කිසියම්ජන්මියකු මීන ලග්නයෙන් ජන්ම දායාදය ලබා මීන රාශිය සිකුරු ග්‍රහයාගේ උච්චරාශිය ද වී ඒ මොහොතේම ලග්නයේ අනෙකුත් ග්‍රහයන්ගෙන් තොරවීමෙන්සිකුරු එතැනම යෙදීමෙන් මාලවී යෝගය ලැබීමේ අවස්ථාව උදාවෙයි. තවද ජන්මියා කන්‍යා ලග්නයෙන් ඉපදුන විට හත්වැනි රාශිය මීන රාශිය වන්නේය. තවද සිකුරු ග්‍රහයාද එම මීන රාශිය වෙයි. සිකුරු ග්‍රහයා එම මීන රාශිය හත්වැන්න උච්ච ක්ෂේත්‍රව සිටීමද මාලවී යෝගය ජනිත වීමකි. මාලවී යෝගය පංච මහා පුරුෂ ලක්ෂණවලින් එකක් වන්නේය. ගෞතම බුදුරජාණන් වහන්සේ උත්පත්තිය ලැබුවේද පංචම මහා පුරුෂ ලක්ෂණවලින් එකක් වූ මෙම මාලවී යෝගයද තුරුලු කරගෙනය. මාලවී යෝගය කිසියම් ජන්මියකුට උරුම වූයේ නම් ඔහුට හෝ ඇයට ප්‍රභූන්ගේ හා උතුමන්ගේ ගරුසැලකිලි තාන්නමාන්න ලැබෙනු ඇත.

දේපල ඉඩකඩම් මිල මුදල් ලැබෙනු ඇත. සමාජයේ උසස් ලෙස බැබලීමට හැකියාව පවතී.

මාලවී යෝගය ඇති අය ආකර්ෂණය ශක්තියකින්යුක්තවේ. බොහෝ මිතුරු මිතුරියන් ඇසුරට කැමැත්ත ප්‍රකාශ කරයි. අලංකාරව සිටීමට කැමති, මාලවී යෝගයෙන් ඉපදෙන ජන්මියාගේ විවාහය ද යහපත් වනු ඇත. ඉතා වාසනාවන්ත විවාහයකට උරුමකම් කියනු ලැබේ. මාලවී යෝගය ඇති පමණින්ම ශුභ ප්‍රතිඵල ලැබීම බලාපොරොත්තු විය නොහැක. කිසියම් ජන්මියකුගේ අසුභවාදී මහ දශාවන් අන්තර්දශාවන් විදසාවන්වලට මුහුණ දීමට සිදුවීම මෙහි ශුභ ප්‍රතිඵල ලබාගැනීමට අසීරු කාර්යයක් වනු ඇත. එබැවින් ඔබට මාලවී යෝගය තිබුණත් ඔබ විවාහයකට පත්වෙනවා නම් අනිවාර්යයෙන්ම ඔබට ශුභ මහ දශාවක් අන්තදශාවක් විදසාවත් තෝරා ගැනීම යහපත් වනු ඇත.

කිවි ග්‍රහයාගේ බලසම්පන්න තේජෝ බලය පරාක්‍රම මහිමය නිසා මාලවී යෝගය යෙදෙන්නේය. ග්‍රහ මණ්ඩලයේ ඉතා ආඩම්බර ලෙස හැසිරෙන සිකුරු වඩාත්ම ඇලුම් කරන්නේ ජන සමාජයට, සුපිරිසිදු පරිසරයට, ආදර බන්ධනයට, විසිතුරු ඇඳුම්වලට, ප්‍රණීත ආහාරපානවලට, විනෝද බර ජීවිතයට, එසේනම් මෙම ලක්ෂණ ඇත්තේ මාලවී යෝගය ඇති පුද්ගලයන්ට වේ. යෝගයන් අතරින් ඉතාම ශුභ යෝගයක් වන මාලවී යෝගයඅපට ලැබෙන්නේ පෙර කර්ම ශක්තියෙන් බව සඳහන් කළයුතුයි. පෙර භවේ අපි පින් කළ පමණට මතුභවයේ එවැනි යෝගවලින් ඉපදීම සිදුවේ.