ප්‍රධාන දොර උළුවස්ස වශයෙන් තවමත් පාවිච්චියට ගැනෙන්නේ කුස්සි කාමරයේ දොර උළුවස්ස වන අතර  නිවසට පැමිණීමත් එනම් බාහිර සමාජය සමග සම්බන්ධතා ඇතිකර ගැනීමට ප්‍රවිෂ්ට වීමත් බාහිර ලෝකයෙන් අභ්‍යන්තරයට පිවිසීමත් සිදුවන්නේ මෙම උළුවස්ස තුළිනි. මේ ආකාරයට ප්‍රධාන උළුවස්සක් නොමැතිව  පරිවාර දොරක් භාවිත කරමින් පවතින නිවසක ඵලදීමක් නොමැත. දිනෙන් දින අවාසනාව ලංවනු ඇත. නිවසක ප්‍රධාන උළුවස්ස නියෝජනය වන්නේ ගෘහ හිමියාගේ ආර්ථිකය, සෞඛ්‍යය හා විවාහයන්, සමාජ පිළිගැන්මන්ය. ප්‍රධාන උළුවස්සක් නැති විට මේවා නොලැබෙනු ඇත.

ප්‍රධාන නගරයක ආසන්නයේ පිහිටි සෑහෙන විශාලත්වයකින් යුත් මම මේ කියන ස්ථානය ඉතා දැකුම්කලු  තුරුලිය ගොමු මැද පිහිටි අලංකාර භූමියක ඉතා විශාලව ඉදිකිරීමට පටන් ගත් මෙම නිවසෙහි හිමිකරු සහ  ඔහුගේ බිරිඳ රජයේ ඉහළම ස්ථානවල රැකියාව කරන අතර මෙම නිවස ඉදිකිරීමට ඔවුන් ආරම්භ කර තිබුණේ මෙයට වසර 10කට පෙරය. මෙම ගෙය සෑදීමට පටන් ගත් කාලයේ තමන්ගේ එකම දියණියට වයස අවුරුදු 07ක් පමණ වී තිබුණ ද ඇයට අද වනවිට වයස 17 ඉක්මවා තිබුණ අතර නගරයේ උසස් බාලිකාවක ඉගෙනුම  ලබා විශිෂ්ට ලෙස උසස් පෙළ ද සමත්ව සරසවි අධ්‍යාපනයට සූදානම්ව සිටී. නමුත් ඇය ඉතා අහිංසක  බලාපොරොත්තුවකින් සිටී. එය නම් ඇය සරසවියට ඇතුල්වීමට පෙර ඇයගේ නිවස යාළුවෙක්, හිතවතුන්  ගෙදරට එක්කගෙන ඒම සඳහා ඉල්ලා සිටිය හොත් ඇතිවන ලැජ්ජාව සම්බන්ධයෙන් කලකිරීමෙනි. මෙම නිවසේඋඩු මහලේ ද කොටසක් ඉදිකර පහත මහලයේ තවමත් වැඩ අවසන් කර තිබුණේ කාමර 02ක කපරාදු කර බිම සිමෙන්ති දමාය.

මෙම නිවස ඉදිකිරීමට ආරම්භ කර පළමු මහලේ වහලයට ස්ලැබ් එක දැමූ දිනයට පසු දින මවත් පියාත් ගමන්  කළ මෝටර් රථය අනතුරකට ලක්ව මෙම අඹුසැමි යුවළ වසරකට වඩා ප්‍රතිකාර ගෙන ඇති අතර ඉන් පසු බිරිඳ රැකියාවෙන් ඉල්ලා අස්වුණ අතර සැමියා රැකියාව කරමින් ලොකු වැටුපක් ලැබුවද නිවසේ තවමත් වැඩ අවසන් කරගැනීමට නොහැකිව ගඩොල් බිත්තිවල දිය සෙවල ද සමහර කොටස්වල පැවතුණි. රිය අනතුරින් පසුව බිරිඳ ද රෝගීතාවයෙන් අතුරු ආබාධවලට ලක්ව තවමත් වේදනාබරිතව මානසිකත්වය ද දුර්වලව සිටින්නේ මෙයට  වසර 10කට පෙර ආරම්භ කළ මේ නිවස අලංකාරව ඉදිකර වැඩ අවසන් කර තමන්ගේ කැදැල්ලේ සතුටින්  ලස්සන ජීවිතයක් ගතකිරීමට සිටි අපේක්‍ෂාවන් සුන්වී ගිය අයකු ලෙසිනි.

