මේෂ

අනාගත ලාභ ප්‍රයෝජන අපේක්ෂාවෙන් ආයෝජන කිරීම්වලට නැඹුරු වන බවක් දක්නට ඇත. මේෂ රාශියෙන් උපන් අයට එහි ප්‍රතිඵල ලැබීමට ටික කලක් බලා සිටීමට සිදුවනු ඇත. දරුවන්ගේ දියුණුව ගැන සලකා මුදල් වියදම් කිරීමට සිදුවන කාලයකි. රහස් සබඳතා හෝ මිත්‍ර ඇසුරකට කරුණු යෙදෙනු ඇත. බොහෝ කටයුතු අප්‍රකටව රහසේ සිදුකරන්නට පෙලඹේ. ගුප්ත විද්‍යාවන් පිළිබඳව අත්හදා බැලීම් කරන්නට හෝ අධ්‍යයනය කරන්නට සිත්වේ. වියදම් අධික වීමත් මුදල් හානියත් නිතරම ඇතිවන කාලයකි. රෝහල් ගතවීම්. නඩු හබවල පැටලීම් වැනි අශුභයන් පෙන්නුම් කෙරේ. ඥාතීන්ගෙන් හිරිහැර ඇතිවිය හැකිය. රැකී රක්ෂාවල වෙනසක් සිදුවේ. තමා අතින්ම අලාභයක් හෝ පාඩුවක් සිදුකරගනු ඇත. ගෙවල්, ඉඩම් සඳහා ආරක්ෂාවන් යෙදීමට සුදුසු සතියකි. පිට පළාත්වල සිටින අයට කනගාටුදායක ආරංචියක් ලැබෙනු ඇත. තත්ත්වය උසස් කර ගැනීමට වෙහෙස වීමට සිදුවේ. අප්‍රසිද්ධව අසරණයන්ට උදවු උපකාර කරනු ඇත. උසකින් වැටීමට ඉඩ ඇත.

සුබ දිනය:- සඳුදා

සුබ වර්ණය:- දම් පාට

ජය අංක:- 07,

වෘෂභ

පිට පළාතක සිටී නම් ඔබට තම උපන් ගමට පැමිණීමට හැකිවනු ඇත. පවතින අසනීප ඇත්නම් මෙම කාලය තුළ නිරෝගී සුව අත්වේ. අහිමිව ගිය රැකියා නැවත ලැබෙන්නට ඉඩ ඇත. හිතවත් මිත්‍රයන් ලැබෙන්නටද, නැතිවූ වස්තූන් ආපසු ලැබීමටද හේතු වෙයි. වෙළෙඳ ව්‍යාපාරවලින් පෙරට වඩා ලාභ ලැබෙනු ඇත. දියුණුව කරා ගමන් කිරීමට වෘෂභ ලග්නයෙන් උපන් අයට සුදුසු කාල සීමාවකි. වාහන ලැබීම් පිළිබඳවද උනන්දුවෙන් සිටිය යුතුය. දූ දරුවන්ගේ විවාහයන්ද සිදු වීමට නියමයි. මුනුපුරන් දැකීමේ වාසනාවද උදාවිය හැකිය. දූ දරුවන්ට ගරු සැලකිලි ලැබෙන සතියකි. ජන්ම කේන්දරය ප්‍රබල නම් ඒකාන්තයෙන්ම ධනවතකු බවට පත්වේ. ඔබ මේ සතිය තුළ ආරම්භ කරන ගොවිතැන්වලින් හොඳ අස්වැන්නක් ලබාගනු ඇත. නිලතල අපේක්ෂාවෙන් සිටින අයට සිය අදහස් ඉෂ්ට කරගත හැකිය. අලුතින් කරගෙන යන වැඩවලින්ද අතරමඟ නැවතී තිබුණ වැඩවලින්ද ලාභ හා දියුණුව ඇති කරන බැවින් ඒවා උනන්දුවෙන් කරගෙන යන්න.

