මේෂ - MESHA

වැඩිහිටියකුගෙන් උදවු

මිශ්‍රපල සහිත සතියකි. ලග්නාධිපති කුජ සමඟ සඳු ග්‍රහයාද 9 වැන්නේ ගමන් කරමින් පවතී. තමා ගන්නා උත්සාහයන්ගේ ප්‍රතිඵල ලැබේ. වැඩ කටයුතු දියුණු වන අතර ගොවිතැනින් ලාභ ලැබේ. රැකීරක්ෂා කටයුතු සාර්ථකව හා ඉතා උනන්දුවෙන් කිරීමට හැකිවේ. එවැනි ස්ථානවලදී තමාට වෙනදාට වඩා ගරු සැලකිලි ලැබෙනු ඇත. පියාට හෝ තම රැකියා ස්ථානයේ ප්‍රධානීන්ට අපලදායකය. තමාට එල්ල වී තිබූ දෝෂාරෝපණයකින් හෝ නමට තිබූ කැළලකින් නිදහස ලැබේ. අධ්‍යාපන කටයුතු සාර්ථක වේ. අධ්‍යාපන කටයුතු නිසාම රැකීරක්ෂාවලින් උසස් තනතුරු ලැබීමට හැකිය. වැඩිහිටියකුගෙන් උදවු ලැබෙන සතියකි. දුර්වල දසාවක් හෝ ජන්ම ඒරාෂ්ටක අපල පවතින අය නම් ප්‍රවේශම් විය යුතුය. අසනීප, තුවාල, සිත්තැවුල් සිදුවේ. තමා ගැන නරක ආරංචි ඇති වීමටද හැකිය.

v  සුබ දිනය - අඟහරුවාදා

v  සුඛ වර්ණය - රතු

v  ජය අංකය - 02

වෘෂභ - WRUSHABHA

හදිසි වෙනසක්

ගෙදරදොර කටයුතු පිළිබඳ ප්‍රීතියට කරුණු සැලසෙන සතියකි. අලංකාර බඩු බාහිරාදිය මිලදී ගැනීමට හෝ අන් අයගෙන් ලැබීමට හැකි සතියකි. හිතවතුන්ගෙන් හිතවතියන්ගෙන් උදවු උපකාර ලැබේ. ශරීර සනීපය යහපත්ව පවතින අතර අසනීපවලින් මිදීමටද හැකිවේ. ඔබගේ ජීවිතයේ හදිසි වෙනස් වීමක් සිදුවනු ඇත. පවුලේ අය අතර අසමඟියට හෝ ඔවුනොවුන් අතර වෙනස්කම් මතු වීමට ද ඉඩ තිබේ. අධ්‍යාපන කටයුතු සාර්ථක වේ. ජන්ම ඒරාෂ්ටක හෝ අශුභ දසාවක් පවතින අයට මිතුරන් සමඟ හෝ දරුවන් සමඟ නිතර ආරවුල් පැනනඟී. ගොවිතැන් වලින් පාඩු සිදුවේ. නිෂ්ඵල ගමන් යෑම නිසා අනවශ්‍ය කරදර විඳීමට සිදුව. සමේ දෝෂ, කැසීම් වැනි ආබාධ සෑදිය හැකිය.