මාගේ පුවත්පත් ලිපි බලා නිවෙස්වල මේ වගේ තත්ත්වයන් ඇතිවීමට වාස්තු දෝෂ බලපාන ආකාරය  සම්බන්ධයෙන් නිවසේ හිමිකරු කාලයක් තිස්සේ ලිපි කියවා ලොකු අවබෝධයක් ලබා එක්තරා දිනයක මා හට කලින් සිදුවීම් ගැන කිසිවක් ප්‍රකාශ නොකර තමන්ගේ නිවසේ ඉදිකිරීම් කාලයක සිට නතරව ඇති නිසා එය  පරීක්‍ෂාකර බලා ගතයුතු ක්‍රියාමාර්ග මොනවාද යන්න පෙන්වා දෙන මෙන් ඉල්ලා සිටි අතර ඉතාමත් කාරුණික පුද්ගලයකු වූ හෙතෙම රජයේ උසස් නිලධාරියෙකි. කතා කරගත් පරිදි එම නිවස පරීක්‍ෂාවට සති අන්ත නිවාඩු  දිනයකදී මා එම ස්ථානයට ගොස් වාස්තු පරීක්‍ෂණ කටයුතු ආරම්භ කරන ලදී. නිවසක වර්ගඵලය සම්පූර්ණ වී  අත්තිවාරම, බිත්ති, වහල යන ප්‍රධාන අංග පරිපූර්ණව පැවතිය යුතු අතර අවම වශයෙන් ප්‍රධාන උළුවස්ස,  මුළුතැන්ගෙයි උළුවස්සවත් තබා තිබිය යුතුයි. අර්ධ වශයෙන් ඉදිකර ඇති නිවෙස්වල ද බොහෝ විට අත්තිවාරම සම්පූර්ණ නොවීම, අත්තිවාරම ශුන්‍යවීම්, කොටසක් හිඟවීම, වහලයේ කොටස් අඩුවීම, සමහර බිත්ති කොටස්  වර්ෂාවන්ට හසු වෙමින් තෙමෙමින් දියසෙවල බැඳීම යන තත්ත්වයන් මත ගෘහය ඵල නොදෙන තත්ත්වයට  පත් වේ. මෙවැනි නිවාස වසර ගණනාවක් එක තැන පල්වෙමින් පවතී. එපමණක් නොව එම නිවෙස්වල ජීවත්  වන අයට ද මානසික පීඩා, කල්පනා ශක්තිය මද බව, අසමගිය ඇතිවේ. ප්‍රථමයෙන් මෙවැනි නිවසක සිදුවිය  යුත්තේ අත්තිවාරම හෝ නිසි ලෙස එකට සම්බන්ධ වී ශුන්‍යවීම්, හිඟවීම්, අත්තිවාරම් කොටස් අඩුවීම් දික්වීම්  සම්පූර්ණ කර ගැනීමයි.

