පහත සඳහන් පලාපල තත්ත්වයන් ඔබේ ජන්ම පත්‍රයේ ග්‍රහ පිහිටීම මත දැනට ගතවන මහ දශා, අතුරු දශා, ග්‍රහයන් උප්පත්තියේදී පිහිටි නැකැත්, 22 දෙර්කාණාධිපති, 64 නවාංශකාධිපතිගේ තත්ත්වයන් හා වෙනත් ග්‍රහ දෘෂ්ටිය මත යම් පමණක අඩු වැඩි වන බව සලකන්න.

මේෂ

රැකියාවේ ගැටලු නිරාකරණය වෙයි

තිබුණු ගෞරව සැලකිලි තරමක් අඩුවන කාලයකි. මෙම දින කිහිපය දුක් සහිතව ගෙවීමට සිදුවේ. සිත්තැවුල් නිතර ඇති වීමටද හැකිය. අවුල් වියවුල් කෝලාහලවලට පවා මැදිහත් වීමට සිදු වේ. ඉවසීමෙන් හා බුද්ධිමත්ව කටයුතු කළ යුතුය. හිත මිත්‍රයන් සමඟ හා රැකීරක්ෂා කටයුතු සම්බන්ධව ඉතා ප්‍රවේශම් සහගතව ගනුදෙනු කළ යුතු වේ. රජයේ වැඩ කරන අයට විශේෂයෙන්ම අපලදායකය. දරු ශිෂ්‍යයන්ටද කරදර සතියකි. සතියේ මුල් කාලය ඉවසීමෙන් කටයුතු කරගත හොත් අවසාන කාලය යහපත් වේ. පවතින මුදල් දුෂ්කරතා හා රැකියාවේ පවතින ගැටලුද නිරාකරණය වනු ඇත. දණහිසෙන් පහළ කොටසේ හෝ දණහිස සම්බන්ධ සුළු අසනීප මතුවිය හැකිය. නමුත් එම අසනීප පහසුවෙන්ම සුව වේ. දෙනට නැකතින් ඉපදී ඇති අයට නම් සුළුවට පවතින කරදර වැඩිවනු ඇත.

සුබ දිනය - අඟහරුවාදා

සුබ වර්ණය - රතු

ජය අංකය - 04

වෘෂභ

වෙළෙඳාමට යහපත් කාලයකි

පසුගිය සතියට වඩා තරමක් යහපත් සතියකි.නමුත් සිතේ නිදහස නම් අඩු වී යනු ඇත. වෙළහෙළෙඳ ව්‍යාපාර කරන අයගේ වැඩි දියුණුව ඇතිවේ. තත්ත්වයට කාලයට අනුව නියම වටිනා කම් ලැබෙන්නට හේතු තිබෙන බැවින් වෙළෙඳ බඩු අලෙවි කිරීමට ඉදිරිපත් විය යුතු කාලයකි. ශරීර සනීපය යහපත් වේ. උත්සව බැලීමටද, හිතවතුන් හිතවතියන් සමඟ විනෝද චාරිකාවකටද ඉඩ ලැබේ. අලුත් උසස් මිත්‍රයන් ආශ්‍රයට ලැබේ. දූ දරුවන් සම්බන්ධයෙන් සුබ ආරංචි ලැබෙනු ඇත. දෙනට නැකැතින් හෝ උපතේදී සඳු 10,3 හෝ 4 වැන්නේ තැන්පත් නම් සුබඵල අඩුවේ. සිතේ නිදහස අඩු වී යනු ඇත. එම අයට නිතරම මුදල් කරදර හා සහෝදර සහෝදරියන් නිසාද අනවශ්‍ය කරදර මතු වනු ඇත. නිකරුණේ පාරේ රස්තියාදු වේ. මෙම අය හැකි සැම විටම හැකි පමණින් බෝධි පූජා ආදිය තැබීම සුඛ වේ.

