මේෂ - අලුත් ආරම්භයක්

ලග්නාධිපති කුජ 6 වැන්නේද චන්ද්‍රයා 8 වැන්නේද ගමන් කරමින් ආරම්භ වන මෙම සතියේ මුල් දින කිහිපය ඔබට තරමක් සිත් පීඩා මතු කරයි. ශරීරයේ දුර්වලතාවන් මතුවේ. හදිසි මිල මුදල් වියදම් මතු කරයි. උපතේදී සඳු ග්‍රහයා 10 වැන්නේ තැන්පත් නම් දණහිස්වල හෝ කොන්ද ආශ්‍රිත ආබාධ ඇති විය හැකිය. සතියේ මැද භාගය පසුවන තුරු ඉතා ඉවසීමෙන් තම කටයුතු කරගත යුතුය. මැද භාගයෙන් පසු සිතේ සතුටට කරුණු සැලසේ. වෙළහෙළෙඳ ව්‍යාපාර කටයුතුවලින් දියුණුව ඇතිවේ. දේපළ ගැනීමට හෝ ඒවා දියුණු කර ගැනීමට හැකි කාලයකි. තමාගේ නමට අලුතින් නිවෙසක් සෑදීමට හෝ ඒ සම්බන්ධයෙන් නව ආරම්භයක් ඇති වේ. අලුතින් රැකීරක්ෂා ලැබේ. නැති නම් නැති වී ගිය රැකියාව නැවත තමාට හිමි වේ.

සුබ දිනය - බ්‍රහස්පතින්දා, සුබ වර්ණය - රන්වන් , ජය අංකය - 03

වෘෂභ - ලාභ ලැබිය හැකිවෙයි

අලංකාර වැඩවලටද විනෝද කටයුතුවලටද වෙනදාට වඩා වියදම් කිරීමට සිදුවේ. දියුණුව ඇතිවන සතියකි. ලාභ බලාපොරොත්තුවෙන් කරන ගනුදෙනුවලින් ලාභ ලබාගත හැකිවේ. ඉගෙනීම් කටයුතු සාර්ථකවේ. බුධ ග්‍රහයා 5 වැන්නේ ගමන් කරමින් පැවැතීම නිසා අධ්‍යාපන කටයුතු වල නිරත අයට සුබ කාලයකි. විනෝදයට ඉගෙන ගත් දෙයින්ද ප්‍රයෝජන ලැබේ. ආදරය සම්බන්ධ කටයුතුවලට වියදමි කරන්නට සිදුවේ. තමාට හෝ පවුලේ කෙනකුට මංගල යෝග උදාවේ. ස්ත්‍රීන් සමඟ ආශ්‍රය ඇතිවේ. පසුගිය කාලයේ පවුලේ පැවැති කරදරවලින් නිදහස ලැබේ. උපතේදී සඳු ග්‍රහයා 9 හෝ 10 තැම්පත් නම් අනවශ්‍ය කරදරවලට මුහුණ දීමට සිදු වේ. මොන දේ කළත් සිතට ස්ථිර නිදහසක් ලබා ගැනීමට නොහැකි වේ.

සුබ දිනය සිකුරාදා , සුඛ වර්ණය - විසිතුරු , ජය අංකය - 06

මිථුන - භූමියෙන් වස්තු ලැබේ

සතියේ ආරම්භක දින කිහිපයේ ඔබට සුබපල ලැබේ. ගෙවල් ඉඩම් හා භූමියෙන් ලැබෙන වස්තුව ලැබේ. පවුලේ දියුණුව ඇතිවේ. මවුපිය වැඩිහිටියන්ගෙන් උදවු උපකාර ලැබේ. ඉඩකඩම් දියුණු කර ගැනීමට හැකිවේ. අසනීප කරදර වලින් මිදෙනමුත් සමස්තයක් වශයෙන් ඔබට මෙම ගතකරන කාලය බොහෝ සුබපල ලබා නොදෙනු ඇත. රාහු 12 වැන්නේ ගමන් කිරීමත් නිසා අනවශ්‍ය වියදම් මතුවේ. නිකරුණේ මුදල් වියදම් කිරීමට සිදු වේ. නීතිමය ගැටලු ඇති විය හැකි බැවින් ඉතා බුද්ධිමත්ව කටයුතු කළ යුතුය. දරු ශිෂ්‍යයන් සිටිත් නම් ඔහුන්ට අසනීප කරදර මතු වීමට හැකිය. දරුවන්ගෙන් වැඩ ගැනීමට සිදුවේ. දරුවන්ගෙන් හතුරුකම් හෝ කරදර මතු වන කාලයකි.