එයට ප්‍රථම මෙවැනි නිවෙස්වල ගෘහ පිණ්ඩය නිවාසයේ ගෘහ පොරොන්දම් එනම් අයවැය, යෝනි, නැකත, දිනය, රාශිය, තිථිය, වංශ, දේවතා, ආයුෂ යන එකොළොස් පොරොන්දම් වලින් අත්‍යවශ්‍යම පොරොන්දම් වන අයවැය, යෝනි, නැකත, ආයුෂ යන පොරෝදම් නිවැරදි ආකාරයට ගැළපෙන ලෙසත් විශේෂයෙන් ගෘහ නැකත නිවස  හිමිකරුගේ, එම බිරිඳගේ හා වැඩිමල් දරුවාගේ උපන් නැකැත්වලට සීහුම් වන ආකාරයට ක්‍ෂේම සාධක, සම්පත්,පරම මෛත්‍රි, මෛත්‍රිය නැකත්වලට ගළපා ගැනීමයි. නිවාස වර්ගීකරණය ද මනුෂ්‍ය වාසයට ගැළපෙන වශියන්  වන ඕවාජආය, වෘෂභාය, සිංහය, ගජාය යන වශී 04න් එකකට ගළපාගත යුතුයි. නමුත් අවාසනාවට මෙම  නිවසේ නිවාස නැකත පැවතුනේ මවටත්, දියණියටත් විපත් හා ස්වාමියාට වධ යන නැකත්වලටයි. මෙය අශුභ වේ. ගෘහ පිණ්ඩයට අනුව නිවසේ වර්ගීකරණයේදී කාකාය වශියට හෙවත් මනුෂ්‍ය වාසයට නොසුදුසු වශියකට අයත්ව පැවතුණි.

නිවස පිහිටි භූමිය ද භූමියේ හැඩය ද බෑවුම් ද මේ වගේ තත්ත්වයන්ට මුහුණ දී තිබෙන නිවාසවල පරීක්‍ෂා කළ  යුතු ප්‍රධානම වාස්තු සාධකයකි. භූමියේ හැඩය චතුරශ්‍රව නොපැවතීම, වයඹ ගිනිකොණ, නිරිත, ඊශාන දිශාවන් දික්වීම, කෙටිවීම, නොයෙක් ආකාරයේ එනම් කුල්ලක හැඩය ගත් භූමි, ගැලක හැඩගත් භූමි, පොරව තලයක  හැඩගත් භූමි, ඉංග්‍රීසි ඛ අකුර හැඩගත් භූමිවල නිවාස ඉදිකිරීමෙන් නිවසේ වැඩකටයුතු අතරමග නවතා  දැමීම් බාධාවීම් වැඩිය. මෙම නිවස පිහිටි භූමියේ ද ගිනිකොණ දිශාව දික්වීම, නිරිත දිශාව කෙටිවීම යන විෂම  හැඩයකට භූමිය පැවතුණි. බස්නාහිර හා දකුණු දිශාවන් වැසි ජලය ගලාගෙන යන පරිදි තද සෝදා පාළුවට  ලක්වීමෙන් මෙම නිවසට තව තවත් අවාසනාව ලංව තිබේ. තම එකම දියණිය අසල්වැසි නිවස හිමියා වන මෙම නිවසේ හිමිකරුගේම සොහොයුරා වන අතර තම දියණිය බාප්පාගේ නිවසේ වෙසෙමින් තම අධ්‍යාපන  කටයුතුවල නිරතවීම නිසා වාසනාවට ඇය උසස් ප්‍රතිඵල අත්කර ගත්තාය. එසේ නොමැතිව මෙම නිවසේ  සිටියා නම් ඇය කොපමණ උනන්දු වුණ ද ඇයගේ අධ්‍යාපනය සාර්ථක වන්නේ නැත. එයට පැහැදිලි පිළිතුර නම් තම පියාගේ මෙයට වසර ගණනාවක සිට ලැබිය යුතු උසස්වීම අදටත් සිදුවී නොමැත. මෙකී නිවසට ප්‍රධාන  දොරක් හෝ උළුවස්සක් තබා තිබුණේ නැත. ප්‍රධාන දොර තබන ස්ථානයේ තිබුණේ හිස්කඩක් පමණි.

