සකල කලා වල්ලභ සිකුරු ග්‍රහයා 2021 වසරෙහි අගෝස්තු 11 වැනිදා පෙ.ව. 11.32ට කන්‍යා රාශිය තුළ නීච චලිතයක් ආරම්භ කරන අතර 2021 වසරෙහි සැප්තැම්බර් 5 වැනිදා රාත්‍රි 12.51 වන තෙක්ම සිකුරු තම නීච චලිතය පවත්වා ගෙන යයි.

 මෙම ග්‍රහ චලිතයට අනුව 2021 වසරෙහි අගෝස්තු 11 වැනිදාත් 2021 වසරෙහි සැප්තැම්බර් 5 වැනිදාත් අතර කාල සීමාව තුළ ප්‍රසිද්ධ කලාකරුවන්ට, ප්‍රසිද්ධ කාන්තාවන්ට, ප්‍රසිද්ධ සමාජ සේවා නායකයන්ට, මූල්‍ය ආයතනවලට, රෙදිපිළි වෙළෙඳසල්වලට, ඇඟලුම් කර්මාන්තශාලාවලට, විසිතුරු භාණ්ඩ වෙළෙඳසල්වලට අසුබදායක ප්‍රතිඵල ඇතිවීමේ අවදානමක් හට ගනියි. 

බුධ ග්‍රහයා 2021 වසරෙහි අගෝස්තු 9 වැනිදා පෙ.ව. 1.34ට සිංහ රාශියට පිවිසෙන අතර 2021 වසරෙහි අගෝස්තු 26 වැනිදා පෙ.ව. 11.20 වන තෙක්ම තම සිංහ රාශි චලිතය පවත්වා ගෙන යයි. 

මෙම ග්‍රහ චලිතයට අනුව 1948 වසරෙහි ජූලි 26 වැනිදාත් 1950 සැප්තැම්බර් 20 වැනිදාත් අතර කාලය තුළ කුමන හෝ දිනයක ඉපදුණ අයටද 1977 සැප්තැම්බර් 7 වැනිදාත්, 1979 නොවැම්බර් 4 වැනිදාත් අතර කාලය තුළ ඉපදුණු අයටද, 1980 මාර්තු 15 වැනිදාත් 1980 ජූලි 27 වැනිදාත් අතර කාලසීමාව තුළ කුමන හෝ දිනයක ඉපදුණු අයටද 2021 වසරෙහි අගෝස්තු 9 වැනිදාත්,

2021 වසරෙහි අගෝස්තු 26 වැනිදාත් අතර කාල සීමාව තුළ ව්‍යාපාර කටයුතුවලින් විශේෂිත ලාභ ලැබීමටද, ඉඩකඩම් සහ වෙනත් දේපළවලට අදාළ ගනුදෙනු සාර්ථක කර ගැනීමද, මිතුරන්ගෙන් විශේෂිත සහයෝගයක් ලැබීමද පෙන්නුම් කෙරේ. එම නිසා ඉහත කී උපන් දින අතර කුමන හෝ දිනයක ඉපදී ඇති අය ඉහත කී කාල සීමාව තුළ ඒ පිළිබඳව උනන්දුවීම සුදුසුය.

මීට කලින් ලිපියෙන් සඳහන් කළ පරිදිම 2021 වසරෙහි අගෝස්තු 1 වැනිදා රාත්‍රි 7.39ට රවි සහ බුධ යන ග්‍රහයන් නියම ලෙසම සංයෝග වන අතර එය ප්‍රබල ඥාන යෝගයක් වේ. ඒ අනුව 2021 වසරෙහි අගෝස්තු 1 වැනිදා ආශි්‍රත දිනවල උත්පත්තිය ලබන දරුවන් අනාගතයේදී උගතුන්, බුද්ධිමතුන් ලෙස ප්‍රසිද්ධියට පත් වනු ඇත. 

එමෙන්ම මීට කලින් ලිපියෙන්ද සඳහන් කළ පරිදිම 2021 වසරෙහි අගෝස්තු 2 වැනිදා පෙ.ව. 3.21ට බුධ හා ශනි යන ග්‍රහයන් නියම ලෙසම සප්තම වීමට අනුව 2021 වසරෙහි අගෝස්තු 2 වැනිදා ආශි්‍රතව උපත ලබන දරුවන්, අනාගතයේදී අධ්‍යාපන, සන්නිවේදන, මාධ්‍ය යන අංශවලින් සාර්ථක වීම සහ ව්‍යාපාර කටයුතුවලින් සාර්ථක වීම පෙන්නුම් කෙරේ. මීට අමතර ලෙස 2021 වසරෙහි අගෝස්තු 2 වැනිදා පෙ.ව. 11.46ට රවි සහ ශනි නියම ලෙසම සප්තම වීමට අනුව 2021 වසරෙහි අගෝස්තු 2 වැනිදා ආශි්‍රත දිනවල උපත ලබන දරුවන්ට අනාගතයේදී රාජ්‍ය අංශවලට අදාළ ඉහළ තනතුරු ලැබීමටද භාග්‍යය උදාවනු ඇත.

2021 වසරෙහි අගෝස්තු 26 වැනිදා පෙ.ව. 11.20ට බුධ ග්‍රහයා කන්‍යා රාශිය තුළ උච්ච චලිතයක් ආරම්භ කරන අතර 2021 වසරෙහි සැප්තැම්බර් 22 වැනිදා පෙ.ව. 8.25 වන තෙක්ම බුධ තම උච්ච චලිතය පවත්වා ගෙන යයි. තවද මෙම ග්‍රහ චලිතයට අනුව 2021 වසරෙහි අගෝස්තු 26 වැනිදාත්, 2021 වසරෙහි සැප්තැම්බර් 6 වැනිදාත් අතර කාල සීමාව තුළ බුධ හා සිකුරුගෙන් නීචභංග රාජ යෝගයක් නිර්මාණය වෙයි. මෙය ඉතා තීරණාත්මක ග්‍රහ මාරුවක් වන අතර ඒ පිළිබඳව දීර්ඝ ලෙස සාකච්ඡා කිරීමට මීළඟ ලිපියෙන් බලාපොරොත්තු වෙමු.

අප විසින් 2021 වසරෙහි ජුනි 13 වැනිදා 'මව්බිම' 'තරුපති' අතිරේකයෙහි පළ කළ ලිපිය මඟින්ද තවත් ලිපි කිහිපයක් මඟින්ද 2021 වසරෙහි ජුනි 4 වැනිදාත් 2021 වසරෙහි ජූලි 20 වැනිදාත් අතර කාල සීමාව තුළ ලෝක මට්ටමෙන් ජල විපත් ඇති වන බවට අවධාරණයෙන් අනාවැකි පළ කරන ලදී. අප සඳහන් කළ පරිදිම 2021 වසරෙහි ජූලි 16 ආශි්‍රත දිනවල යුරෝපයට වාර්තාගත ගංවතුරක් ඇතිවූ බවටද ජර්මනියට වසර 100කට පසු බලාපොරොත්තු රහිත ලෙස වැඩිම වර්ෂාපතනයක් ලැබුණු බවටද මාධ්‍ය මඟින් වාර්තා කරන ලදී.