රාහුගේ අපලයත් තරමක බිය ගෙන දෙන අපලයකි. ඔබත් ගෙවන්නෙ රාහුගේ අපලයක් නම් බලන්න  නාගරුවක් සහිත බුදුරුවකට ඇප උපස්ථාන කරන්න. එක දිගටම දින 18ක නිර්මාංශකව බෝධි පූජා  තබන්න. වැටකේ මල් පූජා කරන්න. නිල් පාට මල් වර්ග, බාලොලියා මල් සහ මල්මාලා දමන්න. නිල් කොඩි පූජා කරන්න. මීට අමතරව එළඟිතෙල් පහන්, පස් තෙල් පහන් දල්වන්න. මීට අමතරව නාග රූපයකට  ගෝමේදයක් පලඳින්න. එසේම පැලඳිය යුතු යන්ත්‍ර වන්නෙ නාගර්ජුන යන්ත්‍රය, මෘත්‍යුංජය යන්ත්‍රය, සියලුම  අඝොර යන්ත්‍ර, විෂ්ණු මණ්ඩල යන්ත්‍රය, ශිව ශිලම්බරි යන්ත්‍රය හෝ එය තඹ හෝ රත්ත්‍රංවල ලියා 700 වරක්  හෝ 7000 වරක් ජපකොට පලඳින්න.

ගුරුගේ අපලය සඳහා

ගුරුගේ අපලයක් නම්, ගුරු ඔබේ 22වන දෙර්කාණාධිපති නම්, ඔබට ඒරාෂ්ටක අපල සමග ගුරුගේ දශාවක්  නම් ගත වෙන්නෙ මේ ඔබටයි.

ඔබ අපල සඳහා බෝධි පූජාවක් තියන්න සිතුවා නම් ඔබ ඒ සඳහා තෝරාගත යුත්තේ බ්‍රහස්පතින්දා දිනකයි. මෙම බෝධි පූජාව ඊශාන බලා හෝ උතුරු දිශාව බලා හෝ කළ හැක. පිරිසිදු වී සුදු ඇඳුමින් සැරසී එම දිශාව  බලා බෝධි පූජාව තබන්න. මේ සඳහා පූජා කළ හැකි මල් වන්නෙ කහ පාට ඕනෑම මලක් පූජා කළ හැක. මල්  මාලා පැලඳිය හැක. මීට අමතරව කිරි ආහාර සඳහා එළඟිතෙල් මිශ්‍ර කිරිබත් පූජා කළ හැක.

ඔබට මේ සඳහා ධානයක් දිය හැක. ඒ සඳහා හාමුදුරුවරුන්ට සිවුරු පූජා කළ හැක. භික්ෂු, භික්ෂුණියන්ට දන්  දිය හැක. උපස්ථාන කළ හැක. පුස්තක දන් දිය හැක. කහ පාට කුඩ දන්දිය හැක. විශේෂයෙන්ම දරුවන්  ලැබෙන්න ඉන්න අම්මලාට දන්දීම, කඩල, කහපාට රෙදි, කහපාට කෑම දන්දිය හැක.

මෙම අපලය සඳහා කහපාට පුෂ්පරාගයක් පැලඳිය හැක. එය වෙඳඟිල්ලෙ පලඳින්නෙ නම් ඉතාම ශුභයි. මෙය  රනින් කළ යුතු බව කීවත් අපලයක් සඳහා පලඳින්නෙ නම් එය රිදියෙන් කළ යුතුයි. ඒ වගේම යන්ත්‍රයකට යන්නෙනම් පැලඳිය යුතු යන්ත්‍ර වන්නෙ මහා මාතංශේවරි යන්ත්‍රය, කන්ද කුමාර භූසුර යන්ත්‍රය, නරසිංහ යන්ත්‍රය, මහා නව නාථය, සංජීවනී යන්ත්‍ර මීට අමතරව යාගකොට පැලඳීමට නම් නවගුණ, යන්ත්‍රය, රතන යන්ත්‍ර හා සියලු  පිරිත් යන්ත්‍ර ද සුළු අපලවලට දස දහස් වරක් ජපකර පැලඳිය හැක. මීට අමතරව මේ ද්‍රව්‍ය ගෙන ස්නානය කළ  හැක. එනම් ලොත් සුබුළු, විලඳ කොට්ටන්, බැබිල, කලාඳුරු, එළ අබ, දේවදාර, කටුපිල, වැල්මී, ඉරිවේරිය, දෑසමන්, මේ වර්ග ගෙන තම්බා වතුර නෑමෙන් අපල දුරුවෙයි. මීට අමතරව විෂ්ණු දෙවියන්ට, කතරගම දෙවියන්ට හෝ  පත්තිනි මෑණියන්ට සෙත් කවි කියවන්න. ශක්‍ර දෙවියන් ප්‍රමුඛ දේව මණ්ඩලයට පිං දෙන්න.

