වාහයක් වාසනාවන්ත වන බව හෝ අවසනාවන්ත වන බව අත්ලේ වැටෙන රේඛා සලකුණු මඟින් හදුනා ගත හැකිය. ඒ සඳහා බලපාන හස්ත රේඛා සලකුණු බොහෝ තිබෙන බව මෙම ශාස්ත්රය උගන්වයි. පහත දැක්වෙන රූප සටහන බලන්න. එහි ඒ සලකුණු දෙස බලන්න මේ ආකාරයට එහි ඉතා පැහැදිලි ලෙස වැටුණු කතිරයක් තිබේ නම් එය වාසනාවන්ත විවාහයක පෙර නිමිති වේ. මෙහිදී ගුරු මණ්ඩලය ප්රබල නම් මෙහි බලය වැඩි වන බවත් දක්නට ලැබේ. තවද ගුරු මණ්ඩලය දෙසට හෘදය රේඛාව ඉතා ගැඹුරින් වැටී ඇත්නම් එයද විවාහය වාසනාවන්ත වන හස්ත රේඛා සලකුණකි. රූප සටහනේ B B සලකුණු බලන්න. තවද දෛවය රේඛාවෙන් ශාඛාවන් කිහිපයක් බුධ හා රවි මණ්ඩලයන් දෙසට ගමන් කරයි නම් එයද විවාහයක් වාසනාවන්ත වන බව පෙන්වන හස්ත රේඛා සලකුණු වේ. රූප සටහනේ C C සලකුණු බලන්න. තවද ඉතා පැහැදිලි ලෙස ජය හෙවත් විවාහ රේඛාව, සූර්ය හෙවත් රවි රේඛාවට සම්බන්ධ වීම ධනවත් විවාහයක් වන බව ඉඟි කරයි. රූප සටහනේ D D සලකුණු බලන්න. සිකුරු මණ්ඩලය තුළ පැහැදිලි ත්රිකෝණයක් කොඩියක්, චතුරස්රයක් වැටීම විවාහය වාසනාවන්ත වන සලකුණුයි. රූප සටහනේ D D සලකුණු බලන්න. තවද ඉතා පැහැදිලි ලෙස වැටෙන දෛවය හා රවි රේඛාවන් දෙකක් පිහිටීම විවාහය වාසනාවන්ත වීම කෙරෙහි තදින් බලපානු ඇත. රූප සටහනේ E E සලකුණු බලන්න. මේ ආකාරයට වාසනාවන්ත විවාහයක පෙර නිමිති අත්ලෙන් හඳුනා ගත හැකි බව අපගේ දිගුකාලීන අත්දැකීම්ය.