මීට කලින් ලිපියෙන්ද සඳහන් කළ පරිදිම කුජ ග්‍රහයා 2021 වසරෙහි ඔක්තෝබර් 22 වැනිදා තුලා රාශියට පිවිසෙන ලද අතර 2021 වසරෙහි දෙසැම්බර් 05 වැනිදා පෙ.ව. 5.58 වන තෙක්ම තම තුලා රාශි චලිතය පවත්වා ගෙන යයි. මෙම ග්‍රහ චලිතය වඩාත්ම තීරණාත්මක වන්නේ මීන ලග්න හිමියන්ටය. ඒ අනුව මීන ලග්න හිමියන්ට 2021 වසරෙහි ඔක්තෝබර් 22 වැනිදාත් 2021 වසරෙහි දෙසැම්බර් 05 වැනිදාත් අතර කාලසීමාව තුළ ජීවන ක්‍රමය වෙනස් වන ආකාරයට අලුත් ආරංචියක් ලැබීමක් හෝ අලුත් සිද්ධියක් සිදුවීමක් හෝ පෙන්නුම් කෙරේ.

 කිසියම් අභියෝගයක් නිසා හෝ බාධකයක් නිසා මෙම කාලවකවානුව මුලදී මීන ලග්න හිමියන්ට අසුබ කාලසීමාවක් ලෙස දැනෙන්නට ඉඩ ඇති වුවද මෙම කාලවකවානුව නිම වීමට පෙර ඔවුන්ට පියවරක් ඉදිරියට යෑමට හෝ පරිණත වීමට භාග්‍යය උදාවනු ඇත. තවද මෙම ග්‍රහ චලිතයට අනුව 2021 වසරෙහි ඔක්තෝබර් 22 වැනිදාත් 2021 වසරෙහි දෙසැම්බර් 05 වැනිදාත් අතර කාලසීමාව තුළ මීන ලග්න හිමියන්ගේ රැකියාවන්හි රාජකාරි ලැයිස්තු වෙනස් වීමටද ස්ථාන මාරු ඉල්ලා ඇති මීන ලග්න හිමියන්ගේ ස්ථාන මාරුවීම් සාර්ථක වීමටද අලුත් රැකියාවක් සොයන මීන ලග්න හිමියන්ගේ එම බලාපොරොත්තු ඉෂ්ට වීමටද ඉඩකඩ පවතින බව පෙනේ. තවද මෙම ග්‍රහ ගෝචරයට අනුව 2021 වසරෙහි ඔක්තෝබර් 22 වැනිදාත් 2021 වසරෙහි දෙසැම්බර් 05 වැනිදාත් අතර කාලසීමාව තුළ මීන ලග්න හිමියන්ගේ දැනට පවතින අතිරේක ආදායම් මාර්ගයන් අහිමි වීමටද ඒ වෙනුවට වෙනත් අතිරේක ආදායම් මාර්ගයක්  නිර්මාණය වීමටද අලුත් රැකියාවන් සොයන මීන ලග්න හිමියන්ගේ එම බලාපොරොත්තු ඉටු වීමටද මීන ලග්න හිමියන්ගේ අභ්‍යන්තර මානසික තත්ත්වය ආශ්‍රිතව දුබල වෙනස්කම් සිදුවීමට සහ දෙගිඩියාසහහගත සිතිවිලි ඇති වීමටද ඉහළ ඉඩක් පවතින බව පෙනේ.

තවද කුජ ග්‍රහයා මේ ආකාරයට තුලා රාශිය තුළ චලිත වීමට අනුව 2021 වසරෙහි ඔක්තෝබර් 22 වැනිදාත් 2021 වසරෙහි දෙසැම්බර් 05 වැනිදාත් අතර කාලසීමාව තුළ අත්දැකීම් සපිරි කලින් ඉහළම තනතුරක් දැරූ නායක මට්ටමේ දේශපාලන චරිතයක් පිළිබඳව අලුත් ආරංචියක් ලැබීමක් හෝ අලුත් සිද්ධියක් සිදුවීමක් පෙන්නුම කෙරේ. තවද ඉහත කාලසීමාව තුළ දැනට යම්තාක් දුරකට ප්‍රබල මට්ටමෙන් පවතින දේශපාලන  පක්ෂයක සැලකිය යුතු තනතුරු වෙනසකටද ඉඩකඩ පවතින බව පෙනේ.

සිකුරු ග්‍රහයා 2021 වසරෙහි ඔක්තෝබර් 30 වැනිදා ප.ව. 4.10ට ධනු රාශියට පිවිසෙන අතර 2021 වසරෙහි දෙසැම්බර් 08 වැනිදා ප.ව. 1.58 වන තෙක්ම තම ධනු රාශි චලිතය පවත්වා ගෙන යයි. මෛම ග්‍රහ චලිතයට අනුව 2021 වසරෙහි ඔක්තෝබර් 30 ආශ්‍රිත දිනවල වර්ෂාව සම්බන්ධව සුබදායක වෙනස්කම් පෙන්නුම් කෙරේ. තවද මෙමම ග්‍රහ ගෝචරයට අනුව 1958 පෙබරවාරි 08 වැනිදාත් 1958 ජුනි 02 වැනිදාත් අතර කාලසීමාව තුළ ඉපදුණු අයටද 1958 නොවැම්බර් 07 වැනිදාත් 1961 පෙබරවාරි 01 වැනිදාත් අතර කාලසීමාව තුළ කුමන හෝ දිනයක ඉපදුණු අයටද 1961 සැප්තැම්බර් 18 වැනිදාත් 1961 ඔක්තෝබර් 07 වැනිදාත් අතර කාලය තුළ ඉපදුණු අයටද 1987 දෙසැම්බර් 17 වැනිදත් 1990 මාර්තු 21 වැනිදාත් අතර කාලසීමාව තුළ කුමන හෝ දිනයක ඉපදුණු අයටද 1990 ජුනි 20 වැනිදාත් 1990 දෙසැම්බර් 15 වැනිදාත් අතර කාලසීමාව තුළ ඉපදුණු අයටද 2021 වසරෙහි ඔක්තෝබර් 30 වැනිදාත් 2021 වසරෙහි දෙසැම්බර් 08 වැනිදාත් අතර කාලසීමාව තුළ විශේෂ මුදල් ගනුදෙනු, විශේෂ මුදල් ලාභ, බැංකුවලින් ණය මුදල් ලබාගැනීම සාර්ථක වීම, කොටස් වෙළෙඳපොළ ආයෝජනය වැනි ක්ෂණික මුදල් ආයෝජන සාර්ථක  කරගැනීම, වාහන, ඉඩකඩම්, නිවාස  ගනුදෙනු සාර්ථක කරගැනීම සහ බලාපොරොත්තු රහිත ලෙස තෑගි බෝග ලැබීම් ආදිය පෙන්නුම් කෙරේ.

(මව්බිම -24/10/2021) පාරින්ද්‍ර සුගතදාස