සුබ දිනය - බදාදා

සුඛ වර්ණය - කහ

ජය අංකය - 05

මිථුන

අලුත් උදාවක් ඇති වේ

ප්‍රසිද්ධියක් ඇති වීමෙන් ජීවිතයේ අමුතු උදාවක් ඇතිවන කාලයකි. කලක සිට මහන්සියෙන් කරගෙන ආ කටයුතුවල ඵල ප්‍රයෝජන ලැබෙන්නට පටන් ගනී. අලුත් හිත මිත්‍රයන් රාශියක් දැන හඳුනා ගැනීමට ලැබීමත් අනියම් ආකාරයට කම්සැප සෙවීමට ආශා කරන කාලයක්ද වනු ඇත. බලාපොරොත්තු නොවූ ආකාරයට අදහස් ඉෂ්ට වේ. නමුත් මෙම කාලයේ මුරණ්ඩු මිත්‍රයන් නිසා කරදරවලටද මුහුණ පාන්නට සිදුවේ. සුදුසු වයස නම් විවාහය සිදුවේ. නැති නම් ඒ සඳහා අවශ්‍ය පුද්ගලයකු මුණගැසේ. පසුගිය කාලයේ සිට පැවැති අෂ්ටම ඒරාෂ්ටක අපල කාලය ක්‍රමයෙන් අවසන් වෙමින් පවතින අතර දැනට පවතින කරදර බාධක ක්‍රමයෙන් අවසන් වනු ඇත. ප්‍රමාදව පැවැති මංගල කටයුතු සම්බන්ධ බලාපොරොත්තු ඉෂ්ට වේ. ඔබ දෙනට හෝ සියාවස යන නැකැත්වලින් ඉපදී ඇති නම් එම අය මෙම කාලයද ප්‍රවේශම්ව ගෙවා ගත යුතුය. එම අයට සුළුවට පවතින ගැටලු, කරදර, නඩු කටයුතු දුරදිග යෑමට ඉඩ ඇත.

සුඛ දිනය - බදාදා

සුබ වර්ණය කහ

ජය අංකය - 03

කටක

බලාපොරොත්තු ඉටු වෙයි

සතියේ මුල් දින කිහිපයේදී නිතරම ගමන් බිමන් ඇතිවීම නිසා කරගෙන යන කටයුතුවලට බාධා හා ප්‍රමාදවීම් ඇතිවේ. විවාහ වූවෙකුට නම් තම භාර්යාවගෙන් හෝ ස්වාමිපුරුෂයාගෙන් දුරස් වී සිටීමට සිදුවේ. ශනි හා කුජ දෙදෙනාම ගෝචරව 7 වැන්නේ ගමන් කරන මෙම සතියේ ඔබේ පවුල් ජීවිතය, ව්‍යාපාර සම්බන්ධයෙන් වඩා සැලකිල්ලෙන් කටයුතු කළ යුතුවේ. ප්‍රසිද්ධ සතුරන් ඇති වීමටද හැකිය. වකුගඩු හෝ මුත්‍රාශය සම්බන්ධව පවතින සුළු අසනීප සඳහා නිවැරදිව ප්‍රතිකාර ලබාගත යුතුවේ. තරමක් කෙන්ති යන සතියකි. අවසාන කාලය මුල් කාලයට වඩා යහපත් වේ. තමාගේ සිතේ ඇති බලාපොරොත්තු කිහිපයක්ම ඉටුකර ගැනීමට මඟ පෑදේ. මුදල් ගැටලු නිරාකරණය වන අතර රැකියාවේ කටයුතුද හොඳින් කරගෙන යෑමට හැකිවේ. ශරීර සෞඛ්‍ය යහපත් වීමත් දරුවන් සම්බන්ධයෙන් පවතින යම් අසනීප, කරදර තත්ත්වයක් සුබ අතට හැරේ. නිතර පින්දහම්, බෝධි පූජා ආදී කටයුතුවල නිරත වීම ඔබට වඩ…

