ධජග්ග පිරිත

1. ඒවං මේ සුතං, ඒකං සමයං භගවා, 

සාවත්ථියං විහරථි ජේතවනේ

අනාථපිණ්ඩිකස්ස ආරාමේ තත්‍ර ඛෝ භගවා භික්ඛු ආමන්තේසි භික්ඛවෝති භදන්තේ’ති තේ භික්ඛු භගවතෝ පච්චස්සෝසුං, භගවා ඒත ද වෝච

2. භූතපුබ්බං භික්ඛවේ දේවාසුරසංගාමෝ සමුපබ්බුල් හෝ 

අහෝසි, අථඛෝ භික්ඛවේ සක්කෝ දේවානමින්‍ෙදා් දේවේ

තාවතිංසේ ආමන්තේසි, සචේ මාරිසා දේවානං

සංගාම ගතානං උප්පජ්ජෙය්‍ය භයං වා

ඡම්භිතත්තංවා ලෝමහංසෝවා

මමේව තස්මිං සමයේ ධජග්ගං උල්ලෝකෙය්‍යාථ,

මමං හි වෝ ධජග්ගං උල්ලෝකයතං යං භවිස්සති භයං වා 

ජම්භිතත්තං වා ලෝමහංසෝ පභියිස්සති

ධජග්ගං උල්ලෝකයතං, යං භවිස්සති භයං වා

ඡම්භිතත්තං වා ලෝමහංසෝ වා සෝ පහීයිස්සති.

3. නෝ චේ මේ ධජග්ගං උල්ලෝකේ‍යාථ අථ පජාපතිස්ස

දේවරාජස්ස ධජග්ගං උල්ලෝකේ‍යාථ, පජාපතිස්ස හි වෝ

දේවරාජස්ස ධජග්ගං උල්ලෝකයතං  යං භවිස්සති භයං වා

ඡම්භිතත්තං වා ලෝමහංසෝ වා සෝ පහීයිස්සති.

4. නෝ චේ පජාපතිස්ස දේවරාජස්ස ධජග්ගං

උල්ලෝකෙය්‍යාථ, අථ වරුණස්ස දේවරාජස්ස ධජග්ගං

උල්ලෝකෙය්‍යාථ, වරුණස්සහිවෝ දේවරාජස්ස ධජග්ගං

උල්ලෝකයතං යං භවිස්සති භයංවා ඡම්භිතත්තං වා

ලෝමහංසෝ වා සෝ පහීයිස්සති.

5. නෝ චේ වරුණස්ස දේවරාජස්ස ධජග්ගං

උල්ලෝකෙය්‍යාථ, අථ ඊසානස්ස දේවරාජස්ස ධජග්ගං

උල්ලෝකෙය්‍යාථ, ඊසානස්ස හි වෝ දේවරාජස්ස ධජග්ගං

උල්ලෝකයතං, යං භවිස්සති භයං වා ඡම්භිතත්තං වා

ලෝමහංසෝ වා සෝ පහීයිස්සති.

6. තං ඛෝ පන භික්ඛවේ සක්කස්ස වා දේවානමින්දස්ස

ධජග්ගං උල්ලෝකයතං, වරුණස්ස වා දේවරාජස්ස ධජග්ගං

උල්ලෝකයතං, ඊසානස්ස වා දේවරාජස්ස ධජග්ගං

උල්ලෝකයතං යං භවිස්සති භයං වා ඡම්භිතත්තං වා

ලෝමහංසෝ වා සෝ පහීයේථාපි නෝපි පහීයේථ, තං කිස්ස හේතු?

7. සක්කෝ භික්ඛවේ දේවාන මින්‍ෙදා් අවීතරාගෝ අවීත‍ෙදා් සෝ

අවිතමෝහෝ භීරුච්ඡම් භි උත්‍රාසි පලායීති

8. අහංච ඛෝ භික්ඛවේ ඒවං වදාමි, සචේ තුම්හාකං භික්ඛවේ

අරඤ්ඤගතානං වා රුක්ඛමූලගතානං වා සුඤ්ඤාගාරගතානං වා

උප්පජ්ජේ‍යය භයං වා ඡම්භිතත්තං වා ලෝමහංසෝ වා

මමේව තස්මිං සමයේ අනුස්සරෙය්‍යාථ,

9. ඉතිපිසෝ භගවා අරහං සම්මා සම්බුද්ධෝ විජ්ජාචරණ සම්පන්නනෝ සුගතෝ ලෝකවිදු අනුත්තරෝ පුරිසදම්සාරථි

සත්ථා දේවමනුස්සානං බුද්ධෝ භගවාති.

