෙන්ෂුයි ක්‍රම ඔබත්  අදම උත්සහ කර කෙතරම් ආකර්ෂණය වැඩි වේදැයි අත්දකින්න.