මේ වසරේ තීරණාත්මක ග්‍රහ මාරු කිහිපයක්

නව වසර තුළ සමස්ත ග්‍රහ ගෝචරවලට අනුව ලග්න හිමියන් රැසකට තීරණාත්මක ප්‍රතිඵල ලැබෙන බව පෙනේ. විශේෂයෙන් මේෂ ලග්න හිමියන්ට 2021 වසරෙහි දෙසැම්බර් 5 වැනිදා සිට බලපෑ වෙනස්කම් 2022 වසරෙහි ජනවාරි 16 වැනිදා දක්වාම ක්‍රියාත්මක වන බව පෙනේ. ඒ අනුව මේෂ ලග්න හිමියන්ට 2022 වසරෙහි ජනවාරි 16 වැනිදා දක්වා ඉදිරියට පවතින සතියක පමණ කාලසීමාව තුළද අලුත් ආරංචිවලට හෝ අලුත් සිදුවීම්වලට අන් ලග්න හිමියන්ට වඩා ඉඩකඩ පවතින බව පෙනේ.

මෙම නව වසර තුළ වඩාත්ම තීරණාත්මක ප්‍රතිඵල ලැබෙන ලග්න කිහිපයක් ලෙස මිථුන, කටක, මකර, කුම්භ යන ලග්න හැඳින්විය හැකිය. විශේෂයෙන් ශනි ග්‍රහයාගේ ප්‍රබල චලිතයට අනුව මිථුන ලග්න හිමියන්ට සහ මකර ලග්න හිමියන්ට 2022 වසරෙහි අප්‍රේල් 29 වැනිදා දක්වා ඉදිරියට පවතින මාස කිහිපය තුළද 2022 වසරෙහි ජූලි 12 වැනිදා සිට 2022 වසර අවසානය දක්වාද තවදුරටත් අභියෝග පෙන්නුම් කළද ඔවුන්ට අභියෝග මධ්‍යයේ ලබන දැවැන්ත ජයග්‍රහණවලට සහ ජීවිතයේ පළමුවන වතාවට සිදුවන සිදුවීම්වලටද ඉඩකඩ පවතින බව පෙනේ. සැබැවින්ම 2022 නව වසර තුළ වඩාත්ම බලාපොරොත්තු රහිත ප්‍රතිඵල පෙන්නුම් කරන්නේ කටක ලග්න හිමියන්ට සහ කුම්භ ලග්න හිමියන්ටය. 

ඒ අනුව කටක ලග්න හිමියන්ට සහ කුම්භ ලග්න හිමියන්ට 2022 වසරෙහි මැයි 1 වැනිදාත්, 2022 වසරෙහි ජූලි 12 වැනිදාත් අතර කාලසීමාව තුළ හදිසි වෙනස්කම් පෙන්නුම් කරන අතර ඔවුන්ට අභියෝග මධ්‍යයේ ලබන විශාල ජයග්‍රහණ පෙන්නුම් කෙරේ. තවද එම ලග්න හිමියන්ට ඉහත කී කාලසීමාව තුළ රැකියාවේ වෙනස්කම්වලට හෝ රැකියාවේ උසස්වීම්වලටද ඉහළ ඉඩක් පවතින බව පෙනේ.

 මීට අමතර ලෙස මිථුන ලග්න හිමියන්ට 2022 වසරෙහි පෙබරවාරි 26 වැනිදාත්, 2022 වසරෙහි අප්‍රේල් 7 වැනිදාත් අතර කාලසීමාව තුළද කටක ලග්න හිමියන්ට 2022 වසරෙහි අප්‍රේල් 7 වැනිදාත් 2022 වසරෙහි මැයි 17 වැනිදාත් අතර කාල සීමාව තුළද ජීවන ක්‍රමය වෙනස් වන ආකාරයට අලුත් ආරංචියක් ලැබීමක් හෝ ජීවන ක්‍රමය වෙනස් වන ආකාරයට අලුත් සිද්ධියක් සිදුවීමක් පෙන්නුම් කෙරේ.