සුඛ දිනය:- සෙනසුරාදා

සුඛ වර්ණය:- තද නිල්

ජය අංක:- 08, 17

මිථුන

ඔබ උපන්නේ මිථුනයෙන් නම් මෙම සතිය තරමක් අසීරු බව අවබෝධ කරගත යුතුය. ගොවිතැනින් දිවි ගෙවන අයකු නම් ඔබගේ ගොවිතැන් පාළු වී යා හැකිය. වැරදි මාර්ගවලින් ධනය සෙවීමට අදහස් පහළවේ. තත්ත්වය පහළ වැටීමට ඉඩ ඇත. නිෂ්ඵල ගමන් බිමන් වැඩිවේ. දේපළ හානිවීම් හෝ අහිමිවීම් සහිතයි. උසස් අයගේ අප්‍රසාදයට ලක්වේ. ආරවුල්වලට මැදිවීමට ඉඩ ඇත. දරුවන්ට අසනීප සෑදීමට පුළුවන. ධනය හීනවන ලකුණු ඇත. අවාසනාවන්ත ලෙස ස්ථාන වෙනස් වීමක් විය හැකිය. සේවකයන් සිටින අය ඔවුන් හා ආරවුල් ඇතිකර ගැනීමට ඉඩ ඇත. නින්දාවට පත්විය හැකිය. තත්ත්වයට නොගැළපෙන ආකාරයේ අයථා කටයුතුවලට යොමුවිය හැකිය. තරුණ තරුණියන්ට පෙම් සබඳතා හෝ මංගල යෝග උදාවන නමුත් ඒවා එතරම් සාර්ථක නොවනු ඇත. විභාග ආදියට මුහුණදීමට ඇත්නම් දිවා රෑ නොබලා වෙහෙස වීමට සිදු වේ. මේ අතර සුළු සුළු ලාභ ලැබෙන්නට පුළුවන. මුතු මැණික්, රත්රන්, රිදී ආභරණ ආදිය…

කටක

ප්‍රීතිමත් දුරබැහැර ගමනක් යෑමට සිදු විය පවා යෑමට සිදුවිය හැකිය. විභාග ආදියෙන් විශිෂ්ට ප්‍රතිඵල ලද හැකිය. සහකරුගේ පවුලේ අය සමඟ යහපත් ආශ්‍රයන් ඇති වේ. පිට පළාත්වල අය හා ගනුදෙනු කිරීමට යහපති. ලාභ අත්වේ. අන්‍ය ජාතිකයන්, අන්‍ය ආගමිකයන් හා පූජකයන් ඇසුරු කිරීමට ලැබේ. අධ්‍යාපනය ලබන වයසේ අයට වෙනත් භාෂාවන් පවා අධ්‍යයනය කිරීම ඇරඹීමට ඉතා සුබයි. මුදල් ලාභ ඇත. පිටස්තර අයකුගෙන් ඇප උපකාර ලැබේ. දරුවන් සිටින අයට ඔවුන්ගේ නැගීසිටීම දැක සතුටු විය හැකිය. පියාටත් ගුරුවරුන්ටත් ඉතා සුබයි. දුර බැහැර පළාත්වල සිටින කටක ලග්න හිමියන්ට වැඩි වාසනාවක් උදාවන කාලයකි. වැඩිහිටි ඥාතීන්ගේ සැලකිලි හා ප්‍රශංසා ලැබෙනු ඇත. කරගෙන යන වැඩද අලුතින් ආරම්භ කරන වැඩද සඵල වේ. තම බලය වැඩිවේ. නම ප්‍රසිද්ධවේ. තරුණ තරුණියන්ට නව ආදර සම්බන්ධතා ඇති වේ. බිඳීගිය සබඳතාද අලුත් වන ලකුණු ඇත