v  සුබ දිනය - සිකුරාදා

v  සුබ වර්ණය - සුදු

v  ජය අංකය - 06

මිථුන - MITHUNA

දුර බැහැර ගමන්

උසස් අධ්‍යාපන කටයුතු සාර්ථක වේ. ප්‍රීතිමත් දුර බැහැර ගමන්, වන්දනා ගමන් යෑමට සිදුවන සතියක් වන අතර ඔබට පූජකවරුන්ගෙන්ද, උසස් හිතවතුන් හිතවතියන්ගෙන්ද උපකාර ලැබෙනු ඇත. අලුතින් ආරම්භ කරන වැඩකටයුතු සාර්ථක වේ. කරගෙන යන ව්‍යාපාර ආදියද සාර්ථක වනු ඇත. ශරීර සනීපය යහපත් වේ. නීතිමය ගැටලු පවතී නම් එම කරදරවලින් තරමක් දුරට සහනයක් ලැබෙන සතියකි. දරුවන්ට යහපත් කාලයකි. ඔවුන්ගේ අධ්‍යාපන කටයුතු සාර්ථක වේ. වෙනදාට වඩා සිතට සැනසිලිදායක සතියකි. ජන්ම ඒරාෂ්ටක අපල හෝ අශුභ දශාවක් ගත කරන අයට නම් නිතර නිතර කරදර පැමිණේ. මුදල් ගැටලු, ඇස් වල ආබාධ මෙන්ම සතුරන් නිසා කරදරද පැමිණිය හැකිය. අනවශ්‍ය වියදම් හා රැවටීම්වලට හසුවන කාලයක් බැවින් ප්‍රවේශම් විය යුතුය. ස්ථාන මාරු වීමක් නිසා කෙටි කාලයක් කනගාටුවෙන් සිටීමට සිදුවේ.

v  සුබ දිනය - බදාදා

v  සුබ වර්ණය - කහ

v  ජය අංකය - 05

කටක - KATAKA

බලාපොරොත්තු ඉටු කරගනී

මිශ්‍රපල සහිත සතියකි. කරදර බාධා පැවතුණද එම කරදරවලින් මිදීමට හැකිවේ. විවාහක අයට නම් තම ස්වාමිපුරුෂයාට හෝ භාර්යාවට තරමක් කරදර කාලයක් බැවින් ඔවුන් කටක ගැන කල්පනාවෙන් සිටිය යුතුය. දරුවන්ගේ කටයුතු සඳහා නිතරම වෙහෙසීමට සිදුවේ. දරුවන්ගේ අධ්‍යාපන කටයුතුවලට බාධක මතු වේ. මුදල් ලාභ, ධන ලාභ ලැබෙන සතියකි. හිතමිත්‍රයන් හා මිතුරියන් සමඟ විනෝද ගමන්ද යෑමට ඉඩ ලැබෙන සතියකි. තමාගේ හිතේ තියෙන බලාපොරොත්තු කිහිපයක්ම තම උත්සාහය නිසාම ඉටුකරගත හැකිවේ. ජන්ම ඒරාෂ්ටකයක් හෝ අශුභ දශාවක් ගත කරන අය නම් ඉතාමත් ප්‍රවේශම් විය යුතුය. විශේෂයෙන්ම පපුව සම්බන්ධ හදිසි අසනීප මතු විය හැකිය. ගර්භණීව සිටින නම් ප්‍රවේශම් විය යුතු කාලයකි. ඊර්ෂ්‍යාකාරයන් මතුවේ. මිල මුදල් හානි ඇති වේ. සිතට නිදහසක් නැති කාලයකි.

v  සුබ දිනය - බ්‍රහස්පතින්දා

v  සුබ වර්ණය - සුදු

v  ජය අංකය - 09

සිංහ - SINGHA

සතුරන්ගෙන් ජය

සුබපල සහිත සතියකි. සතුරන්ගෙන් ජය ලැබේ. සතුරන් පරාජය කළ හැකි කාලයකි. රෝග පවතී නම් ඒවායින් සුවය ඇති වන සතියකි. දේපළ හා ව්‍යාපාර කටයුතු දියුණුවේ. නිතර රසවත් ආහාරපාන ලැබේ. නිතරම මුදල් ගනුදෙනු සම්බන්ධ කරදර මතු වීමට හැකිය. නමුත් ණය තුරුස්වලින් නිදහස් වීමට හෝ ණය ගනුදෙනුවකින් ලාභයක් ලැබේ. සිතේ ආකාරයට හෝ තමා කැමැති ආකාරයට ආදර බැඳීම් ඇතිවේ. අධ්‍යාපන කටයුතු සාර්ථකව කර ගැනීමට හැකිය. දරුවන්ටද, මවුපියන්ටද සුබපල සහිත සතියකි. ජන්ම ඒරාෂ්ටක අපල කාලයක් හෝ අශුභ දශාවක්ද ගතකරන අයට නම් නිතරම අගහිඟකම්, ණය කරදර, ප්‍රේම සම්බන්ධතා පිළිබඳ ගැටලු මතු වේ. සමේ රෝගී තත්ත්වයක් නිසා කලකිරීමෙන් සිටීමට සිදුවිය හැකිය.