සමස්ත ග්‍රහ ගෝචරවලට අනුව වෘෂභ ලග්න හිමියන්ට 2022 වසරෙහි ජනවාරි 16 වැනිදාත් 2022 වසරෙහි පෙබරවාරි 26 වැනිදාත් අතර කාලසීමාව තුළද සිංහ ලග්න හිමියන්ට 2022 වසරෙහි මැයි 17 වැනිදාත් 2022 වසරෙහි ජුනි 27 වැනිදාත් අතර කාලසීමාව තුළද කන්‍යා ලග්න හිමියන්ට 2022 වසරෙහි ජුනි 27 වැනිදාත්, අගෝස්තු 10 වැනිදාත් අතර කාලසීමාව තුළ ජීවන ක්‍රමය වෙනස් වන ආකාරයට අලුත් ආරංචි ලැබීමක් හෝ ජීවන ක්‍රමය වෙනස් වන ආකාරයට අලුත් සිද්ධියක් සිදුවීමක් පෙන්නුම් කෙරේ. සමහර විට ඉහත කාලසීමාව තුළ ඉහත ලග්න හිමියන්ට අභියෝගයකට හෝ බාධකයකට මුහුණදීමට සිදුවිය හැකි වුවද එම අභියෝගයෙන් හෝ බාධකයෙන් ජය ලබාගෙන හෝ වෙනත් ක්‍රමයකින් හෝ පියවරක් ඉදිරියට යෑමට භාග්‍යය උදාවනු ඇත. 

මීට අමතර ලෙස සමස්ත ග්‍රහ ගෝචරවලට අනුව තුලා ලග්න හිමියන්ට 2022 වසරෙහි නොවැම්බර් 13 වැනිදායින් පසුව එළැඹෙන මාස 4 තුළද, ඊට අමතර ලෙස 2022 වසරෙහි අගෝස්තු 10 වැනිදාත් 2022 වසරෙහි ඔක්තෝබර් 16 වැනිදාත් අතර කාලසීමාව තුළද ජීවන  ක්‍රමය වෙනස් වන ආකාරයට අලුත් ආරංචියක් ලැබීමක් හෝ ජීවන ක්‍රමය වෙනස් වන ආකාරයට අලුත් සිද්ධියක් සිදුවීමක් පෙන්නුම් කෙරේ.

 එමෙන්ම ග්‍රහ ගෝචරවලට අනුව 2022 වසරෙහි ඔක්තෝබර් 16 වැනිදාත් 2022 වසරෙහි නොවැම්බර් 13 වැනිදාත් අතර කාලසීමාව තුළ වෘශ්චික ලග්න හිමියන්ට සමහර විට අභියෝගයකට මුහුණදීමට සිදුවිය හැකි වුවද එම අභියෝගයෙන් ජය ලබා හෝ වෙනත් ක්‍රමයකින් හෝ ඉහත කාලවකවානුව හිමි වීමට පෙර පියවරක් ඉදිරියට යෑමට ඔවුන්ට හැකි වනු ඇත. 

තවද ශනි ග්‍රහයාගේ ග්‍රහ ගෝචරයට අනුව ධනු ලග්න හිමියන්ට 2022 වසරෙහි මැයි 1 වැනිදාත් ජූලි 12 වැනිදාත් අතර කාලසීමාව තුළ දැනට වඩා සහනයක් බලාපොරොත්තු විය හැකි අතර මීන ලග්න හිමියන්ට එම කාල සීමාව තුළ කාර්යබහුලතා සහ බාධක මධ්‍යයේ වුවද යම් යම් ජයග්‍රහණ ලැබීම් පෙන්නුම් කෙරේ.

ප්‍රවීණ ජ්‍යෙතීර්වේදී

පාරින්ද්‍ර සුගතදාස (09/01/2022 මව්බිම පුවත්පතේ තරුපති විශේෂාංගය)