සිංහ

රෙදිපිළි ව්‍යාපාරිකයන්ට සුඛයි

මෙම සතිය ඔබට මිශ්‍රඵල සහිත වේ. මුදල් අතින් වාසනාවන්ත වේ. ඔබ විවාහක නම් ඔබගේ ගේ දොර කටයුතුවලට නම් යම් බාධා එල්ලවන අතර දරුවන්ගේ කටයුතුද යම් පමණකට බාධාකාරී තත්ත්වයන් මත ඉටු කිරීමට සිදුවේ. එමෙන්ම ඔබ දරුවකු බලාපොරොත්තුව සිටින්නේ නම් එම බලාපොරොත්තු සාර්ථක වේ. නමුත් ඔබගේ හිතවත් අයට මෙම සතියේ මුල් කාලය තරමක් අසුබදායී වේ. අධ්‍යාපන කටයුතුවලටද බාධා මතුවන අතර මේ කාලයේ විදේශ ගමන්වලින්ද ඔබට සිතන තරමට ප්‍රතිඵල නොලැබේ. යකඩ, රෙදිපිළි ආදී ව්‍යාපාරිකයන්ට තරමක සුබ කාලයකි. ඔබට පපුව හෝ කොන්ද අශ්‍රිතව යම් රෝග තත්ත්වයක් ඇතිවිය හැකිය. නමුත් තදබල අපල ඇති නොවේ. ජලය අශ්‍රිතව කටයුතු කිරීමේදී සැලකිලිමත් වන්න. සතියේ අවසාන කාලය වඩා යහපත් වේ. රැකියාවේ කරදර බොහෝදුරට අවසන් වේ. දරුවන්ගේ කටයුතු සාර්ථක වේ.

සුබ දිනය - අඟහරුවාදා

සුබ වර්ණය - රතු

ජය අංකය - 01

කන්‍යා

මිල - මුදල් ලාභ

සුබඵල සහිත සතියකි. මිල මුදල් ලාබ ලැබේ. තමා කැමැති අමුතු අමුතු දේ ඉගෙනීමට අවස්ථාව උදාවේ. හිතමිතුරන් තමාව සොයාගෙන පැමිණේ. රැකීරක්ෂා කටයුතු බාධකවලින් තොරව කරගෙන යෑමට ඉඩ ලැබෙන අතර සිතට සතුට සැනසුම ලැබෙන කාලයක් වේ. විවාහකයන්ගේ සහකරුට හෝ සහකාරියට සුබ කාලයකි. මිල මුදල් අතින්ද පාඩුවක් නොවන කාලයකි. ශරීර සෞඛ්‍ය අතින්ද එතරම් ගැටලුවක් මතු නොවේ. නමුත් තමන්ගේ කටයුතුවලට විටින් විට බාධා කරදර මතු වේ. තමාගේ වැඩිහිටියකුට විපතක් ඇතිවීම හේතුවෙන් ඔබට සිත්තැවුලකට පත් වීමට සිදුවේ. ප්‍රසිද්ධ ස්ථානවලට යෑමට සිදුවේ. දෙනට නැකතින් ඉපදී ඇති නම් කරදර බාධක, මුදල් ගැටලු ඇති කරයි. එම අයට සුළු අසනීප වැඩිවීමට හැකි බැවින් සැලකිලිමත්ව කටයුතු කළ යුතුවේ.

සුඛ දිනය - බදාදා

සුඛ වර්ණය - කොළ

ජය අංකය - 05

තුලා

තත්ත්වය උසස් වෙයි

සතියේ මුල් දින කිහිපය සුබපල සහිත කාලයකි. මෙතෙක් තිබූ සතුරු කරදර නිමාවට පත් වේ. උසස් අයගේ උදවු උපකාර මත තමාගේ කටයුතු සාර්ථක කර ගැනීමට අවස්ථාව උදාවේ. තමාගේ තත්ත්වය උසස් වේ. ශරීර සනීපයද යහපත් අතට හැරේ. අන් අය සමඟ අදහස් හුවමාරුවේ දී තමාගේ වචන සංවර කර ගත යුතු වේ. වියදම් නම් අධික බැවින් ලාභ ප්‍රයෝජන ලැබුණද ඒවා මනාව කළමනාකරණය කර ගත යුතුය. කුජ සිකුරු 4 වැන්නේ ශනි සමඟ ගෝචරව ගමන් කරමින් පැවතීමත් නිසා සිතෙහි අධික ලෙස රාගාධික සිතිවිලි ඇති විය හැකි අතර එම නිසාම විවිධ මතභේදද ඇති විය හැකි බැවින් තම සිත මනාව පාලනය කර ගත යුතු වේ. සතිය අවසානයේදී ස්ත්‍රී ඇසුර හේතුවෙන් නින්දා අපහාස කරදර විඳීමට සිදුවේ. ඔබ මෙතෙක් කරගෙන ආ කටයුතුවලට බාධා මතු වේ. කලබලකාරී බව අඩු කර ගැනීමෙන් තමාට සිදුවන පාඩු අපහසුතා අඩු කර ගැනීමට හැකි වේ.

සුඛ දිනය - බදාදා

සුබ වර්ණය - සුදු

ජය අංකය - 07

වෘශ්චික

දේපොළ දියුණු කරගත හැකිවේ.

