අංක විද්‍යාත්මක සිද්ධාන්තවලට අනුව 2022 වසර තුළ දින අංක සහ දෛව අංක සමාන වන මාස නොහොත් මැජික් මාස 2ක් පවතින බව පෙනේ. ඉන් එක් මාසයක් 2022 වසරෙහි මාර්තු මාසය වන අතර අනෙක් මාසය 2022 වසරෙහි දෙසැම්බර් මාසය වේ. ඒ අනුව සෑම පුද්ගලයකුටම පාහේ තම දෛව අංකය අනුව 2022 වසරෙහි මාර්තු මාසය තුළ සහ දෙසැම්බර් මාසය තුළ සුවිශේෂී සිදුවීම් සහ සුවිශේෂී ආරංචි බලාපොරොත්තු විය හැකිය. යම් පුද්ගලයකුගේ දෛව අංකය සොයා ගනු ලබන්නේ එම පුද්ගලයාගේ උපන් දින සටහනෙහි සියලු ඉලක්කම් තනි ඉලක්කමක් ලැබෙන තුරු නැවත නැවත එකතු කිරීමෙනි.

ඒ අනුව දෛව අංක 1 හිමියන්ට 2022 වසරෙහි මාර්තු සහ දෙසැම්බර් මාසවල 1, 10, 19, 28 සහ ඒ අවට දිනවලද දෛව අංක 2 හිමියන්ට එම මාසවල, 2, 11, 20, 29 සහ ඒ අවට දිනවලද, දෛව අංක 3 හිමියන්ට 2022 වසරෙහි මාර්තු සහ දෙසැම්බර් මාසවල 3, 12, 21, 30 සහ ඒ ආශි්‍රත දිනවලද, දෛව අංක 4 හිමියන්ට එම මාසවල 4, 13, 22, 31 සහ එම දින අවට දිනවලද, දෛව අංක 5 හිමියන්ට ඉහත කී මාසවල 5, 14, 23 යන දිනවල සහ ඒ ආශි්‍රත දිනවලද දෛව අංක 6 හිමියන්ට 2022 වසරෙහි මාර්තු සහ දෙසැම්බර් මාසවල 6, 15, 24 සහ ඒ ආශි්‍රත දිනවලද දෛව අංක 7 හිමියන්ට 2022 වසරෙහි ඉහත කී මාස 2හි 7, 16, 25 සහ ඒ ආශි්‍රත දිනවලද දෛව අංක 8 හිමියන්ට ඉහත කී මාස දෙකෙහි 8, 17, 26 සහ ඒ අවට දිනවලද දෛව අංක 9 හිමියන්ට 2022 වසරෙහි මාර්තු සහ දෙසැම්බර් මාසවල 9, 18, 27 සහ ඒ ආශි්‍රත දිනවලද සුවිශේෂී සිදුවීමක් පෙන්නුම් කෙරේ. එම දිනවලින් සමහර දින සුබදායක ලෙසද සමහර දින අසුබදායක ලෙසද ගතවිය හැකි නිසා අවධානයෙන් සිටිමින් සුබ දින මොනවාද යන්න පිළිබඳ සහ අසුබ දින මොනවාද යන්න පිළිබඳව අවදියෙන් සිටිය යුතුය. 

විශේෂයෙන් 2022 වසරෙහි පෙබරවාරි මාසය සහ 2022 වසරෙහි අප්‍රේල් මාසය, 2022 වසරෙහි මාර්තු මාසයට ආසන්න මාස නිසා එම මාසවලද ඉහතකී දිනවල සහ ඒ ආශි්‍රත දිනවල සෑම පුද්ගලයකුටම පාහේ තම දෛව අංකය අනුව තරමක් දුරකට හෝ විශේෂීව සිදුවීම් පෙන්නුම් කෙරේ. එමෙන්ම 2022 වසරෙහි දෙසැම්බර් මාසයට ආසන්න මාස වන, 2022 වසරෙහි නොවැම්බර් මාසය තුළ සහ 2023 වසරෙහි ජනවාරි මාසය තුළද ඉහත කී දිනවල සහ ඒ ආශි්‍රත දිනවල සෑම පුද්ගලයකුටම පාහේ තම දෛව අංකය අනුව තරමක් දුරකට හෝ විශේෂිත සිදුවීම් පෙන්නුම් කෙරේ. 

2022 වසර තුළ මහ සයුරෙහි ප්‍රබල භූ කම්පා ඇති වීමට වඩාත්ම ඉඩ ඇති මාසද 2022 වසරෙහි මාර්තු මාසය සහ 2022 වසරෙහි දෙසැම්බර් මාසයවේ. කෙසේ වෙතත් 2022 වසරෙහි පෙබරවාරි සහ අප්‍රේල් මාසද, 2022 වසරෙහි නොවැම්බර් මාසයද, 2023 වසරෙහි ජනවාරි මාසයද, 2022 වසරෙහි මාර්තු මාසයට සහ 2022 වසරෙහි දෙසැම්බර් මාසයට ආසන්න මාස නිසා එම මාසවලද යම්තාක් දුරකට හෝ මහසයුර තුළ භූ කම්පා ඇති වීමට අවදානමක් හට ගනියි. 

2022 වසරෙහි දින අංක සහ දෛව අංක සමාන වන මාස, 2022 වසරෙහි මාර්තු මාසය සහ 2022 වසරෙහි දෙසැම්බර් මාසය වීමට අනුව 2022 වසරෙහි මාර්තු 8, මාර්තු 17, මාර්තු 26,  දෙසැම්බර් 8, දෙසැම්බර් 17, දෙසැම්බර් 26 සහ ඒ ආශි්‍රත දිනවල ශ්‍රී  ලංකාවේ අනාගතය සම්බන්ධව සුවිශේෂී සිදුවීමක් සිදු වන්නට හෝ සුවිශේෂී ආරංචියක් ලැබෙන්නට ඉඩකට පවතින බව පෙනේ. 

සමස්ත ග්‍රහ ගෝචරයන්ට අනුව 2022 වසරෙහි අප්‍රේල් 29 ආශි්‍රත දිනවලද, 2022 වසරෙහි ජූලි 11 ආශි්‍රත දිනවලද, මිථුන, කටක, මකර, කුම්භ යන ලග්න හිමියන්ට මුළු ජීවිතයටම බලපාන ආකාරයේ සිදුවීම් පෙන්නුම් කෙරේ. ඒ පිළිබඳව සහ අනෙක් ලග්න හිමියන්ට 2022 වසර බලපාන ආකාරය පිළිබඳව දීර්ඝ ලෙස කතාබහ කිරීමට මීළඟ ලිපියෙන් බලාපොරොත්තු වෙමු. 

ප්‍රවීන ජ්‍යෙතීර්වේදී - පාරින්ද්‍ර සුගතදාස (02/01/2022 මව්බිම පුවත්පතේ තරුපති විශේෂාංගය)