ඉදිරිය භයානකයි ඔබේ මන්ත්රය පාඩම් කරගන්න
මේ, ජනතාව අතිශය වගකීමෙන් කටයුතු කරන කාලයකි. මන්ද කිසිදාසිදු නොවුණු ආකාරයට මාසයක් තුළ ග්‍රහයන් සියලු දෙනාම තම ස්ථාන වෙනස් කරන මාසයක් බවට මෙම මාසය පෙන්වා දිය හැකි නිසාය. ජ්‍යොතිෂයට අනුව මෙය සියල්ල උඩු යටිකුරු කරන්නට සමත් වන කාලයකි. ඒ බව මේ වන විටත් රට තුළත් ජනතාව අතරත් දක්නට ලැබෙයි. එහෙයින් ජනතාව ඉතා බුද්ධියෙන් තමාගේ අනාගත සුබසිද්ධිය උදෙසා කටයුතු කිරීමට වගබලාගත යුතුය. නැතහොත් නොසිතූ කරදර බාධකවල පැටලීමට සිදුවීමටද ඉඩ තිබේ. එමෙන්ම මෙවැනි කලබලකාරී වාතාවරණයක් තුළ වුවද ධාර්මිකව සහ බුද්ධිමත්ව ජීවත් වන අයට යම් තරමක හෝ සහනයක් අත්වන අතර ඒ ගැන සිතා තමාගේ යහපත උදෙසා කළ හැකි වත් පිළිවෙත් ආදිය වැඩිපුර භාවිත කිරීම ඉතා යෝග්‍ය වෙයි.
අතීතයේ මෙවැනි දුෂ්කර කාල වකවානු උදාවූ පසු ජනතාවට එම අසුබතාවලින් මිදීමට විවිධ ගුප්තමය උපක්‍රම හඳුන්වාදී තිබේ. ඒ අනුව තම තමන්ගේ ලග්නයට අනුව භාවිත කළ හැකි මන්තරයක් හඳුන්වා දී ඇති අතර තමාගේ ලග්නයට හිමි මන්ත්රය කටපාඩම් කරගෙන තම අවශ්‍යතාවලදී ප්‍රයෝජනයට ගැනීමෙන් අවශ්‍ය ඕනෑම සුබ කටයුත්තක් ජයග්‍රහණය කළ හැකි බව බොහෝ දෙනෙක් අත්දැකීමෙන් දනී. ඒ අනුව පහත ආකාරයට ඔබගේ සුබ කටයුතු සඳහා යොමුවී මේ අර්බුදකාරී කාලයේ යහපත උදාකර ගන්න.
ඔබ පළමුව තුනුරුවන් උදෙසා වත්පිළිවෙත් කර, පහනක් දල්වා තමන්ගේ ඉෂ්ට දේවතාවුන්ට සුවඳ කූරක් දල්වා තමා යන ගමන, තමා කරන කටයුත්ත සාර්ථක වේවා යනුවෙන් සත් සිතින් ප්‍රාර්ථනා කර පහත දැක්වෙන අත්දුටු උතුම් මන්ත්‍ර ක්‍රමවේදයන් අනුගමනය කර ඔබේ කටයුතු සාර්ථක කරගන්න.
මරු සිටින දිශාව
- ඉරිදා – උතුර
- සඳුදා – වයඹ
- අඟහරුවාදා – බටහිර
- බදාදා – නිරිත
- බ්‍රහස්පතින්දා – දකුණ
- සිකුරාදා – ගිනිකොන
- සෙනසුරාදා – නැගෙනහිර
- ඉරිදා, අඟහරුවාදා, බ්‍රහස්පතින්දා සහ සෙනසුරාදා සුබ ගමන් යන විට දකුණු පය පෙරට තබා ගමන ආරම්භ කරන්න.
- සඳුදා, බදාදා සහ සිකුරාදා සුබ ගමන් ආරම්භ කරන විට වම් පය පෙරට තබා ගමන් ආරම්භ කරන්න.
දිනයට හිමි මන්ත්රය තුන් වරක් කියවන්න.