සතියේ අවසාන කාලය යහපත් වේ. ගේ දොර කටයුතු දියුණුවට පත් වේ. තිබූ දේපොළ දියුණු කර ගැනීමට ඉඩ ලැබේ. මිල මුදල් ලැබීම් අතින්ද පාඩු සිදුනොවේ. දැනට කරගෙන යන වැඩ කටයුතු බාධාවකින් තොරව කර ගැනීමට ඉඩ ලැබේ. දරුවකු බලාපොරොත්තුවෙන් සිටින අයට තමාගේ බලාපොරොත්තු ඉටු කර ගැනීමට හැකිවේ. 7 වැන්නේ ගමන් කරන රාහුගේ බලපෑමත් නිසා විවාහය හෝ ප්‍රේම සම්බන්ධතා පිළිබඳ කටයුතු තරමක පැටලැවිලි සහිත වේ. නමුත් සෑම කටයුත්තකම තම වාසියට සිදුවනු ඇත. සතියේ මුල් දින කිහිපයේදී නම් පිට පළාත්වල අයගෙන්ද ආගන්තුක අයගෙන්ද සතුරු පීඩා ඇතිවේ. අන් අය සමඟ කටයුතු කිරීමේදී සැලකිලිමත් වන්න. දෙනට, සියාවස වැනි නැකැත්වලින් ඉපදී ඇති නම් තරමක සිත් තැවුල්, නින්දා අපහාස විඳීමට සිදුවන කාලයකි. එම අයට නොකළ වැරදි වලට දඬුවම් විඳීමටද සිදුවේ. සිත මනාව පාලන කර ගැනීමට නොහැකි වීමත් නිසා අසනීප තත්ත්වයන්ද මතු වීමට හැකිය.

සුබ දිනය - බ්‍රහස්පතින්දා

සුබ වර්ණය - රතු

ජය අංකය - 05

ධනු

ගරු සැලකිලි ලබයි

මෙම සතිය ඔබට සුබපල මිශ්‍රපල සහිත වේ. තමාගේ කටයුතු දියුණුකර ගැනීමට ඉඩ ලැබෙන කාලයකි. ආදායම් මාර්ග වැඩි දියුණු වේ. නමුත් ඒ හා සමානව වියදම්ද ඇති වේ. මුදල් ඉතිරි කර ගැනීමට අපහසු කාලයකි. පසුගිය කාලය පුරාවටම පැවති සෙනසුරු අපල කාලය ක්‍රමයෙන් අවසන් වෙමින් පැවතීමත් නිසා සිතට සැනසීම ඇතිවේ. ආගමික පොත් පත් කියවීමට අවස්ථාව උදා වේ. ගරු සැලකිලි ලැබෙන, තමාගේ නම ප්‍රසිද්ධියට පත් වන කාලයක් උදාවේ. තමාට හෝ තමාගේ පවුලේ අයකුට දරු ලාභයක් ලැබේ. ඉඩකඩම් දේපොළවලින් ලාභ ලැබෙන අතර ව්‍යාපාර කටයුතුවලට පවතින බාධක ක්‍රමයෙන් අඩු වී යයි. ජීවිතයේ වාසනාවන්ත කාලයකි. අසුබ දසාවක් හෝ දෙනට සියාවස යන නැකැත්වලින් ඉපදී ඇතිනම් මුදල් කරදර නීතිමය ගැටලු හා පවුලේ අනවශ්‍ය කරදර ඇති වීමට හැකිය.