සුබ දිනය:- බ්‍රහස්පතින්දා

සුඛ වර්ණය:- සුදු පාට

ජය අංක:- 09, 36

සිංහ

තමාට හෝ තම අඹු දරුආදීන්ට යම් අශුභකාරී තත්ත්වයක් උදාවිය හැකිය. සිංහයෙන් උපන් අයට ආමාශයේ ආබාධයක් හෝ ගුදමාර්ගයේ ආබාධයක් ඇතිවීමට ඉඩ ඇත. රාජ දඬුවම් විඳීමටද සිදුවිය හැකිය. දරුවකුට යම් කරදරයක් හෝ දූ දරුවකුගේ ඈත්වීමක් පෙන්නුම් කරයි. ගමන් බිමන් අධිකවේ. හදිසි අනතුරු සිදුවිය හැකි බැවින් ප්‍රවේශම් වියයුතුය. නින්දා අපවාද, අපකීර්ති ලැබෙන්නට ඉඩකඩ ඇති බැවින් තත්ත්වයට නොගැළපෙන වැඩ කිරීමෙන් වැළකී සිටින්න. අනාගතය ගැන සිතා කනගාටු වීමට සිදුවේ. හිතවත් අයකුගේ ව්පතක් ආරංචි වනු ඇත. සිතේ තිබුණු බලාපොරොත්තුවක් කඩවී යයි. නොදැනුවත්කමින් ඇතිවන යම් දෙයක් නිසා අඹු සැමියන් අතර මත භේදයක් හෝ අමනාපකමක් ඇතිවේ. හවුල් ව්‍යාපාර, සීට්ටු දැමීම් වැනි කටයුතුවලින් විශාල ලෙස පාඩු විය හැකිය. බලාපොරොත්තු නොවූ මාර්ගයකින් යම් ධනයක් ලැබිය හැකිය. පෙම් සබඳතා ඇතිවීමටද නියමයි.

සුබ දිනය:- ඉරිදා

සුඛ වර්ණය:- නිල් පාට

ජය අංක:- 04, 13

කන්‍යා

මංගල යෝග උදාවිය හැකිය. පෙම් සබඳතා ගෙදර දොර වාසනාව උදාවන සතියකි. සිතට කයට සැප ඇතිවෙයි. සුදුසු වයසේ සිටින අයට ආරම්භ වේ. නමුත් නව යොවුන් වියේ සිටින තරුණ දූවරුන් වඩාත් බුද්ධිමත් විය යුතුය. ආපසු හැරවිය නොහැකි වැරදිද සිදු විය හැකි බැවිනි. අලුත් යමක් ඉගෙනීමට හැකිවේ. ආදායම යහපත්වනු ඇත. අඹු සැමි සබඳතා තරවේ. ශරීර ශක්තිය වැඩිවී පුෂ්ටිමත්වේ. දේශපාලනයට හෝ සමාජ සේවා වැඩවලට යොමුවන අයට එයින් දියුණුව ඇතිවේ. කලක සිට බලාපොරොත්තුව සිටි යමක් ඉෂ්ට කරගත හැකිය. විසිතුරු බඩු, සුවඳ විලවුන්, මල් ආදිය අලෙවි කරන ව්‍යාපාරිකයන්ට විශේෂ ලාභ අත්වේ. හවුල් ව්‍යාපාර අරම්භයටද කන්‍යාවෙන් උපන් ඔබට සුදුසු සතියකි. උගත් වැදගත් අය සමඟ ආශ්‍රය ඇති වේ. එයින් නොයෙක් වාසි හා ප්‍රයෝජන ලැබෙනු ඇත. පවුලේ ළඟම ඥාතියෙකුගේ විවාහයක් සිදුවීමට නියමයි. සහකරුගේ හෝ සහකාරියගේ පාර්ශ්වයේ ඥාතීන් සමඟ ආශ්‍රය අඩු කළ යුතුය.