සුබ දිනය - සිකුරාදා, සුබ වර්ණය - රෝස මිශ්‍ර , ජය අංකය - 05

කටක - ප්‍රසිද්ධියට පත්වෙයි

පවුලේ දියුණුව ඇතිවේ. පසුගිය කාලයේ පැවැති කරදර හා සිත් පීඩා මඟහැරී යනු ඇත ප්‍රසිද්ධියට පත්වේ. දැන හඳුනන පිරිස වැඩිවන අතර ඔවුන්ගෙන් ඔබට උදවු උපකාරද ලැබෙනු ඇත. රැකීරක්ෂා කටයුතු කටක දියුණුවට පත් වේ. විවාහ ජීවිතයේ පසුගිය කාලයේ ඇති වූ කරදර යම් ප්‍රමාණයක් අඩුවේ. නමුත් එම ගැටලු තවදුරටත් පවතිනු ඇත. වක්‍ර ග්‍රහයන් දෙදෙනකු 7 වැන්නේ ගමන් කිරීම විවාහ ජීවිතයට එතරම් සුබ නොවනු ඇත. ආගමික කටයුතුවල නිතර වන්න. අලුත් මිත්‍රයන් ආශ්‍රයට ලැබේ. ඔවුන්ගෙන් හා අසල්වැසියන්ගෙන් උදවු උපකාර ලැබේ. රැකීරක්ෂා කටයුතු හා ව්‍යාපාර කටයුතු දියුණු කර ගැනීමටත් එමඟින් ආදායම් තත්ත්වය දියුණු කර ගැනීමටත් හැකිවේ. මාර්ග කිහිපයකින්ම මුදල් ලාභද ලැබෙනු ඇත. උපතේදී සදු ග්‍රහයා 7 හෝ 8 වැන්නේ තැම්පත් නම් ඔබට සුබපල නොලැබී යනු ඇත.

සුබ දිනය - සඳුදා, සුඛ වර්ණය - සුදු , ජය අංකය - 02

සිංහ - සතුරන්ගෙන් ජය

සුබපල සහිත සතියකි. මෙම සතියේ මැද භාගයෙන් පසු ඔබට බොහෝ සුබපල ලැබෙනු ඇත. සතුරන්ගෙන් ජය ලැබේ. ලෙඩ රෝග හා මානසිකව පැවැති බොහෝ කරදරවලින් නිදහස ලැබෙනු ඇත. දේපළ දියුණුවට පත්වේ. සැපවත්වේ. රසවත් ආහාරපාන වර්ග ලැබේ. නිවෙසට අවශ්‍ය යම් යම් බඩු බාහිරාදිය මිලදී ගැනීමට හැකිවේ. ගමන් බිමන්වලින් තමාට වාසි ඇතිවේ. අධ්‍යාපන කටයුතු සාර්ථක වේ. මවුපිය, වැඩිහිටියන්ටද සුබ කාලයකි. විවාහය, ප්‍රේම සම්බන්ධතා පිළිබඳව පවතින බොහෝ කරදර ඉවත්වී යයි. විවාහයට සුබ කාලයක් උදාවේ. දරුවන් සම්බන්ධයෙන් ගැටලු මතු වීමට හැකිය. උපතේදී සඳු ග්‍රහයා 6 හෝ 7 වැන්නේ තැම්පත් නම් සුබපල හීන කරයි.

සුබ දිනය - සිකුරාදා, සුබ වර්ණය - රතු, ජය අංකය - 01

කන්‍යා - නව රැකියා හෝ උසස්වීම්

තනතුරුවලින් උසස්වීමට හෝ නව රැකීරක්ෂා ලැබෙන්නට පුළුවන. බලාපොරොත්තුවෙන් සිටි වැඩ කටයුතු වැඩිහිටියන්ගෙන් උදවු උපකාර ලැබේ. හොඳ තත්ත්වකට පත්වීමට වාසනාව මතු කරගත හැකිවේ. තරමක් කේන්ති යන දවස් බැව්න් ඉවසීමෙන් හා කල්පනාවෙන් කටයුතු කරගත හොත් මෙම කාලයේ උසස් දියුණු තත්ත්වයකට පත් වේ. දරුවන් සම්බන්ධව පැවැති කරදර අඩු වීමට හැකිය. නමුත් සෙනසුරු ග්‍රහයා 5 වැන්නේ තවදුරටත් ගමන් කරන බැවින් දරුවන් සම්බන්ධයෙන් සැලකිලිමත්ව සිටිය යුතුය. උපතේදී සඳු ග්‍රහයා 5 හෝ 6 වැන්නේ තැන්පත් නම් සිත් පීඩා නිතර මතුවේ. ප්‍රේම සම්බන්ධතා කැඩී බිඳී යන තරමට කරදර මතුවේ. උදර සම්බන්ධයෙන් අසනීප මතුවන කාලයකි.