දින හතට මන්ත්‍ර :
- ඉරිදා රවි – ඕං ග්‍රීං ග්‍රීං හුං හුං එටි
- සඳුදා චන්ද්‍ර – ඕං ශ්‍රඋවන් හ්රිකුලිං අස්ත්‍රා එටි
- අඟහරුවාදා කුජ – ඕං ඕං ජං හ්රිහං සාය එටි
- බදාදා බුධ – ඕං ප්‍රෝං අං ග්‍රීං ලං නසේත් එටි
- බ්‍රහස්පතින්දා ගුරු – ඕං ඕං ඕං ටං බි්‍රං අෂ්ටජයං එටි
- සිකුරාදා ශුක්‍ර – ඕං ඕං ඕං ප්‍රෝං හ්රි දයායනාම එටි
- සෙනසුරාදා ශනි – ඕං එෛ කිලිං රාමාය එටි
දෙවැනුව තමා උපන් ලග්නයට හිමි මන්ත්රය තුන්වරක් කියවන්න.
ලග්න දොළහට හිමි මන්ත්‍ර :
- මේෂ – ඕං නසේත් ජයං තොස්වහ
- වෘෂභ – ඕං ගිරන්තය මහජයං තොස්වහ
- මිථුන – ඕං ලක්ෂ්මි රාම ජයං තොස්වහ
- කටක – ඕං සන්මස්වාහං ජයං තොස්වහ
- සිංහ – ඕං ශ්‍රී වන වන සිංහ ජයං තොස්වහ
- කන්‍යා – ඕං ස්ව නමස්වාහං ජයං තොස්වහ
- තුලා – ඕං අං අං අං ඪමරාය ජයං තොස්වහ
- වෘශ්චික – ඕං හ්‍රලන්භන්දාය ජයං තොස්වහ
- ධනු – ඕං හ්රිං ක්‍රිෂ්ණ ජයං තොස්වහ
- මකර – ඕං හං හං අය ජයං තොස්වහ
- කුම්භ – ඕං රං රං රං හ්රිටං ධම්රං යං ජයං තොස්වහ
- මීන – ඕං ජං හ්රිං වං අසිව ජයං තොස්වහ
තෙවැනුව තමන් යායුතු දිශාවට හිමි මන්ත්රය තුන් වරක් කියා එම දෙසට ගමන් කරන්න.
දිශා අටට හිමි මන්ත්‍ර
- නැගෙනහිර – ඕං හිං ඉන්ද්‍රජයං තොස්වහ
- ගිනිකොන – ඕං භාම අග්නිජයං තොස්වහ
- දකුණ – ඕං කිලං සෞභසි දක්ෂිණායේ සිධිජයං තොස්වහ බ
- නිරිත – ඕං ග්‍රීං ග්‍රීං එෛ නයිරුතෙ සිධිජයං තොස්වහ
- බටහිර – ඕං වං ග්‍රීං බසු වාරුණෙ සිධිජයං තොස්වහ බ
- වයඹ – ඕං ත්‍රිං අසං සං වාවා වායව්‍යසිධිජයං තොස්වහ
- උතුර – ඕං ටං ටං සං කිලිං උත්තරේ සිධිජයං තොස්වහ බ
- ඊසාන – ඕං ඊශ්වර පාර්වති ඊස නස්‍යයෙහි සිධිජයං තොස්වහ
තමා අදහන ආගම දහමට මූලිකත්වය දී ඉහත දැක්වූ උතුම් මන්ත්‍ර ක්‍රමවේදයන් හිරු උදාවත් සමග එම දිනට හිමි මන්ත්රය සහ තමන්ගේ ලග්නයට හිමි මන්ත්රය තමා සුබ ගමන යන දිශාවට හිමි මන්ත්රය තෙවරක් සිහිපත් කර යහපත් ප්‍රතිඵල උදාකර ගන්න.
ජ්‍යොතිෂ විද්‍යා විශාරද ජේ.එම්. ඒකනායක
උපුටා ගැනීම මව් රට
Advertisements