සුබ දිනය - සෙනසුරාදා

සුබ වර්ණය - කහ

ජය අංකය - 03

මකර

විනෝද ගමන් බිමන්

සතියේ මුල් කාලය ඔබට සුබපල ලබාදේ. මෙම කාලයේ ඔබ කරන කියන කටයුතු හොඳින් අවසන් කර ගැනීමටද හැකි අතර සිතේ නිදහස ඇතිවේ. සහෝදරයන්ගේ අධ්‍යාපන කටයුතු දියුණු වේ. විනෝද ගමන් බිමන් යෑමට අවස්ථාව උදාවේ. පවුලේ සාමාජිකයන්ගෙන් තමාට සැනසීමට කටයුතු සැලසේ. ගුප්ත විද්‍යා කටයුතුවලින් හෝ අනවින ආදියෙන් ඇති වී තිබූ කරදර අවසන් වේ. සතියේ අවසාන දින කිහිපයේදී ගමන් බිමන්වලදී කල්පනාකාරීව කටයුතු කළ යුතුයි. තමාට උදවු උපකාර කළ අයකුට විපතක් ගෙනදේ. මංගල යෝජනා වෙනස් වීමට ඉඩ ඇති බැවින් මේ කාලයේ කරන විවාහ කටයුතු හොඳින් සොයාබලා කළ යුතුවේ. දෙනට නැකතින් ඉපදී ඇති නම් මුදල් කරදර, නීතිමය ගැටලු නිසා නිතර සිත්තැවුල් හා මුදල් හානි සිදු විය හැකිය. එම අය වත්පිළිවෙත් කර ගත යුතුය.

සුබ දිනය - බදාදා

සුබ වර්ණය - නිල්

ජය අංකය - 06

කුම්භ

විදෙස් සංචාරකයන්ට අපලයි

මෙම සතිය ඔබට මිශ්‍රඵල සහිත සතියකි. සතියේ මුල් කාලයේදී නම් මුදල් අතින් අගහිගකම් ඇති කරයි. සාමාන්‍යයෙන් මෙම කාලය අසනීප සෑදීමට ඉඩ ඇති බැවින් පරිස්සම් විය යුතුයි. පවුලේ අය අතර ආරවුල් පැන නැඟීමටද ඉඩ තිබේ. වංචා ප්‍රයෝගවලට හසුවේ. සිතට භය සහිත කාලයක් බැවින් මනා සිහියෙන් කටයුතු කර ගත යුතුය. තමාගේ ඉඩකඩම් දියුණු කර ගැනීමට ගන්නා උත්සාහයන්ගේ සුබ ප්‍රතිඵල ලැබේ. බර වැඩකටයුතුවලට බසින්නට සිදුවේ. සතියේ අවසාන කාලයේදී වඩා සුබපල ලැබේ. තම උත්සාහය වැඩි වූ තරමට ප්‍රයෝජනද වැඩි වේ. නින්දාවකින් බේරීමට මඟ සැලසේ. රැකීරක්ෂා කටයුතු හොඳින් කරගෙන යෑමට හැකි මුත් අධික වියදම් ඇති කරයි. ශරීර ශනීපය යහපත් වේ. සතියේ අවසාන කාලයේ අධ්‍යාපන කටයුතු සාර්ථක වේ. විදෙස් සංචාර සඳහා සුඛ වේ.

සුඛ දිනය - සිකුරාදා

සුඛ වර්ණය - නිල්

ජය අංකය - 09

මීන

උසස් අය ඇසුරට ලැබෙයි

ලග්නාධිපති ගුරු 12 වැන්නේද, ශනි, කුජ හා සිකුරු 11 වැන්නේද, රවි ලග්නයේද සඳු 7 වැන්නේද ගමන් කරමින් ආරම්භ වන මෙම සතිය ඔබට මිශ්‍රඵල ලබාදෙන සතියකි. මිල මුදල් අතින් දියුණුව ඇති වේ. නමුත් ඔබ ඒ සඳහා අනවශ්‍ය වියදම් මඟ හරවා ගත යුතුය. වියදම් අධික වේ. සතියේ මුල් දින කිහිපය අසතුටුදායකය. පිනට දහමට අකැමැති වේ. අනුන්ට හිංසාදායක වැඩ කිරීමට සිත ඇති වේ. දරු ශිෂ්‍යයන් නිසා හෝ නෑනලා මස්සිනාලා නිසා හෝ අන්‍ය කුලගෝත්‍රවල අය නිසා හෝ කරදර හා පාඩුද සිදු විය හැකිය. සතියේ අවසාන කාලය යහපත් වේ. දරුවන්ගේ බලාපොරොත්තු ඉටු වේ. අධ්‍යාපන කටයුතු හා ව්‍යාපාර කටයුතු සාර්ථක වේ. උසස් අයගේ ආශ්‍රය ඇති වේ. පූජ්‍ය ස්ථානවලට වන්දනාදී ගමන් යෑමට ඉඩ ලැබේ. ශුද්ධ අදහස් ගලාගෙන එන කාලයකි. සමාජ සේවා වැඩට බසින්නට සිදු වේ.

සුබ දිනය - බ්‍රහස්පතින්දා

සුබ වර්ණය - රතු

ජය අංකය - 03