සුබ දිනය:- සඳුදා

සුබ වර්ණය:- දම් පාට

ජය අංක:-07, 25

තුලා

අන් අයට කිරීමට නොහැකිව අත්හැර දමා තිබුණු යම් යම් වැඩ භාරගෙන කිරීමටත් එයින් සුළු සුළු ලාභ ලැබීමටත් හැකිවන බව තුලාවට පෙන්නුම් කළ හැකිය. පාලනය කළ හැකි මෙහෙකරුවන් ලැබෙනු ඇත. කලකට පෙර තමන් ඉගෙනගෙන තිබූ හස්ත කර්මාන්තයක් කිරීමටද එයින් හොඳ ආදාඩමක් ලැබීමට ද හැකිවේ. ගෙදර දොර ප්‍රශ්න කරදර වැඩිවේ. සිතට ප්‍රීතිය අඩුය. නිතර පීඩාකාරී බවක් දැනෙනු ඇත. තනිව වාසය කරන හෝ තනිකමක් සිතට දැනෙන්න සතියකි. හිතවතකු සමග අමනාප වීමක් සිදු විය හැකිය. ඒ හේතුවෙන් ස්ථානය හැරදමා යෑමට සිත්වේ. සිතට කයට සැප ඇතිවන දේවලින් ඈත්වීමට ඉඩ ඇත. සතුරන් ඇති කර නොගත යුතුය. ඔවුන්ගෙන් හිරිහැර සිදුවනු ඇත. විවිධ ශරීරාබාධ මතුවේ. දූ දරුවන් සිටී නම් ඔවුන්ටද ලෙඩරෝග ආදිය වැලඳෙනු ඇත. රැකියාව අත්හැර යෑමට සිත්වේ. ඥාති මිත්‍රයන් සමඟ අමනාපකම්ද, ඈත්වීම්ද, සිදුවිය හැකිය. නමට කැළලක් විය හැකිය. නුවමනා කරදරවල පැටලේ.

සුබ දිනය:- සෙනසුරාදා

සුබ වර්ණය:- අළු පාට

ජය අංක:- 17, 26

වෘශ්චික

තිබුණු වැඩකටයුතු නැවත ආරම්භ කිරීමට කරන කියන වැඩකටයුතු ප්‍රසිද්ධියට පත්වෙන බවක් වෘශ්චිකයට පෙන්නුම් කරයි. නැවතී හැකි වේ. එයින් ලාභ අත්විය හැකිය. රැකී රක්ෂාවල දියුණුවක්, උසස්වීමක් සිදු වේ. ධන ලාභ සහිතයි. වෙළෙඳාමෙන් දියුණුවට පත්වනු ඇත. පෙම් සබඳතා ඇතිවේ. මංගල යෝජනා ලැබෙන කාලයකි. දරුවන්ගේත් ශිෂ්‍යයන්ගේත් උසස්වීම් දැක සතුටුවිය හැකිය. සතුරන් මිතුරුවේ. ඥාතීන්ගෙන්ද මිතුරන්ගෙන්ද උපකාර ලැබේ. අධ්‍යාපනය ලබන අයට ඉතා සුබ සතියකි. ඉගෙනීමටත් ඉගැන්වීමටත් යහපත්ය. ගුරුවරුන්ට යහපත් දක්ෂ ශිෂ්‍ය ශිෂ්‍යාවන් ලැබේ. තම පවුලේ කෙනෙකුට හෝ දූ දරුවන් ලැබෙන කාලයකි. ආයෝජකයන්ට හොඳ ලාභයක් ලබාගත හැකිවේ. ඉඩම් හෝ දේපළ වෙළෙඳාමට යහපති. විනෝද ක්‍රීඩා, රේස්, සූදු, ලොතරැයි ආදියෙන් විශේෂ දිනුම් හා ජය. ප්‍රේමණීය කෙටි පණිවුඩ, දුරකථන ඇමතුම් ලැබෙනු ඇත. පෙම්වතුන්ට රහස් විනෝද ගමනක යෙදීමට හැකිවේ.