10. මමංහි වෝ භික්ඛවේ අනුස්සරතං, යං භවිස්සති භයං වා

ඡම්භිතත්තං වා ලෝමහංසෝ වා සෝ පහීයිස්සති

11. නෝ චේ මං අනුස්සරෙය්‍යාථ, අථ ධම්මං අනුස්සරෙය්‍යාථ,

12. ස්වාක්ඛාතෝ භගවතා ධම්මෝ සන්දිට්ඨිකෝ අකාලිකෝ ඒහිපස්සිකෝ ඕපනයිකෝ පච්චත්තං වේදිතබ්බෝ විඤ්ඤුහීති

ධම්මං හි වෝ භික්ඛවේ අනුස්සරතං, යං භවිස්සති භයං වා ඡම්භිතත්තං වා ලෝමහංසෝ වා සෝ පහීයිස්සති.

13. නෝ චේ ධම්මං අනුස්සරෙය්‍යථ, අථ සංඝං අනුස්සරෙය්‍යාථ.

14. සුපටිපන්නෝ භගවතෝ සාවක සංඝෝ උජුපටිපන්නෝ

භගවතෝ සාවක සංඝෝ ඤායපටිපන්නෝ භගවතෝ

සාවක සංඝෝ, සාමීචිපටිපන්නෝ භගවතෝ සාවක සංඝෝ

යදිදං චත්තාරිපුරිසයුගානි අට්ඨපුරිසපුග්ගලා ඒස භගවතෝ

සාවක සංඝෝ, ආහුනෙය්‍යා පාහුනේ‍යයා දක්ඛිණෙය්‍යා

අඤ්ජලිකරණීයේ අනුත්තරං පුඤ්ඤක්ඛෙත්තං ලෝකස්සාති.

15 සංඝං හි වෝ භික්ඛවේ අනුස්සරතං, යං භවිස්සති භයං වා

ඡම්භිතත්තං වා ලෝමහංසෝ වා සෝ පහීයිස්සති, තං කිස්සහේතු?

16 තථාගතෝ, භික්ඛවේ අරහං සම්මා සම්බුද්ධෝ වීතරාගෝවීත ‍ෙදා්සෝ වීතමෝහෝ අභීරු අච්ඡම්භි අනුත්‍රාසිසි අපලායීති.

17. ඉදමවෝ ච භගවා, ඉදං වත්වා සුගතෝ අථාපරං ඒ තදවෝ ච සත්ථා

18. අරඤ්ඤේ රුක්ඛමූලේ වා සුඤ්ඤාගාරේ වා භික්ඛවෝ

අනුස්සරේථ සම්බුද්ධං - භයං තුම්හාක නෝ සියා.

19. නෝ චේ බුද්ධං සරේ‍යයාථ ලෝක ජෙට්ඨං නරා සභං

අථ ධම්මං සරේ‍යයාථ නියා ණිකං සුදේසිතං

20. නෝ චේ ධම්මං සරේ‍යයාථ නියා ණිකං සුදේසිතං අථ සංඝං සරේ‍යයාථ පුඤ්ඤක්ඛත්තං අනුත්තරං

21. ඒවං බුද්ධං සරන්තානං - ධම්මං සංඝඤ්ච භික්ඛවෝ භයං වා ඡම්භිතත්තං වා - ලෝමහංසෝ න හෙස්සතී ති

වා

රියපොළ කොළඹගම ශ්‍රී මියුගුණාරාම රජමහ විහාරාධිකාරී, නේපාලයේ ලුම්බිණි නුවර නේපාල ශ්‍රී ලංකා මහා විහාරයේ භාරකාර විහාරාධිපති, පූජ්‍යපාද ආචාර්ය ගල්ලැහැපිටියේ පේමරතන ස්වාමීන් වහන්සේ (19/12/2021 මව්බිම පුවත්පතේ තරුපති විශේෂාංගය)