සිකුරුගේ අපලය සඳහා

සිකුරු අපලය යෙදී ඇති අයට හා 22වන දෙර්කාණධිපති සිකුරු වූ අයට මෙම අපලය සඳහා කළ යුතු පිළියම් –මේ සඳහා සිකුරාදා දිනයක් තෝරාගත යුතුයි. නිර්මාංශ විය යුතුයි. පිරිසිදු වී නැගෙනහිර දිශාව බලා බෝධි පූජාපැවැත්විය යුතුයි.

ඉන් පසුව මේ සඳහා ගත හැකි මල් වර්ග වන්නෙ සියලුම සුවඳ හමන මල්, සමන් පිච්ච, රෝස, සේපාලිකා ඉතාම සුදුසුයි. පහන් දැල්වීමට සුදු හඳුන් තෙල්, ගිතෙල්වලින් පහන් දැල්වීම ද පූජා කිරීමට එළඟිතෙල් මිශ්‍ර කිරි ආහාර ද පූජා කළ යුතුයි.

මීට අමතර භික්ෂුන්වහන්සේ සඳහා අටපිරිකර පූජා කිරීම ද දරුවන් ලැබෙන්නට සිටින මව්වරුන්ට ආහාර දන්  දීම ද වස්ත්‍ර දන්දීම ද, කිරි ආහාර දන්දීම ද සිදු කළ හැක. සුවඳ විලවුන් වර්ග, රෝස පාට ඇඳුම් පැලඳුම් දරුවන්,  පුංචි දරුවන් සඳහා දන් දෙන්න.

මීට අමතරව පැලඳිය යුතු මැණික් වර්ගය වන්නෙ දියමන්තියක් රිදියෙන් සාදා සුළඟිල්ලේ පලඳින්න.

මීට අමතරව යන්ත්‍රයක් පලඳින්නෙ නම් අධ්‍යාපනය ලබන දරුවන් සඳහා නවනාථ යන්ත්‍රය, මහා මාතංශේවරිය, විෂ්ණු අඝෝරය යන්ත්‍රය, සුධර්මනාග යන්ත්‍රය, නියමිත යාග කොට පැලඳීමෙන් යහපතක් වෙයි. සුළු අපල සඳහා නවගුණ යන්ත්‍රය, රතන යන්ත්‍රය, පිරිත් කර දහස් වර ජීවම් කර පැලඳීමෙන් අපල දුරුවෙයි. මීට අමතරව විෂ්ණු, කතරගම දෙවියන්ට සෙත් කවි කියවීමෙන් ද අපල දුරුවෙයි. මෙය අභිසම්භදානේ යන්ත්‍රය ද 1100 වරක් ජීවම්  කර පැලඳිය හැක.

අවශ්‍ය බෙහෙත් ද්‍රව්‍ය ගෙන ස්නානය කිරීමෙන් අපල දුරුවෙයි. එනම් ඉරිවේරිය, එනසාල්, පුෂ්පකරමල්, කොකුම් පොතු, බැබිල, කලාඳුරු අල, දේවදාර, කටුපිල, ලොත් සුඹුලු, විලඳ, කොට්ටම් මේවා ගෙන තම්බා නාන්න.

කරඳ පැලයක් සිටුවන්න. විෂ්ණු දෙවියන්ට පත්තිනි මෑණියන්ට සෙත් කවි කියවන්න. දේව මණ්ඩලයටම පින්  දෙන්න සියලු දෝෂ භංගවෙන්නට.