සුබ දිනය:- සිකුරාදා

සුඛ වර්ණය:- නිල් පාට

ජය අංක:- 06, 15

ධනු

ආදායම අඩුවී ණයතුරුස් වැඩිවී තරමක අසීරුවකින් කාලය ගතකිරීමට ධනු ලග්න හිමියන්ට සිදුවේ. තීන්දු තීරණ ගැනීමේදී යම් පසුබෑමක් පෙන්නුම් කරයි. තිබුණු ගෞරවයට හානි සිදුවිය හැකිය. නොදැනම තමන් අතින් වැරදි සිදුවේ. රැකියාවට හානි පෙන්නුම් කරයි. බලාපොරොත්තු බිඳවැටීමට ඉඩ ඇත. වැඩක් නැතිව නිකරුණේ කාලය ගෙවීමට සිදුවේ. දේපළ සම්බන්ධ ප්‍රශ්නයකට මුහුණදීමට පුළුවන. නඩු මාර්ගයට බැසීමට සිදු විය හැකිය. වාහන ලාභයක්ද පෙන්නුම් කරයි. වාහනවල ගමන් බිමන් අධික වේ. මුළාවීමකට හසුවිය හැකි බැවින් කල්පනාකාරී වන්න. තමන්ගෙන් නිතර උපකාර ගත් ළඟින්ම ආශ්‍රය කළ අයකු නිසා කරදරයකට මුහුණ පාන්නට සිදු විය හැකිය. විවාහ ගිවිසුම් හා ප්‍රේම සම්බන්ධතාවලට යහපත් නැත. රැවටීම්වලට ලක්වීමට බොහෝ සෙයින් ඉඩ ඇත. අධික රුධිර පීඩනය, රත්පිත වැනි රෝග තත්ත්වයන් ඉස්මතු විය හැකිය. මවුපියන්ගේ යහපත වෙනුවෙන් කටයුතු කරයි. තමා සිටි තැනින් හෝ පදිංචි තැනින් මාරුවීමක් සිදු වේ.

සුබ දිනය:- බ්‍රහස්පතින්දා

සුබ වර්ණය:- ක්‍රීම් පාට

ජය අංක:- 06, 24

මකර

ශරීර සෞඛ්‍යයට නම් එතරම් සුබ පලයක් ලැබේ. යැයි සඳහන් කළ නොහැකිය. යම් අසනීපයක් තිබුණේ නම් එය උත්සන්න වන ලකුණු ඇති බැවින් ප්‍රතිකාර කටයුතු පිළිබඳව දැඩිසේ උනන්දු වන්න. පදිංචිය වෙනස් කිරීමට හෝ උපන් ගම හැරයෑමට තරම් සිතෙන අවධියකි. ගෙදරට පැමිණි විට සිතට කිසිදු ප්‍රීතියක් නොදැනෙන තරමට ප්‍රශ්න හා කරදර බොහෝ පැවතිය හැකිය. මුදල් අතින් තරමක් අසීරු සතියකි. අතේ තිබෙන මුදල්ද නිකරුණේ වියදම් වීමට ඉඩ ඇත. අනුමානයට වැඩ නොකළ යුතුය. පරාජයට පත්විය හැකිය. නෑදෑයකුගේ හෝ හිතවතකුගේ විපතක් හෝ විනාශයක් අසන්නට සිදුවේ. සමහර විට එවැනි අයකු තමන්ගෙන් දුරස්වීමට හෝ හැරදමා යෑමට ඉඩ ඇත. චෝදනා අපවාද නිකරුණේ නමුත් අසන්නට සිදුවේ. අහේතුකව ඇවිදීමට සිදුවේ. පවුලේ අයට තමන්ගෙන් උපකාර වැඩි වශයෙන් ලැබේ. සමහර විට සහෝදරයකුට උසස්වීමක් හෝ තනතුරු ලැබීමක් සිදු වේ.