ප්‍රධාන දොර උළුවස්ස වශයෙන් තවමත් පාවිච්චියට ගැනෙන්නේ කුස්සි කාමරයේ දොර උළුවස්ස වන අතර  නිවසට පැමිණීමත් එනම් බාහිර සමාජය සමග සම්බන්ධතා ඇතිකර ගැනීමට ප්‍රවිෂ්ට වීමත් බාහිර ලෝකයෙන් අභ්‍යන්තරයට පිවිසීමත් සිදුවන්නේ මෙම උළුවස්ස තුළිනි. මේ ආකාරයට ප්‍රධාන උළුවස්සක් නොමැතිව පරිවාර දොරක් භාවිත කරමින් පවතින නිවසක ඵලදීමක් නොමැත. දිනෙන් දින අවාසනාව ලංවනු ඇත. නිවසක ප්‍රධාන උළුවස්ස නියෝජනය වන්නේ ගෘහ හිමියාගේ ආර්ථිකය, සෞඛ්‍යය හා විවාහයන්, සමාජ පිළිගැන්මන්ය. ප්‍රධාන උළුවස්සක් නැති විට මේවා නොලැබෙනු ඇත.

නිවසේ මිනුම් කටයුතුවලදී ලැබුණ තවත් සුවිශේෂී සාධකයන් එම නිවසේ බ්‍රහ්මපාද ලක්‍ෂය. නිදහස් ස්ථානයක විශේෂයෙන් නිවසේ සාලයේ බාධා නොවන නිදහස් ස්ථානයක වේධයන්ට ලක් නොවී හරස් රේඛා (විකරණ  රේඛාවන්ට නිවසේ උළුවහු, වහලවල මරමස්ථානවලට හානි නොවන පරිදි මරමස්ථාන හෙවත් මධ්‍ය රේඛාවන් වේධ දෝෂයන්වලට ලක් නොවී පැවතිය යුතු අති පූජනීය ස්ථානය වන නිවසක බ්‍රහ්මපාද ලක්‍ෂ්‍යය මෙම නිවසේ ස්ලැබ් එකට හසු නොවන, වැස්සට අව්වට නිතර ලක්වන වටපිලක් අසලට පතිතව පැවතුණි. මෙම නිවස මෙවැනිතත්ත්වයට වසර 10කට වඩා අක්‍රියත්වයට පත්වීමට මෙම හේතුව පමණක් සෑහේ. මෙවැනි බ්‍රහ්මපාද ලක්‍ෂ්‍යය  එළියට විසිවී ගිය නිවාසවල ගෘහ හිමියාගේ ජීවිතය ද එළියට විසිවී කිසිම දියුණුවක් නැතිව මළ මිනිසුන්  නිර්මාණය කරයි. ඔවුන්ගේ ආර්ථිකය මෙන්ම නිරෝගීකම පිරිහේ. විවාහය අවිවාහක අයකු නම් සිදුනොවනු  ඇත. විවාහයකු නම් මරුණ පුද්ගලයකු ලෙස ඉතිරි කාලය ගත කිරීමට සිදුවේ. තවත් මෙවැනි වසර ගාණක් මේ ආකාරයට භාගෙට නිවසක් ඉදිකිරීම් ඇණහිටීමට එක් හේතුවකි. එම නිවසේ මුල්ගල වැරදියට තබා පැවතීම,  වැරදි ස්ථානයක තැබීම, නිතර නිතර පෑගීමකට ලක්වන ස්ථානයක හෝ නිවසේ බ්‍රහ්ම පාද ලක්‍ෂ මත තැබීම යනකරුනු නිසා ඉදිවන නිවසේ වැඩ නතරවීමට බාධාවීමට හේතු ගෙන දේ.

නියපොත්තෙන් කඩා දැමීමට හැකි දේ පොරවෙන් කපන ආකාරයට වැටෙනතුරු නිහඬව සිටීම ඔබ කරගන්නා අනුවනකමකි. මක් නිසාද විශ්වය ඔබගේ සතුරකු නොවන ඔබගේ මිතුරකු වන නිසාය.