v  සුබ දිනය - බදාදා

v  සුබ වර්ණය - රතු

v  ජය අංකය - 04

කන්‍යා - KANYA

කල්පනාවෙන් කටයුතු කළ යුතුය

නරක මිත්‍රයන්ගේ ආශ්‍රය ලැබීමට හැකි සතියකි. නරක නාමද ලැබෙන්නට හැකිය. සිත කිලිටි වේ. පවුලේ අය සමඟ හෝ හිතමිත්‍රයන් සමඟ කතාබස් කිරීමේදී ප්‍රවේශම් විය යුතුය. නැතිනම් නොතේරුම්කම නිසා ගැටලු කිහිපයක්ම මතු වීමට හැකිය. අධ්‍යාපන කටයුතුවලටද, ප්‍රේම සම්බන්ධතාවලටද විටින් විට බාධක මතුවේ. කල්පනාවෙන් කටයුතු කරගතහොත් සතියේ මැද භාගයෙන් පසු ඔබට සුබ වේ. බලාපොරොත්තු කිහිපයක්ම හිතේ හැටියට ඉටුකර ගැනීමට හැකිවේ. දේපළ මාර්ගයෙන් ආදායම් ලැබේ. නම හොඳ වේ. රැකීරක්ෂා කටයුතුවල කරදර අඩු වී යන බැවින් වෙනදාට වඩා සැහැල්ලුවක් සිතට දැනේ. ජන්ම ඒරාෂ්ටක හෝ අශුභ දශාවක් ගත කරන අයට නම් සුබපල අඩු වී යනු ඇත.

v  සුබ දිනය - සිකුරාදා

v  සුඛ වර්ණය - ළා කොළ

v  ජය අංකය - 07

තුලා - THULA

මංගල යෝග

මිශ්‍රපල සහිත සතියකි. තම නිවෙසට අවශ්‍යම බඩු බාහිරාදිය මිලදී ගැනීමට හෝ එවැනි දෙයක් තමාට වෙන කෙනෙකුගෙන් ලැබීමටද හැකිය. විවාහක අයට වාසනාවන්ත දූ-පුතුන් ලැබීමට හැකි කාලයකි. මංගල යෝග සහිත කාලයක් බැවින් ඔබ විවාහ වීමට බලාපොරොත්තුවෙන් සිටින කෙනෙකු නම් එම බලාපොරොත්තු ඉටු වේ. නැතිනම් එවැනි දේකට සිත යොමු වේ. දරුවන් සිටී නම් ඔවුන්ගේ අධ්‍යාපන කටයුතු ඉතා සාර්ථක වේ. තමාගේද පෙර පින් මතු වන කාලයකි. සුබපල ලැබීමට නම් ජන්ම ඒරාෂ්ටකයක් හෝ අශුභ දශා කාලයක් මෙම කාලයේ නොතිබිය යුතුය. නැතිනම් සුබ අඩුවී විවිධ මානසික කරදර, රැවටීම්, පවුලේ කරදර, දරුවන් සම්බන්ධ නරක නාම ඇති වීමට හැකි සතියකි. වැඩිහිටියන්ටද අසනීප අනතුරු ඇතිවීමට හැකි බැවින් කල්පනාවෙන් කටයුතු කළයුතු වේ.