සුබ දිනය - සිකුරාදා, සුබ වර්ණය - රෝස, ජය අංකය – 06

තුලා - ධනවතුන් ආශ්‍රයට ලැබෙයි

ලග්නාධිපති සිකුරු 2 වැන්නේ ගමන් කරමින් පවතී. මෙම කාලය ධනවත්වීමට මිල මුදල් රැස් කිරීමට උත්සාහ කරන කාලයකි. මිල මුදල් ලාභ ලැබේ. මුදල් තිබෙන තැන්වලට යෑමට සිදු වේ. ගෙදරට වටිනා බඩුබාහිරාදිය ලැබෙන්නට හැකිය. ධනවතුන් ආශ්‍රයට ලැබේ. ඉගෙනුම් කටයුතු සාර්ථක වන අතර අලුතින් ඉගෙනුම් කටයුතු ආරම්භ කිරීමට ද හැකි වේ. අලුත් බලාපොරොත්තු වලින් සිතේ ප්‍රීතිය ඇති කරයි. විවාහ වීමට බලාපොරොත්තුවෙන් සිටින අයට ඒවා සාර්ථක කර ගැනීමට ඉඩ සැලසෙනු ඇත. උපතේදී සඳු ග්‍රහයා 4 හෝ 5 වැන්නේ තැන්පත් නම් සිත් පීඩා නිතර ඇති වේ. වැඩිහිටියන්ට අපල ඇතිවේ. විශේෂයෙන්ම මවට අපල කාලයකි. උදරාබාධ මතු වීමට හැකිය.

සුඛ දිනය - සිකුරාදා, සුඛ වර්ණය අයිවරි වර්ණ, ජය අංකය - 04

වෘශ්චික - හිත මිතුරන් වැඩිවෙයි

සිතේ තිබුණු බලාපොරොත්තු ඉෂ්ට වේ. වැදගත් මිත්‍රයන් ආශ්‍රයට ලැබේ. තමා මෙතෙක් කල් කරපු වැඩ කටයුතුවල හිතුමතයේම කටයුතු නොකර හිතවතුන්ගේද අදහස්වලට අනුව වැඩකටයුතු කරන්නේ නම් හොඳ ලාභ ප්‍රයෝජන ලබාගත හැකි කාලයකි. හිත මිත්‍රයන් වැඩිවන, දරු ලාභ ලැබෙන, හිත මිත්‍රයන්ගෙන් මුදල් ඉල්ලූවිට ලැබෙන කාලයකි. දියුණුවද නිරෝගී භාවය ද ඇතිවේ. පවුලේ කටයුතු සඳහා මුදල් වියදම් කිරීමට සිදුවේ. ඉඩකඩම් හෝ වාහනයක් මිලදී ගැනීමට හැකිවේ. සුදුසු වයස නම් විවාහයට අවශ්‍ය කටයුතු ස්ථිරවේ. රාගාධිකවේ. උපතේදී සඳු ග්‍රහයා 3 හෝ 4 සිටින අය ප්‍රවේශම් විය යුතුය. තමාගේ ප්‍රකට සතුරන් මුණගැසෙන කාලයකි. නීතියෙන් පිහිට සෙවීමේදී හොඳ කල්පනාවෙන් ක්‍රියා කළ යුතුය.

සුබ දිනය- ඇඟහරුවාදා, සුබ වර්ණය - රතු මිශ්‍ර, ජය අංකය 09

ධනු - ධන ලාභ ලැබේ

ධන ලාභ ලැබේ. තමා කරන කියන රැකී රක්ෂා කටයුතු දියුණුවට පත් වේ. පඩි වැඩිවේ. කතාවට දක්ෂවේ. තමා කරන කතාවේ බලයෙන්ද මුදල් ලාභ ලැබේ. අඩුපාඩුව තිබුණු බඩු මිලදී ගැනීමට ඉඩ ලැබේ. අලුත් ව්‍යාපාරයක් ආරම්භ කිරීමට හෝ ධනු අලුත් රැකියාවක් ලැබීමට ඉඩ තිබේ. උසස් අය සමඟ හිතවත්කම් ඇති කර ගැනීමට ලැබෙනු ඇත. දරු ශිෂ්‍යයන්ට උසස්වීම් ලැබේ. ඔවුන්ගේ සියලු කටයුතු සාර්ථකවේ. මවුපියන් සමග හිතවත් කර්ම වැඩිවේ. ඔහුන්ගේ උදවු උපකාර නිසා වඩා උසස් තත්ත්වයකට පත් විය හැකි කාලයකි. පසුගිය වසර 5 කාලයේ පැවැති බොහෝ කරදර මෙම සතියේ සිට අවසන් වනු ඇත. උපතේදී සඳු ග්‍රහයා 2 වැන්නේ තැම්පත් නම් මෙම කාලය තවදුරටත් ප්‍රවේශම් විය යුතුයි.