සුබ දිනය:- සඳුදා

සුබ වර්ණය:- සුදු පාට

ජය අංක:- 16, 25

කුම්භ

ගරු නම්බු ලැබීම්, මිල මුදල් ලැබීම්, ආදායම වැඩිවීම්, වැටුප් වැඩිවීම්, ඥානය දියුණුවීම් වැනි බොහෝ සුබපලයන් කුම්භයට පෙන්වාදිය හැකි සතියකි. සැපවත් කාලයකි. රසවත් ප්‍රණීත ආහාරපාන ලැබීමට හේතුයි. උත්සව පවත්වන්නට හෝ සහභාගි වන්නට හැකිවේ. ඥාති මිත්‍රයන් තමන් සොයාගන එනු ඇත. ඔවුන්ගෙන් උපකාරද ලැබේ. ශුද්ධ භූමිවල සැරිසරන්නට හැකිවේ. විභාගවලින් ජය පෙන්නුම් කරයි. රැකියාවේ උසස්වීම් තනතුරු ලැබීම් සහිතයි. ශරීර සනීපය යහපත්වේ. වටිනා දෙයක් මිලදී ගැනීමට සිතේ. සමහරවිට දරු උපතක් සිදුවීමට ඉඩ ඇත. සුදුසු වයසේ පසුවන්නන්ට ස්ථිර මංගල යෝජනා ඉදිරිපත්වේ. තරුණ තරුණින්ට ප්‍රේමණීය ඇරයුම් ලැබෙනු ඇත. ස්ත්‍රීන්ගේ ආකර්ෂණයට ලක්වේ. ආරම්භ කරන හෝ භාරගෙන කරන වැඩවලින් දියුණුවද ජයද ලැබේ. විවාහක අයගේ බිරියට හෝ සැමියාට ධන ලාභ, වස්තු ලාභ සහිත කාලයකි. අලුත් තත්ත්වයක් උදාවනු ඇත. ප්‍රීතිමත් ගමන් බිමන් යෙදේ.

සුබ දිනය:- සෙනසුරාදා

සුබ වර්ණය:- කළු පාට

ජය අංක:- 08, 35

මීන

තමන් ආශ්‍රය කළ හිතවතකු පිළිබඳ අසුඛ ආරංචියක් අසන්නට සිදුවන බව මීන ලග්නයෙන් පෙන්නුම් කරයි. වියදම් අධික විය හැකිය. අනුන් වෙනුවෙන් කරන වියදම් ඉහළ යයි. රැකියාව පිළිබඳව හෝ පදිංචිය පිළිබඳව වෙනසක් සිදු විය හැකිය. රැකී රක්ෂා හෝ තනතුරු උසස්වීම් පිළිබඳව ගන්නා උත්සාහයන් චීන නිෂ්ඵල විය හැකිය. නොයෙකුත් කරදර එක පිට එක පැමිණිය හැකි බවක් පෙනේ. සතුරන් මෙන්ම ඊර්ෂ්‍යාකාරයන්ද ඇතිවිය හැකිය. විට මොවුන් තමන්ගෙන් අප්‍රමාණ උදවු උපකාර ගන්නවුන් විය සහර හැකිය. අලුතින් රැකියා හෝ ව්‍යාපාර සෙවීමට වඩා දැනට තිබෙන දේ පමණක් හොඳ සිහිකල්පනාවෙන් කරගෙන යා යුතු කාලයකි. පවුලේ අයගෙන්ම තමාට නොහොබිනා කතා අසන්නට සිදු විය හැකිය. උසස් අයකුගේ පිහිට හෝ උපකාර සොයා යෑමට සිදුවේ. ශරීරය දුර්වලවේ. නැතහොත් අසනීපයක් වැලඳීමට ඉඩ ඇත. මධුමේහය, රක්ත හීනතාව වැනි රෝග ඒ අතර ප්‍රධාන වේ. මංගල යෝග උදාවීමටද පස්කම් සැප ලැබීමටද හේතුයි.

සුඛ දිනය:- බ්‍රහස්පතින්දා

සුබ වර්ණය :- රතු පාට

ජය අංක:- 09, 18

ජ්‍යොතිෂවේදී, වාස්තුවේදී නෙල්සන් කුමාරසිංහ

පල්ලේපොල, මාතලේ