සුබ දිනය - සිකුරාදා

සුබ වර්ණය - සුදු

ජය අංකය - 06

වෘශ්චික - WRUSCHIKA

අසනීපවලින් සුවය

ලග්නාධිපති කුජ 2 වැන්නේ සඳු සමඟ ගමන් කරමින් ආරම්භ වන මෙම සතිය ඔබට සුබපල ළඟා කරදෙනු ඇත. සාමාන්‍යයෙන් වාසනාවන්ත ප්‍රීතිදායක සතියකි. දියුණුවත්, ලාභ ප්‍රයෝජනත් ලැබේ. ආලය බැඳීම් සපල වේ. ප්‍රීතිමත් සම්බන්ධතා පවත්වන්නට ඉඩ ලැබේ. අධ්‍යාපන කටයුතු සාර්ථකව කරගත හැකි අතර පසුගිය කාලයේ පැවැති සිත්වේදනා පහව යනු ඇත. අසනීපවලින් සුවය ලැබේ. සතිය පුරාම යහපත් සෞඛ්‍ය තත්ත්වයක් පවත්වා ගැනීමට හැකිවේ. මවුපියන්ට දූ-දරුවන්ට යහපත් සතියකි. ඔබට මෙම කාලයේ ජන්ම ඒරාෂ්ටකයක් හෝ දුර්වල වූ අශුභ ග්‍රහයකුගේ දශාවක් පවතී නම් සුබ පල අඩු වී නිතර නිතර අනවශ්‍ය කරදර මතු වීමට හැකිය. විශේෂයෙන්ම විවාහ ජීවිතයේ හෝ ප්‍රේම සම්බන්ධතා පිළිබඳ කරදර මතු කරයි. ව්‍යාපාරවලින්ද පාඩු සිදුවේ.

v  සුබ දිනය - බ්‍රහස්පතින්දා

v  සුඛ වර්ණය - රතු

v  ජය අංකය - 05

ධනු - DHANU

ශරීර සැප ලැඛෙයි

සුබපල සහිත සතියකි. සිතට මෙන්ම කයටද සැපවත් වේ. ශරීර සැපයට අවශ්‍ය දේ පහසුවෙන්ම ලැබීමට හැකිය. හොඳින් අවහිර බාධාවකින් තොරව ආදර සබඳතා පවත්වාගෙන යෑමට හැකි සතියකි. ගෙදරදොර යම්කිසි අඬදබර ගතියක් පැවතුණේ නම් එය පහවගොස් සැනසුම ලැබේ. දූ-දරුවන්ගේ අධ්‍යාපන කටයුතු සාර්ථක වන අතර දරුවකුට හෝ තමාගේම කෙනකුට පැවැති අසනීපයක් සුව අතට හැරෙන සතියකි. ඇස්, හිස සම්බන්ධ සුළු අසනීප ගති මතු වනු ඇත. කලක සිට පැවැති සිත් නරක් වීමක් තව නොබෝ කාලකින්ම හොඳ අතට හැරෙනු ඇත. විදෙස් ගතවීමට බලාපොරොත්තු වන අයටත් විදේශයන්හි පදිංචිව සිටින අයටත් සුබ සතියකි. ඔබට මේ කාලයේ ජන්ම ඒරාෂ්ටකයක් හෝ දුර්වල වූ පාප ග්‍රහයකුගේ දශාවක් පවතී නම් සුඛපල අඩුවනු ඇත. එම නිසා එම අය පින්දහම් කටයුතු වල නිතර යෙදිය යුතුය.

v  සුබ දිනය - බදාදා

v  සුබ වර්ණය - කහ

v  ජය අංකය - 06

මකර - MAKARA

කල්පනාකාරී විය යුතුය

මිශ්‍රපල සහිත සතියකි. අන්‍යයන් සමඟ ගනුදෙනු කිරීමේදී ඉතාමත් කල්පනාකාරී විය යුතුය. යුතුකමක් හෝ පොරොන්දුවක් අතපසු වීම නිසා නෑයකු හෝ හිතවතෙක් අමනාප වන්නට ඉඩ තිබේ. සමහර විට පාප මිත්‍රයකුගේ හෝ මෝඩයකුගේ හෝ කපටියකුගේ උපදෙස් අනුව කරන වැඩකින් පාඩුවක් සිදු වී සිත්තැවුලෙන් සිටීමට සිදුවේ. කල්පනාවෙන් කටයුතු කළ යුතුය. සතියේ අවසාන කාලය සුඛ වන අතර කරන කියන රැකීරක්ෂා ව්‍යාපාර දියුණුවට පත්කර ගත හැකිවේ. විවාහ ජීවිතය සාර්ථක වේ. විවාහයට අවශ්‍ය කටයුතු සිදුවේ. දරුවන්ට මවුපියන්ට සුබ සතියකි. ශරීර සනීපය යහපත් වන අතර අසනීපවලින් සුවය ලැබේ. සම සම්බන්ධව පවතින අසනීපයක් සුව වේ. උපතේදී සඳු ග්‍රහයා 7, 1 හෝ 2 වැන්නේ තැම්පත් වී ඇති නම් සුබපල හීන වේ. එම අය අවශ්‍ය පින් දහම් කටයුතු කර ගත යුතුය.