සුඛ දිනය - බදාදා, සුඛ වර්ණය - කහ මිශ්‍ර, ජය අංකය - 06

මකර - උසස් මිතුරන් ඇසුරට

සුබපල සහිත සතියකි. බලාපොරොත්තු අදහස් ඉෂ්ට වේ. උසස් මිත්‍රයන් සමඟ ආශ්‍රය ලැබීමද, හිතට ගැළපෙනී තමා කැමැති අය සමග කම් සැප හෝ හිතවත්කම් ඇතිකර ගැනීමට ඉඩ සැලැසේ. පවුලේ සමඟිය අන්‍යොන්‍ය ප්‍රේමය වැඩි දියුණුවේ. මිල මුදල් අතින් යහපත් වන අතර මකර රැකීරක්ෂාවලින් ලාභ ලැබේ. වැඩිහිටියන්ගෙන් උදවු උපකාර හා වාසනාවන්ත දරු ශිෂ්‍යයන් ලැබෙනු ඇත. සතුරන් මිතුරන් බවට පත්වේ. වාසනාවන්ත ලෙස ආරම්භ කරන බොහෝ කටයුතු සාර්ථක වනු ඇත. අසල්වැසියන් සමඟ මිත්‍රත්වය වැඩි වේ. මෙම සතියේ අවසානයත් සමඟ ඔබට බොහෝ සුබපල ලැබෙනු ඇත. උපතේදී සඳු ග්‍රහයා 1 හෝ 2 වැන්නේ තැම්පත් නම් සුබපල නැති කරයි. එම අය නිවැරදිව වත්පිළිවෙත් කරගත යුතුය.

සුබ දිනය - සිකුරාදා, සුබ වර්ණය - විසිතුරු, ජය අංකය - 09

කුම්භ - ගරු සැලකිලි ලැඛෙයි

ආරම්භක දින කිහිපය කල්පනාවෙන් කටයුතු කළ යුතු රහස් ක්‍රමවලින් ලාභ ලැබීමට හැකිය. නමුත් මෙම කාලය මුදල් අතින් අශුභය. මිල මුදල් හිඟවීම නිසා කරදර මතු වේ. නිකරුණේ මුදල් වියදම් වෙයි. රහසිගත කටයුතු වලටද මුදල් වියදම් වේ. ශරීර ශක්තිය අඩුවේ. වැඩිහිටියන්ටද තරමක් කරදර මතුවනු ඇත. සතියේ මැදභාගයෙන් පසු සුබපල ලැබෙනු ඇත. පවුලේ අයගෙන් හා න්‍යයන්ගෙන් ගරුසැලකිලි ලැබේ. ගෙදරදොර කටයුතු දියුණු වීමද, ගොවිතැන් කටයුතු වලින් ලාභ ලැබීමද සිදු වේ. සිතේ ඇති බලාපොරොත්තු කිහිපයක්ම ඉටුවනු ඇත. මෙම කාලයේ පවතින ලග්න ඒරාෂ්ටක අපල අඩු වීම සඳහා බෝධිපූජා තබන්න. එවිට පවතින නීතිමය ගැටලු හා පවතින ව්‍යාකූල තත්ත්වයන් ඉවත්වී යයි.

සුබ දිනය - සිකුරාදා, සුබ වර්ණය - නිල්, ජය අංකය – 03

මීන - බලාපොරොත්තු ඉටුවෙයි

උසස් අය සමඟ මිත්‍ර වීමට ලැබේ. මිත්‍රයන්ගෝ ගරු සැලකිලිද, තම කටයුතු වලට ආධාර උපකාරද ලැබේ. රැකීරක්ෂාවලින් ප්‍රයෝජන ලැබෙනු ඇත. ආදායම වැඩිවෙන, තම වැඩ කටයුතු හා බලාපොරොත්තු අදහස් ඉෂ්ට වෙන කාලයකි. ආශ්‍රය කරන්නන් අතර අන්‍යොන්‍ය සහයෝගය ඇතිවේ. උසස් අදහස් ඇතිවෙන කාලයකි. මවුපිය වැඩිහිටියන්ටද ධන ලාභ ලැබේ. මෙම කාලයේ වාසනාවන්ත සිදුවීමක්ද සිදු වේ. පවතින අසනීප සුව අතට හැරේ. ව්‍යාපාර කටයුතුවලින් පසුගිය කාලයට වඩා වැඩි ලාභ ලැබේ. දූදරුවන්ට ගරු සැලකිලි ලැබේ. උදරය ආශ්‍රිත රෝගාබාධ මතු විය හැකිය. මෙම කාලයේ තම ළඟම වැඩිහිටියකුට කරදර කාලයකි.

සුබ දිනය - බ්‍රහස්පතින්දා, සුබ වර්ණය - රතු මිශ්‍ර, ජය අංකය 09