සෙනසුරු අපලය සඳහා

අපල වලින් දරුණුම අපලය සෙනසුරු අපලය බව කවුරුත් දන්නා කරුණකි. මෙම අපලය සඳහා බෝධි පූජා  තැබීම සිදු කළ යුත්තේ සෙනසුරාදා දිනකයි. අනිවාර්යයෙන්ම නිර්මාංශ විය යුතුයි. විෂ්ණු දෙවියන් ප්‍රමුඛ දේව  මණ්ඩලයටම පින්දිය යුතුයි. මේ සඳහා පූජා කළ යුතු මල් වන්නෙ සියලුම නිල් මල්ය. එළඟිතෙල්, අබ තෙල්වලින්  පහන් දැල්විය යුතුයි. මීට අමතරව තල තෙල් පහන් ද 7 හෝ 14 හෝ 21 ක් වශයෙන් ගත හැකි අතර දිය යුතු  දානයවන්නේ එළඟිතෙල් මිශ්‍ර කිරිබත් ය. මෙය බුදුන්ට පමණක් නොවේ උදේ පාන්දර කපුටන් හඬලන්නටත්  පෙර කිරිබත් ගුලි එළඟි පහන්, සුදු මල් 09ක්, නුගකොළ 09ක්, කාසි 09ක්, කපුරු පෙති 09ක්, හඳුන්කූරු 09ක්  ආදී  වශයෙන් තබා කපුටන් උදෙසා ද දන් දිය හැක. මීට අමතරව අත්පා නැති අයට තද නිල් හෝ කලුවට හුරු තද නිල්වස්ත්‍ර දන්දීමෙන් අපල දුරු කරගත හැකි බව ද සඳහන් වෙයි. මහලු අයට යාචකයන්ට ද මෙය අයත් වෙයි. තදබල අපල ඇත්නම් කිරි ගවයෙක් නිදහස් කළ හැක. මේ සඳහා පැලඳිය හැකි මැණික් වර්ගය නම් කාක නිල හෝ නිල් මැණික්, රිදියෙන් තනන ලද මුදුවක දමා පැලඳිය හැක. එමෙන්ම මේ සඳහා පැලඳිය යුතු යන්ත්‍ර වන්නෙ ශනි  මෘත්‍යුංජය, නිල මණ්ඩලය යන්ත්‍රය, නව ග්‍රහ යන්ත්‍රය, මහා නවනාථ යන්ත්‍රය, මහා නිල මණ්ඩලය,  අභිසම්භිදානේ යන්ත්‍රය පැලඳිය හැක. මීට අමතරව විෂ්ණු අඝෝරය ද පලඳින්නට පුළුවනි.

ස්නානය සඳහා ගත යුතු දේ

බැබිල, විෂ්ණු කාන්ති, කළුතල, විලඳ, ලොත් සුඹුලු, කලාඳුරු අල, සතකුප්ප, විලඳ කොට්ටම්, දේවදාර, කටුපිල  ආදිය ගෙන තම්බා වතුර ස්නානය කරන්න.

විෂ්ණු, කතරගම දෙවියන්ට සෙත් කවි 02ක් කියවන්න. විෂ්ණු දෙවියන් ප්‍රමුඛ දේව මණ්ඩලයටම පින් දෙන්න.  බස්නාහිර දිශාවේ තල තෙල් පහන් දල්වන්න.

රාහුගේ අපලයට

රාහුගේ අපලයත් තරමක බිය ගෙන දෙන අපලයකි. ඔබත් ගෙවන්නෙ රාහුගේ අපලයක් නම් බලන්න  නාගරුවක් සහිත බුදුරුවකට ඇප උපස්ථාන කරන්න. එක දිගටම දින 18ක නිර්මාංශකව බෝධි පූජා  තබන්න. වැටකේ මල් පූජා කරන්න. නිල් පාට මල් වර්ග, බාලොලියා මල් සහ මල්මාලා දමන්න. නිල් කොඩි පූජා කරන්න. මීට අමතරව එළඟිතෙල් පහන්, පස් තෙල් පහන් දල්වන්න. මීට අමතරව නාග රූපයකට ගෝමේදයක් පලඳින්න. එසේම පැලඳිය යුතු යන්ත්‍ර වන්නෙ නාගර්ජුන යන්ත්‍රය, මෘත්‍යුංජය යන්ත්‍රය, සියලුම අඝොර යන්ත්‍ර,  විෂ්ණු මණ්ඩල යන්ත්‍රය, ශිව ශිලම්බරි යන්ත්‍රය හෝ එය තඹ හෝ රත්ත්‍රංවල ලියා 700වරක් හෝ 7000 වරක්  ජපකොට පලඳින්න.

ස්නානය සඳහා ඉරිවේරිය, කලාඳුරු අල, බෙලිපත්, රත්හඳුන්, කස්තුරි, ගජමදා, ඊතණ මෙම ඖෂධවලට අමතරවසමන් පිච්ච, කැකුළු, විලඳ කොට්ටන්, බැබිල, දේවදාර ආදිය ගෙන තම්බා නෑමට සුදුසුයි. මීට අමතරව චන්ද්‍ර පිරිතකියන්න, විෂ්ණු දෙවියන්ට ගම්භාර දෙවියන්ට පිං දෙන්න. එම දෙවියන්ගෙන් පිහිට පතන්න. විෂ්ණු, ගම්භාර  දෙවියන් නමට හෝ විෂ්ණු, කතරගම දෙවියන් නමට සෙත් කවි කියවන්න. නිරිත දිශාවට පහන් දල්වන්න. වැටකේ වෘක්ෂයක් සිටුවන්න. සියලු අපල දුරුවෙයි. විශේෂයෙන් අධ්‍යාපනය ලබන දරුවන්ට මෙය විශේෂයි.