v  සුබ දිනය - සිකුරාදා

v  සුබ වර්ණය - නිල්

v  ජය අංකය - 09

කුම්භ - KUMBHA

වෙළහෙළඳ කටයුතු සාර්ථක වෙයි

සතියේ මුල් දින කිහිපය ප්‍රවේශම් විය යුතුය. මිල මුදල් අතින් නිතරම අගහිඟකම්ද අධික වියදම්ද ඇති කරන කාලයකි. තම ශරීර සනීපයද තරමක් දුර්වල වේ. බලාපොරොත්තුවක් කඩ වේ. තිබුණු හොඳ නාමයට කැළැලක් ඇති විය හැකි බැවින් මනා සිහි බුද්ධියෙන් වැඩ කළ යුතුය. පදිංචිය පිළිබඳ කරදර ඇති වීමට ඉඩ තිබේ. සතියේ අවසාන කාලය මුල් කාලයට වඩා යහපත් වන අතර තමාගේ අදහස් ඉෂ්ට කර ගැනීමට හැකිවෙයි. වෙළහෙළඳ, ව්‍යාපාර, රැකීරක්ෂා කටයුතු සාර්ථක වේ. අධ්‍යාපන කටයුතු හොඳින් කර ගැනීමට හැකි අතර විදෙස් ගත වීමට බලාපොරොත්තු වන අයටද සුඛ සතියකි. සෞඛ්‍ය තත්ත්වයද යහපත් වේ. ගොවිතැන් කටයුතු කරන අයට පසුගිය සතියට වඩා ලාභ ලැබේ. ඔබට ජන්ම ඒරාෂ්ටක අපල කාලයක් හා දුර්වල වූ අසුබ ග්‍රහයකුගේ දශාවක්ද පවතී නම් නිතරම කරදර සිත් පීඩා ඇති වනු ඇත.

v  සුබ දිනය - බ්‍රහස්පතින්දා

v  සුබ වර්ණය - රතු

v  ජය අංකය - 09

මීන - MEENA

බලාපොරොත්තු ඉෂ්ටවේ. එයින් දියුණුව ඇතිවේ. ශරීර සනීපය යහපත් වන අතර අසනීපවලින්ද සුවය ලැබේ. වාසනාවන්ත සතියකි. විශේෂයෙන් මවගේ ආශ්‍රයද, මවගෙන් උපකාරද ලැබෙන සතියකි. රැකියාවේ දියුණුව ඇති වේ. වෙළහෙළද ව්‍යාපාරිකයන්ට සාර්ථක ප්‍රතිඵල ලැබේ. නමුත් අලුත්ම ව්‍යාපාර ආරම්භ කරන්නේ නම් මෙම කාලයේ ඉතා කල්පනාවෙන් සිදුකළ යුතුය. නැති නම් අතේ තියෙන මුදල් නිකරුණේ වියදම් වනු ඇත. පවුලේ සමඟිය ඇති වේ. පතල් කැණීම් කරන අයට සුබපල ලැබේ. මුදල් අතින් යහපත් කාලයකි. තමාගේ මෙන්ම දූ-දරුවන්ගේ අධ්‍යාපන කටයුතු සාර්ථක වේ. නිතරම තමාගේ ආශ්‍රයට හිතවත් පිරිසක් ඇති වේ. මෙම කාලයේ ජන්ම ඒරාෂ්ටක අපලයක් හෝ දුර්වල වූ අශුභ ග්‍රහයකුගේ දශාවක් පවතී නම් සුබපල අඩුවී නිතරම කරදර, චිත්ත පීඩාද ඇති කරයි. දරුවන් වෙනුවෙන් අධික ලෙස වියදම් කිරීමට සිදුවේ. සුළු අසනීපද,, ඇති කරයි.

v  සුබ දිනය - බ්‍රහස්පතින්දා

v  සුබ වර්ණය - රතු

v  ජය අංකය - 09