ජන්මියාගේ ජන්ම පත්‍රය හොඳින් පරීක්ෂා කොටය. ව්‍යාපාරයන්ට ගැලපෙන නැකත් ඇත අස්විද, රෙහෙන, මුවසිරස, අද, පුනාවස, පුෂ, මා, පුවපල්, හත, විසා, මූල, සියාවස, දෙනට, රේවති, උත්‍රපල්, උත්‍ර පුටුප යන නැකත් වේ. තවද තත් කාලයට අනුව  වෘෂභ, මිථුන, සිංහ, කන්‍ය, තුලා, වෘශ්චික, මීන රාශි ශුභයි. 6,8, ශුද්ධ විය යුතුයි. 2, 10, 11 බලවත් විය යුතුයි.

ව්‍යාපාරයක් දියුණුකර ගැනීම සඳහා විවෘත මනසක් සහ සැලසුම් කිරීමේ හා සංවිධානය කිරීමේ හැකියාවක් තිබිය යුතුය. අදබොහෝ  දෙනෙක් සිතා  සිටින්නේ තම අදහස් අනුව මුදල් වියදම් කිරීමෙන් මුදල් ගලා එන එක ව්‍යාපාරයක් ලෙසයි.

එයින් සිදුවන්නේ අයිතිකරුටත් නොදැනිම ව්‍යාපාරය පාඩු වීමයි. දිනෙන් දින පාඩුවෙන ව්‍යාපාරය දෙස බලා  අයිතිකාරයෝ  මෙයට හේතුව සෙව්වත් කාටත් නොදැනී සැඟවුණු හේතුවක් ඇත. ව්‍යාපාරයක් ආරම්භ කිරීමේදී අයිතිකරුගේ ජන්ම පත්‍රය  අනුව ව්‍යාපාරය ආරම්භ කිරීමට, ගනුදෙනු කිරීමට, ශුභ මූහුර්තයක් ගැනීම එදා මෙදා සිදුවන දෙයක්. එය මඟහරවා  ගැනීමෙන් ව්‍යාපාරයන් පාඩුවීම, සොර සතුරු බිය, ගිනිබත් වීම්, මේ සියල්ලටම එය එක් හේතුවක් වේ. නව ව්‍යාපාරයක් ආරම්භයේදී එම කාලය ජන්මියාට යහපත් ද නැති නම් ව්‍යාපාරයට එම කාලය යහපත් නැති ද යන්න දැනගෙන ව්‍යාපාරයක් ආරම්භ කිරීම සුදුසුය. අයිතිකරුට ඒරාෂ්ටක කාලවලදී ව්‍යාපාරයන්ට සුදුසු නැත.

ව්‍යාපාර අයිතිකරුවන්ගේ හා ක්‍රියාත්මක කරන පුද්ගලයන්ගේ මූලික පරමාර්ථය වන්නේ අවදානම් දැරීම තුළින් මුදල් ප්‍රතිලාභ උපයා ගැනීම. එසේ නම් ව්‍යාපාරය සාර්ථකව පවත්වාගෙන යෑමටත් එහි ප්‍රතිඵල ලැබීමටත් මූලික අඩිතාලමක් තිබෙනවා. ජෝතිර්වේදියා ශුභ නැකතක් සෑදීමේදී ජන්මියාට ශුභ දවස, ශුභ වෙලාව, ශුභ වර්ණය මේ සියල්ලක්ම ලබා දෙනු ලබන්නේ  ජන්මියාගේ ජන්ම පත්‍රය හොඳින් පරීක්ෂා කොටය. ව්‍යාපාරයන්ට ගැලපෙන නැකත් ඇත. අස්විද, රෙහෙන, මුවසිරස, අද, පුනාවස, පුෂ, මා, පුවපල්, හත, විසා, මූල, සියාවස, දෙනට, රේවති, උත්‍රපල්, උත්‍ර පුටුප යන නැකත් වේ. තවද තත් කාලයට අනුව  වෘෂභ, මිථුන, සිංහ, කන්‍ය, තුලා, වෘශ්චික, මීන රාශි ශුභයි. 6,8, ශුද්ධ විය යුතුයි. 2, 10, 11 බලවත් විය යුතුයි.

ව්‍යාපාරයක් ආරම්භ කිරීමේදී මෙවැනි තත්ත්වයන් ජෝතිෂ්‍ය අතින් බැලීම වැදගත් වනු ඇත. එවිට ව්‍යාපාරය සාර්ථක ලෙස  පවත්වාගෙන යෑමට හැකිවනු ඇත. මෙවැනි ජෝතිෂ්‍ය කරුණු අතහැර ව්‍යාපාරයක් කිරීමේදී අසාර්ථක වීමේ ප්‍රවණතාවය වැඩිවනු ඇත. ජෝතිෂය පමණක් නොව වාස්තු විද්‍යාව ද මෙයට අදාළ වෙනු ඇත.

ව්‍යාපාර කරන ස්ථානයේ පිහිටීම ව්‍යාපාරය පිහිටා ඇති ආකාරය මේ සියල්ල ව්‍යාපාරයක් සාර්ථක වීමට බලපානු ලබයි. මේ  සියලු කරුණු කාරණා සැලකිල්ලක් කොට ව්‍යාපාරයක් ආරම්භ කිරීමෙන් ඉතා සාර්ථක ව්‍යාපාරයක් ලෙස ඉදිරියට ගෙන යෑමට ඔබට හැකි වනු ඇත. නැති නම් ඔබ නොසිතූ පරිදි පාඩු විඳවන්නට සිදුවනු ඇත.

අලුතෙන් ව්‍යාපාරයක් පටන් ගන්නවා නම් අනිවාර්යෙන්ම සැලකිය යුතු කරුණක් නිසි ජ්‍යොතිෂ පිළිවෙත් පිළිපැදීම. ජන්මියාට ඇති ඒරාෂ්ටක මඟහරවා ගෙන එයට නිසි ප්‍රතිකර්ම කරගෙන ව්‍යාපාරයක් ආරම්භ කිරීම ඉතා යහපත් වේ. පුද්ගලයන්ගෙන් පුද්ගලයන්ට අදහස් වෙනස් වේ. ජ්‍යොතිෂ විශ්වාසය අවිශ්වාසය සමව ඇත. එහෙත් මෙය විශ්වාස කොට නව ව්‍යාපාරයක්  ආරම්භ කරනවා නම් අනිවාර්යයෙන්ම සාර්ථක වී තිබේ. තමාගේ නැකතට ගැලපෙන ශුභ මුහුර්ථයකින් ව්‍යාපාරය ආරම්භ කරනු මැනවි.